تربيط العفشة مهم جدا

[mohamed_rhem]

انا الحمد لله دخلت في ال 40 الف وده صيانه كلنا عارفنها بتحوش لها من قبلها

انا قررت تأجيلها فترة

المهم امبارح روحت بردجستون عباس العقاد انا عارف ان في خصم لنقابة المهندسين علي المصنعيات

سألت عايز اربط عفشه قالي ب 10 جنيه

يعني بعد الخصم 9 جنيه لاقتها مش مستاهلة قولت لما نغير الكاوتش
قولت اسأل علي الكاوتش مهندس الاستقبال قالي في حال انك اشتريت الكاوتش من عندنا بتحصل علي

1- تركيب وترصيص هدية
2-بلوف الماني هدية
3-ملء نيتروجين مجاني
4- عمل روتيشن طول عمر الكاوتش مجاني
5-تزويد نيتروجين كل شهر مجاني

المهم نرجع لموضوع التربيط

بصراحه فنيين محترمين وشغل بمفتاح عزوم وزودولي نيتروجين ببلاش

تقريبا نفس مستوي تربيط العفشة في التوكيل والعربية فرقت بصراحة

كنت عايز اعمل بالمرة رجلاش للفرامل الخلفية بس نسيت اسأل بيعملوها ولا لاء

علي العموم انا قولت انقل التجربة علشان الفائدة تعم

[bmya]

تربيط العفشه بيفرق اوي فعلا انا بربطها في مركز صيانه هيونداي بياخد 40 جنيه تربيط وتشحيم بعملها كل 6 شهور كده

[mohamed_rhem]

تربيط العفشه بيفرق اوي فعلا انا بربطها في مركز صيانه هيونداي بياخد 40 جنيه [gdwl]تربيط وتشحيم[/gdwl] بعملها كل 6 شهور كده

اذيك يا شريف اخبارك ايه

هو ايه الاجزاء اللي بتتشحم وبشحم نوعه ايه

[OmaR_FekrY]

طيب محدش يعرف مكان فى اكتوبر محترم بيربط عفشه لاوكتافيا a4 !

لا نى كنت جربت بنزينه موبيل اللى فى ميدان الرمايه و الصراحه طلعت فشنك :)

[AutoTycoon]

انا بالنسبة لي عمري ما حسيت بفرق بعد تربيط العفشة خالص خالص

[bmya]

ازيك يا محمد باشا
انا والله مش عارف بالظبط ايه اللي بيتشحم انا عشان كده بروح لمركز خدمه مش عفشجي عشان يبقى رافع العربيه وفاهم بالظبط هو هيعمل ايه بس بصراحه مركزتش هو بيرش على ايه
auto taycoon ازاي مش بتفرق ياباشا .؟!!
حاجه من اتنين اما ان عفشتك ماشاء الله مش بتفكك من بعضها او اللي بيربطها مش بيربطها كويس فمش بتحس بفرق لكن طبعا الفرق محسوس العفشه بتنعم جامد خصوصا لما تتغسل من تحت وتربط العفشه

[M.Nabeeh]

متابع