تغيير علبة دركسيون للماتريا (شكرا شركة دايهاتسو )

[ebrahim30]

ياجماعة انا معايا ماتريا موديل 2007 وكنت جايبها مستعملة وبعد ماشرتيها بحوالى شهرين سمعت صوت تخبيط فى العفشة وروحت أكشف على عفشة العربية فى التوكيل و قالولى ان علبة الدركسيون فيها مشكلة ولازم تتغير و طبعا العربية كانت برة الضمان و قالولى ان العلبة هاتتكلف حوالى 6 الاف جم و طبعا نزل الخبر كالصاعقة خصوصا ان العربية عاملة حوالى 55 الف كيلو و لاكن المهندس قالى انة هايحاول ياخود استثناء من الشركة الام ان العلبة تتغير فى الضمان خصوصا انها مش عاملة كيلوميتر كتير و فعلا بعد يومين اتصلو بيا و قالى ان الشركة وافقت على موضوع الضمان و ان العلبة هاتتغير فى الضمان( الحمد الله ) و حددولى ميعاد بعد اسبوع فى فرع ابو رواش وفعلا روحت فى الميعاد وتم تغيير العلبة بواحدة جديدة وتم ظبط الزوايا و ولم ادفع جندى واحد .
يظهر ان مشكلة علبة الدركسيون دى مشكلة عامة فى معظم موديلات دايهاتسو خصوصا انى سامع ان الزملاء هنا بيعانوا الامرين فى الموضوع دة بالنسبة للدايهاتسو سيريون بس يظهر انها موجودة فى الماتريا كمان وربنا يستر ومترجعش تانى .

[mohamed_rhem]

مبروك العلبة الجيدة

[ebrahim30]

الله يبارك فيك ياباشا

[dr_hady4447]

وبيستثنوا الكل ولا انتا بس
دا شكلة عيب صناعة

[ebrahim30]

والله ياباشا مش عارف بس الاكيد انو عيب صناعة و هما عرفين كدة بس الجميل فى الموضوع انهم وقفوا معايا مش ضدى خصوصا ان العربية كانت برة الضمان وشالو كل حاجة حتى ظبط الزوايا

[original]

مبروك وربنا يهدى التوكيلات