تليين السيريون

[Mezox]

أنا اشتريت سيريون 1300cc جديد الحمدلله
كنت عاوز أعرف هل التليين ضروري للعربية دي ؟؟ ولا هي بتيجي متلينة ؟؟
و لو فيه تليين يبقي بعد كام كم ؟؟
و كان فيه كم موقف كدة خلني اضطر اني أعلي الrpm ونة سايق فهل دة خطر علي الموتور ؟؟
مشكور مقدماً :)

[mohamed ibiza]

الاحسن ليها امك تلين اول 1000 كيلو لكن في ناس مش بتلين زينا كده اول ما جبنا الابيزا متلينتش كانت جايه من اسكندرية عاملة 350 كيلو و عشنا اللحظة بيها علي طول من غير لا تليين ولا يحزنون بس الاحسن انك تلين 1000 كيلو بأقصي سرعة 100كم\ساعة و من غير تكييف

[fahd_628]

اعتقد تليين السيريون 1600 كم او 1000 ميل والله اعلم استنى رد الملاك

[Mezox]

مشكور على ردكم يا جماعة :) بس أنا بصراحة مش مقتنع بشكل كامل بموضوع إن الواحد لازم يلين العربية ال-zero يعني أعتقد التليين دة للعامل عمرة للموتور أو كدة دة غير إنه لو كان شيء مهم مش المفروض يكتبوه في الكتالوج
مستني رد بقيت الناس يا جماعة عشان أنا معنديش خبرة خالص في موضوع العربيات دة ربنا يكرمكم :)
و ليه سؤال تاني برده ، أنا سمعت إن غلط الواحد يلف دركسيون ال- power
علي الأخر فهل الكلام ده صحيح ؟؟
مستني ردكم يا جماعة في موضوع التليين وال Power ؟؟
و متشكر مرة تانية :)

[MoToRiZeR]

بص هو في الكتيب بتاع العربية مكتوب ان التليين 1600 كيلو (الف ميل)
و في التوكيل هيقولولك ان ممكن تلين 1000 كيلو بس مفيش مشاكل

و لك مطلق الحرية تعمل اي واحد فيهم .. يعني انا لينت 1000 .. اخونا معاذ الشرباصي لين 1600

اما بالنسبة لأهمية التليين فا هو مهم جدا لأن الموتور لسة جديد و نسبة الاحتكاك بين اجزاؤه بتكون فيه عالية .. لذلك يفضل التليين في اول 1000 كيلو علي الاقل حتي تتجانس اجزاء المحرك في الحركة مع بعضها .. و لو ملينتش مش هيحصل حاجة دلوقت .. و لكن بعد وقت طويل إن شاء الله .. العربية هتفتح بقها بدري .. لذلك فالتليين ضرووووووري

يعني متعديش 3 ار بي ام بالكتير علي اي غيار .. و التسارع وحدة وحدة .. مفيش قرص ابدا

بالنسبة لموضوع الدركسيون معنديش معلومات الصراحة بس معتقدش انه غلط و الا كانوا تداركوا الخطا ده و خلوا الدركسيون بيتحرك في limit معين ميسببش ضرر .. بس الله اعلم

[ows212]

الف مبرووك يا ميزوكس العربية
بالنسبة للتليين انا رايى تسمع كلام الكتالوج اللى بيقول مانمشيش اكتر من 90 كيلو فى ال1600 كيلو الأولى ... كمان ما نشغلش التكييف .... ومانمشيش على سرعة ثابتة فترة طويلة
بالنسبة للف دريكسيون الباور انا سمعت الموضوع ده بالنسبة للعربية وانت واقف يعنى مش بتتحرك بس مش عارف معلومة صح ولا لا
الف مبروووووووووووووووووك مرة تانية وعايزين نشوفك فى المنتدى على طول واى معلومة انت محتاجها الناس هنا مش بتتاخر على حد

[Eng_aly]

اهلا بيك يا mezox التلين مهم جدا وزى ما الاخوة قالوا لمدة 1600 كم وعلى مهلك عليها يا وش ياوش انا علشان احل الموضوع دة رحت بيها اسكندرية وجت وموضوع الpower دة انا مش متأكد بس اعتقد انة معمول علشان يلف

[أبو عبدالله]

بص يا اخي ميزو
أولا مبارك عليك وربنا يعطيك خيرها ويكفي عنك شرها ان شاء الله

أولا العربيات دي غالبا بتيجي متلينه من الخارج
ولكن هيا بتبقى مسألة تعود على السائق يعني اول رجل ركبتها
فانت براحتك
ولكن الأفضل انك تعودها على رجلك بس براحه يعني بلاش شد جامد بها او فجأة او الحاجات دي ويفضل انك تمشيها لحد 1000 ك
وهما فعلا في الكتيب بتاعها المفروض تمشي لحد 1600 ك اللي هو 1000 ميل

وانا افضل لك انك تخليك خفيف عليها الفتره دي ومش هتخسر حاجه

[ara]

الف مبروك على العربية... انا طبعا مش هاضيف على كلام الإخوة بس التلين مهم علشان متجريش بالعربية وانت لسه ماخدتش عليها و علشان لا اقدر الله لو حسيت فيها باى حاجة مش مظبوة التوكيل ميقولكش "اصلك ملينتهاش" :)

[Mezox]

الله يبارك فيكم :)
ألف شكر يا شباب على ردودكم و مساعدتكم ربنا يخليكم :)
أستاذ ابو عبدالله ممكن صورة الديهاتسو السودة إلي إنت حاطتها بس على أكبر لو عندك :) و شكراً مرة تانية :)

[محمد ابراهيم 1]

التليين مهم طبعا والأ مكنش اللى صنع العربيه نص عليه
ومفيش حاجه إسمها العربيه بتيجى متلينه لكن تقدم الصناعه جعل من التليين مسأله أقل أهميه منه بالنسبه للماضى
لكن فى الكتالوج بتاع اللانسر مسمينها فتره ترويض المحرك وهى 1000 كم

[aliabutaleb]

الله يبارك فيكم

ألف شكر يا شباب على ردودكم و مساعدتكم ربنا يخليكم

أستاذ ابو عبدالله ممكن صورة الديهاتسو السودة إلي إنت حاطتها بس على أكبر لو عندك
و شكراً مرة تانية

شوف دي
ودي
ودي

[Mezox]

شكراً يا باشا :) بس أنا عاوز نفس الصورة إلي فيها ال-Vinyls إلي في صورة أبوعبدالله :)

[أبو عبدالله]

شكراً يا باشا :) بس أنا عاوز نفس الصورة إلي فيها ال-Vinyls إلي في صورة أبوعبدالله :)

يا باشا هرفعهملك ان شاء الله
اانا كنت بدور عليهم بس الموقع اللي كانو فيه شالهم
فهجاول ارفعلك اللي عندي ان شاء الله

[Mezox]

متشكر يا باشا معلش تعبتك معايا :)