بيع دايهاتسو ميرا

[tanman]

بسم الله الرحمن الرحيم

السلام عليكم , لو سمحتم انا عايز استفسر عن سعر بيع عربيه

العربيه دايهاتسو ميرا 94

لو هي حالتها كويسه ابيعها بكام ؟؟

و شكرا ليكم

[mohamed_rhem]

ياريت تفاصيل اكتر علشان نقدر نقيمها صح

[tanman]

انا باسال لو هي حالتها كويسه , لان العربيه فيها مشاكل و عايزه شغل بالف جنيه , فعايز اعرف لو عربيه كويسه جدا هيبقى سعرها كام , و هشيل من السعر ده الفين جنيه عشان ما اظلمش اللي هيشتريها , يا ريت اكون وضحت

و عموما العربيه ميرا 94 , لسه جايبلها طقم كاوتش جديد , و مركبلها عفش عالكراسي , و المشاكل اللي فيها انها سخنت و الميكانيكي قالي عايزه شنبر و جوان , و مشكله في الكهربا بسيطه عشانه المروحه بتعلق , و كوبلن شمال عايز يتغير , و شويه سمكره و العلبه بتاعه المساحات و النور اللي ورا الدريكسيون عايزه تتغير , و العربيه كنت مغيرلها القنطره , و محتاحه تيل فرامل قدام

انا عايز اعرف ابيعها بكام , و اكون ما ظلمتش نفسي ولا اللي هيشتريها , علما اني هاقوله على كل حاجه في العربيه عشان ما تبقاش فلوسي حرام

و مفيش نيه اصلح العربيه و اخر مره في حياتي اركب دايهاتسو ان شاء الله

[tanman]

السعر اللي في دماغي من 17 ل18

[mohamed_rhem]

انا باسال لو هي حالتها كويسه , لان العربيه فيها مشاكل و عايزه شغل بالف جنيه , فعايز اعرف لو عربيه كويسه جدا هيبقى سعرها كام , و هشيل من السعر ده الفين جنيه عشان ما اظلمش اللي هيشتريها , يا ريت اكون وضحت

و عموما العربيه ميرا 94 , لسه جايبلها طقم كاوتش جديد , و مركبلها عفش عالكراسي , و المشاكل اللي فيها انها سخنت و الميكانيكي قالي عايزه شنبر و جوان , و مشكله في الكهربا بسيطه عشانه المروحه بتعلق , و كوبلن شمال عايز يتغير , و شويه سمكره و العلبه بتاعه المساحات و النور اللي ورا الدريكسيون عايزه تتغير , و العربيه كنت مغيرلها القنطره , و محتاحه تيل فرامل قدام

انا عايز اعرف ابيعها بكام , و اكون ما ظلمتش نفسي ولا اللي هيشتريها , علما اني هاقوله على كل حاجه في العربيه عشان ما تبقاش فلوسي حرام

و مفيش نيه اصلح العربيه و اخر مره في حياتي اركب دايهاتسو ان شاء الله

انا انصحك اعمل اللي فيها لان اللي حيشتري لو فهم انك زهقان من عربيتك حيفطسلك تمنها
ده لو كان فاهم وعنده وقت يلف علي الصنايعية طيب لو واحده ست اللي حتشتري وبتقولها فيها الكلام ده حيخلها متشتريش

السعر اللي في دماغي من 17 ل18

السعر ده بعد ما تظبطها ان شاء الله

وصدقني عربيات ديهاتسو لو مظبوطه مفيش حاجه تنافسها في نفس فئتها السعرية

[tanman]

الف شكر على ردك يا باشا , بس انا من طنطا و اكبر غلطه اني اشتريت دايهاتسو عشان مفيش ليها ايييييييييي حاجه في طنطا , لدرحه اني فضلت راكنها شهر عشان الكتاوت كانت عايزه تتغير

و لك ان تتخيل يعني ايه اروح الحرفيين و اشتري قنطره و اشيلها لحد طنطا مواصلات , و انا معنديش استعداد احط فيها جنيه عشان بجد انا نفسيا مش عايز اركبها تاني ولا ادوخ ورا الصنايعيه بيها , غير اني لااااااازم اسافر برضو عشان اجيب كل الكلام ده , انا الاول كانت العربيه عاجباني جدا و موفره في البنزين و ركنتها حلوه وسواقتها حلوه , بس بجد موضوع اني الف ساعتين في الشارع عشان الاقي كتاوت وفي الاخر اسافر القاهره عشانها دي كانت من الحاجات اللي خلتني مش طايق العربيه دي

لو ده السعر اللي هتتباع بيه بعد التظبيط خلاص هبيعها ب16 و حلوين اوي و استعوض ربنا في خسارتي

[mohamed_rhem]

افتكرتك

معلش ربنا يعينك

بالمناسبة حد قريبي من الاسماعلية كان عايز الشاريد بتاعتي وقولتله مش حتلاقي حاجتها هناك

ف احسن حاجه تجيب اللي تلاقيله قطع غيار ومنتشرة

[tanman]

ان شاء الله لما اجي اشتري بعد كده هبقى اشوف اكتر عربيه منتشره , صعب اوي موضوع قطع الغيار لما تكون مش متوفره