الماتريا ما لها وما عليها

[me_medoo]

السلام عليكم ياشباب النيل موترز
انا كنت زمان في أيام شبابي زير عربيات ... ومازلت مع الأسف ... مفيش عربية بتفضل على زمتي أكتر من سنة ... لكن مع تفاقم الأزمة الأقتصادية قلت أحسس وأدقق في أختياري ... وقررت أجيب عربية مستعملة أحسن من الجديد .

المهم شفت عربية ماتريا عجبني قوي الأوبشن الي فيها وسواقة العربية فكرتني بعربيات الجيمس وركوبة الأمريكاني بالذات أنها أتوماتيك

بس لاحظت مفيش كتير منها في الشارع المصري ، فهل ياترى قطع غيارها كمان نادرة كده زي ندرة العربية ... وياترى أيه عيوبها ... العربيةكلها مميزات بس انا عاوز العيوب العيوب الي ميعرفهاش غير سواق قديم جرب عربيات كتيرة ، لأني بطلع القطط الفاطسة في العربية .

وياترى لو قرناها بعربية يارس كامله أتوماتيك مين يكسب .

برجاء المساعدة ياشباب ... وأسؤلوا أهل الذكر أن كنتم لا تعلمون ... وشكراً

[mohamed_rhem]

الماتريا التوكيل معدش بينزلها من 3 سنوات بالاضافة اني كنت عايز اجبها اسبشيل اوردر من كام يوم كده لكن علي موقع اليابان ملاقتهاش اصلا تقريبا وقفوا انتاج الخط

ده بالاضافه ان في حجات مش حلاقيها في التوكيل الا لو عملتلها امر شراء مباشر وده يخليني استني 15 يوم علي الاكثر لحين وصول القطعة من اليابان

قيس اللي قولته علي المستعمل بالظبط

نادرة عن السيريون يعني حتي في الاستيراد حتبقي مش متوفرة وكمان التوكيل مش حيجيب كميات لان مش بيبيع منها جديد

لكن للامانة عربية محدش اشتكي منها ابدا

انا اتفرجت علي الكيا سول ومعجبتنيش وكانت ب 136 الف

بجد عدم نزولها خسارة كبيرة للفئة ده

[bmya]

العربيه مش معايا صراحه بس بتعجبني جدااااااااااا
بالمناسبه للمقارنه بينها وبين الياريس طبعا الماتيرايا تكسبببب خصوص الكامله بقه زجاج فاميه ودلع

[me_medoo]

تسلمو ياشباب ... بس فعلاً حاجة تخوف حتت ان خط أنتاجها وقف ... انا بقالي كذا يوم بقول اجيب ياريس لا ماتريا يارس ماتريا يارس ماتريا وقربت أتجنن

[mahmoudselim]

ممكن تشوف الكيا سبورتاج بتهيئلي هتعجبك
اما بخصوص الماتريا فالافضل انك تصرف نظر عنها طالما اتوقف انتاجها
مع الاعتبار انها "كانت" عربية جيدة جدا في فئتها.

[mohamed_rhem]

ممكن تشوف [gdwl]الكيا سبورتاج[/gdwl] بتهيئلي هتعجبك
اما بخصوص الماتريا فالافضل انك تصرف نظر عنها طالما اتوقف انتاجها
مع الاعتبار انها "كانت" عربية جيدة جدا في فئتها.

حضرتك عارف ان اقل فئه فيها ب 160 الف

[MohssenRashed]

حضرتك عارف ان اقل فئه فيها ب 160 الف

176 الف كمان

فرق كبير طبعا

[me_medoo]

بس خلونا نكون صرحا شوية حبتين مع نفسينا .... العربية من ساعت ما توقف خط أنتاجها ورغم ذلك شكلها لسه متماسك ... ماسكه نفسها في الشارع المصري ... الفخامة التي فيها ليس لها مثيل على سعرها طبعاً ... قوة المتور ومتعة القيادة الي فيها غير شكل ...ولو الواحد فكر يجيب عربية تانية مستعمله مش هيلاقي المميزات الي في المتريا ... بالبعكس أي عربية مستعملة تانية هتكون هلكانة مش زي المتريا وقفا على حيلها زي الفرس بكل شموخ وعظمة .

فلو مثلا واحد هيجيب عربية فيرنا زيرو ولا حتى لوجن ... ب 70.000 جنيه طيب ما يجيب ماتريا مستعمله أحسن لا وأسمو راكب عربية يباني وفخمه وفيها جميع كل المميزات وعائلية وواسعة ، والناس تشير له بالبنان ... وتقول وااااااااااااو ، يعني من الاخر تبقى انسان مميز ، أما بالنسبة لسعر أعادة البيع ، فأي عربية في الدنيا بينزل من سعرها ، فمثلاً ماتريا بسبعين مستعملة بعد سنة ولا سنتين لمن تهلك ابوها هتبقى بستين او خمسه وستين على حسب استعمالك وعلى حسب قد ايه مانتا محفاظ على العربية ... زيها زي لو جبت عربية لوجن جديدة زيرو وطبعاً مش هتلاقي نفس الاوبشن الي في المتريا ولاحتى الفيرنا هتلاقي الفخامه والجمال ده حتى لو كانت زيروو كمان بعد سنة ولا سنتين هتقل عن سعرها أول ما تعلق النمر 10.000 جنيه وعن كل سنة 5000 جنيه يعني برضو لو جبت عربية زيرو كمان هخسر فيها لمن اجي ابيعها ، بس زي ما قلتلكم أسمي راكب عربية يباني وشكلها جديد وحلو وفخم ... وغير كده وكده المتريا أقوى بكتير حتى لوكانت مستعمله ... وثمنها ب70 والزيرو من العربيات العادية التعبانه زي الفيرنا او الانوس او اللوجن جداد فل أوبشن ب 70 الف ومش هتلاقي منهم اتوماتيك بس المتريا اذا كانت نظيفه ولسه ماسكه نفسها وفيها كل الاوبشن ده وجنوط كمان وواسعه واتوماتيك بس مستعمله أستعمال نظيف هتبقى أحسن مليون مره من العربيات الزيرو التعبانة ...بس مشكلتنا في مصر أن أغلب الناس بيحبو سياسة ال 128 فيات ... يجيبو العربية المنتشرة والي اي مكنيكي يفهم فيها ... ويفضلو يقضو حياتهم رايحين جاين من عند الميكانيكي لحد ما المكنيكي يبقى من أعز أعز أصدقائو ويبقى صحبو الانتيم ههههههههه لا ويعرف المكانيكي على بقيت أصحابو وبقيت عيلتو كمان (حسن بتاع العفشة وهشام السمكري ومصطفى الكهربائي وعزت المكيانيكي) ولمن تروحلو قلو عماد بتاع الفيرنا بيسلم عليك علشان يعرفك هههههههه هما دول صحابك المفضلين بينما لوجبت عربية فخمه وحلوة فالوكيل بيعملها صيانة صحيح غاليه شوية بس بيرجعلك العربية نوفي وبدل ما أدفع عشرة في عشرين في ستين في خمسين في مية بروح التوكيل وأدفع الملبغ كامل بس بيرجع لي العربية مفهاش الهوى (مش أمشي خطوتين مع المدام الاقي العربية عطلت وأقولها لازم أروح عند حسين تقلي حسين مين؟؟!! أقولها حسين المكنيكي علشان العربية رجعت باظت تاني مره ) فاليباني ملوش تاني وبيعيش والمتريا حتى لوجبتها مستعمله روح اتفرج على التوكيل عامل ازاي بسم الله مشاء الله حاجه تفرح متحسش اننا في مصر نهائي ويخدو العربية وفي خلال ساعه ولا ساعتين يرجعوهالك جديدة تماماً ويقولوك تبقى تجيلنا بعد خمسين ألف ولا عشرين ألف كيلو نشيكلك عليها ونعملك السرفيس بتاعها وترجع العربية زي الفل وتبقى ماشي مطمن ...
[frame="1 80"]

فأيه رئيكم ياشباب أجيب ماتريا ولا أعيش عيشت أهلي وأركب لوجن ولانوس ولا فيرنا .
[/frame]

[askoda]

I Like Your Way of Thinking and i Love the Materia specially in the Silver color

[Mostafa_Sherif]

أنا فعلا عجبني البوست ده

بس خلونا نكون صرحا شوية حبتين مع نفسينا .... العربية من ساعت ما توقف خط أنتاجها ورغم ذلك شكلها لسه متماسك ... ماسكه نفسها في الشارع المصري ... الفخامة التي فيها ليس لها مثيل على سعرها طبعاً ... قوة المتور ومتعة القيادة الي فيها غير شكل ...ولو الواحد فكر يجيب عربية تانية مستعمله مش هيلاقي المميزات الي في المتريا ... بالبعكس أي عربية مستعملة تانية هتكون هلكانة مش زي المتريا وقفا على حيلها زي الفرس بكل شموخ وعظمة .

فلو مثلا واحد هيجيب عربية فيرنا زيرو ولا حتى لوجن ... ب 70.000 جنيه طيب ما يجيب ماتريا مستعمله أحسن لا وأسمو راكب عربية يباني وفخمه وفيها جميع كل المميزات وعائلية وواسعة ، والناس تشير له بالبنان ... وتقول وااااااااااااو ، يعني من الاخر تبقى انسان مميز ، أما بالنسبة لسعر أعادة البيع ، فأي عربية في الدنيا بينزل من سعرها ، فمثلاً ماتريا بسبعين مستعملة بعد سنة ولا سنتين لمن تهلك ابوها هتبقى بستين او خمسه وستين على حسب استعمالك وعلى حسب قد ايه مانتا محفاظ على العربية ... زيها زي لو جبت عربية لوجن جديدة زيرو وطبعاً مش هتلاقي نفس الاوبشن الي في المتريا ولاحتى الفيرنا هتلاقي الفخامه والجمال ده حتى لو كانت زيروو كمان بعد سنة ولا سنتين هتقل عن سعرها أول ما تعلق النمر 10.000 جنيه وعن كل سنة 5000 جنيه يعني برضو لو جبت عربية زيرو كمان هخسر فيها لمن اجي ابيعها ، بس زي ما قلتلكم أسمي راكب عربية يباني وشكلها جديد وحلو وفخم ... وغير كده وكده المتريا أقوى بكتير حتى لوكانت مستعمله ... وثمنها ب70 والزيرو من العربيات العادية التعبانه زي الفيرنا او الانوس او اللوجن جداد فل أوبشن ب 70 الف ومش هتلاقي منهم اتوماتيك بس المتريا اذا كانت نظيفه ولسه ماسكه نفسها وفيها كل الاوبشن ده وجنوط كمان وواسعه واتوماتيك بس مستعمله أستعمال نظيف هتبقى أحسن مليون مره من العربيات الزيرو التعبانة ...بس مشكلتنا في مصر أن أغلب الناس بيحبو سياسة ال 128 فيات ... يجيبو العربية المنتشرة والي اي مكنيكي يفهم فيها ... ويفضلو يقضو حياتهم رايحين جاين من عند الميكانيكي لحد ما المكنيكي يبقى من أعز أعز أصدقائو ويبقى صحبو الانتيم ههههههههه لا ويعرف المكانيكي على بقيت أصحابو وبقيت عيلتو كمان (حسن بتاع العفشة وهشام السمكري ومصطفى الكهربائي وعزت المكيانيكي) ولمن تروحلو قلو عماد بتاع الفيرنا بيسلم عليك علشان يعرفك هههههههه هما دول صحابك المفضلين بينما لوجبت عربية فخمه وحلوة فالوكيل بيعملها صيانة صحيح غاليه شوية بس بيرجعلك العربية نوفي وبدل ما أدفع عشرة في عشرين في ستين في خمسين في مية بروح التوكيل وأدفع الملبغ كامل بس بيرجع لي العربية مفهاش الهوى (مش أمشي خطوتين مع المدام الاقي العربية عطلت وأقولها لازم أروح عند حسين تقلي حسين مين؟؟!! أقولها حسين المكنيكي علشان العربية رجعت باظت تاني مره ) فاليباني ملوش تاني وبيعيش والمتريا حتى لوجبتها مستعمله روح اتفرج على التوكيل عامل ازاي بسم الله مشاء الله حاجه تفرح متحسش اننا في مصر نهائي ويخدو العربية وفي خلال ساعه ولا ساعتين يرجعوهالك جديدة تماماً ويقولوك تبقى تجيلنا بعد خمسين ألف ولا عشرين ألف كيلو نشيكلك عليها ونعملك السرفيس بتاعها وترجع العربية زي الفل وتبقى ماشي مطمن ...
[frame="1 80"]

فأيه رئيكم ياشباب أجيب ماتريا ولا أعيش عيشت أهلي وأركب لوجن ولانوس ولا فيرنا .
[/frame]

[dr_hady4447]

هيا الماتيريا قطع غيارها موجودة دلوقتى ولا لا ؟؟
وموجودة برة التوكيل ولا لا؟