بفكر اغير لنيسان

[osama_alam]

شباب االسلام عليكم

بفكر اغير لنيسان ليفني انا معايه سيريون اوتوماتك 2008 هل التغير كويس انا تفكيري في:
1- عربية اوسع خصوصا الشنطة
2- كماليات اكتر
3- ثبات في العربية خصوصا انها عربية في نفس الفئة عالية في قعدتها وهاتش باك

فهل ححس بالفرق اللي يستاهل التغير؟
وشكرا

[bmya]

اساتذ اسامه ازيك ياباشا
اولا بس نيسان لفني مش من فئه السيريون خااااااااااااالص ياباشا
العربيه اكبر بكتير ياباشا اعتقد انها تدخل في فئه الكارينز مثلا ؟!!
لكن مفيش مقارنه مع السيريون خالص
وحضرتك اكيد هتحس بالفرق من ناحيه الحجم والثبات والشكل وكل حاجه
وربنا يوفققك للخير ان شاء الله

[أبو عبدالله]

هو اكيد هتحس بفارق في الحجم لأن دي فئة ميني هاتشباك ودي فئة الفان
بس رايي تركب العربيه الاول وتسال على صيانتها وقطع غيارها لأنها مش منتشرة وادخل ساحة نيسان واسأل هل لها مشاكل او عيوب علشان لا تتفاجئ وتبقى داخل على نور
وربنا يوفقك لما فيه خير لك

[mohamed_rhem]

اعتقد ان الفئة ده suv

اكيد في اختيارات افضل وربنا يوفقك

[amrdisks]

Aked el nissan agmed

[ahmedeno]

خلى بالك انا سمعت إن العربية دى بتتجمع فى الصين

[minicooper20]

و اشمعنا ليفنى

[Youssef.Awad]

اهلا بيك بالليفينا يا باشا
تركبها وتنورنا فى قسم نيسان على خير
وفعلا ركوبة مختلفة وهاتحس بجد بقوة المواتير اليابانى
لأن موتورها 1600 هو نفسى اللى نازل فى التيدا والبلوبيرد ومتطور عن الصنى
مساحات تحميل كبيرة وتدوير بدون مفتاح (زر تشغيل وايقاف)
صاج وعفشة لا يعلى عليهم
تقفيل مصنع نيسان فى الصين ودى بداية لتجميع كل موديلات نيسان هناك عشان فرق التكلفة وارتفاع تكاليف الانتاج فى اليابان
مشكلتها الوحيدة استهلاك عالى نسبيا للوقود خاصة انها اتوماتيك داخل المدينة مع تشغيل التكييف ممكن تعمل اقل من 180 كم / الصفيحة
غير كده ولا الهوا وتوكيل زى الفل

[osama_alam]

شكرا لردودكم بس انا عدلت عن الفكرة فرق السعر بين مستعمل سيرون دلوقتي مع الليفني كبيير قوي :(