حد جرب يوطى السيريون

[eng_maged]

السلام عليكم
بما ان السيريون ارتفاعها يعتبر عالي. اكيد كلنا بنحس ان الثبات بتاعها بيقل من فوق ال 120

ياترى حد هنا في المنتدى جرب يوطى السيريون قبل كده. لاني بصراحه مش عارف ايه الحل الاسلم. واكيد هيبقى حاجه من التلاته:

1- لو هيا اصلا بتنزل بجلب زياده فوق المساعدين ممكن الجلب تتشال وده هيوطى العربيه
2- لو مفيش جلب ممكن الواحد يقطع نص لفه من السوست
3- وممكن الواحد يركب سوست اصغر بس انشف

[bmya]

خليك في رقم 3 الباقي لخبطه في العربيه
الحل انك تركب سوست اسبور اوطى م الاصليه والاحسن تبقى المساعدين كمان اسبور
انا كمان عاوز اوطيها شويه مع انها في مطبات كتير بتعلم عليها اصلا عشان كده خايف ده اا شيلت العتب الاسبور من المطبات الله يحرقها والاكصدام من قدام من تحت كله مجرح من المطبات حاجه تقرف

[Medo.Malek]

واحد معرفة من اسكندرية كان مركب عفشة خلفية بتاعت اوبل كورسا و مركب جنط 17 بس كان الجنط بيحف فى الرفرف مع الحفر و النقر

[bmya]

عفشه اوبل كرسا موديل كام ياباشا ؟
وبعدين ايه الفرق طيب يعني عفشه الكورسا فيها اختلاف يستاهل التغيير ؟ وهل هي مالتي ولا زي بتاعت السيريون دونجل برده

[Medo.Malek]

للاسف معنديش معلومات اكتر من اللى قلتها لان دى كانت مرة عابرة ركبت معاه العربية و هو كان مركب العفشة دى عشان يوطى العربية و عشان يعرف يركب الجنط ال17 لان على حسب معلوماتى السيريون ملهاش عفشة سبور خلفى تقريبا

[Medo.Malek]

للاسف معنديش معلومات اكتر من اللى قلتها لان دى كانت مرة عابرة ركبت معاه العربية و هو كان مركب العفشة دى عشان يوطى العربية و عشان يعرف يركب الجنط ال17 لان على حسب معلوماتى السيريون ملهاش عفشة سبور خلفى تقريبا

معذرة انا مش متأكد هيا كانت عفشة كورسا ولا استرا
هاحاول اوصله و اسأله عن التفاصيل ان شاء الله

[mohamed_rhem]

ممكن نقلل ارتفاع الكاوتش حيوطيها لكن في حالة المطبات الي عندنا

انا شخصيا محتاج اعليها

ياريت حد يشوف لنا الموضوع ده يعني ايه اقل مقاس ينفع للناس اللي عايزة توطيها

وايه احسن مقاس للناس اللي عايزة تعليها

[bmya]

هي ليها يااشا بس للاسف من هنا في مصر
ياريت يا استاذ ميدو لو تعرف فعلا تعرف لنا شويه معلومات منه بقى افدتنا وجازاك الله خير
يعني لو تعرف لنا هي انت كورسا بس اعتقد كرسا اصل استرا اعرض اكيد من السيريون اعتقد
وياريت تعرفلنا هي مالتي ولا دونجل وشكرا ليك

[Medo.Malek]

هي ليها يااشا بس للاسف من هنا في مصر
ياريت يا استاذ ميدو لو تعرف فعلا تعرف لنا شويه معلومات منه بقى افدتنا وجازاك الله خير
يعني لو تعرف لنا هي انت كورسا بس اعتقد كرسا اصل استرا اعرض اكيد من السيريون اعتقد
وياريت تعرفلنا هي مالتي ولا دونجل وشكرا ليك

حاضر يافندم هاحاول اوصله و اعرف منه كل حاجة

[bmya]

شكرا يافندم واحان برده بلديات :)

[osamaelnaggar]

هو اصلا العربية واطية بالنسبة للمطبات اللي عندنا ودي مشكلة كبيرة جدااااااا ف مطبات كتيرة عندي العربية بتحك فيها...انا قللت ارتفاع الكوتش من 65 ل 60 بس مش فارق كتير واعتقد اننا لو وطينها اكتر من كدة هتعذب ف المطبات

[Medo.Malek]

شكرا يافندم واحان برده بلديات :)

يا مرحبا يا مرحبا
منين من الدقهلية يافندم
بالنسبة للموضوع انا منتظر تليفون من قريبى فى اسكندرية انا طلبت منه يوصل لصاحب العربية و يستفسر منه و يرد عليا
ربنا يسهل

[bmya]

ميدو باشا اناا من ميت غمر
ومعشل ياباشا تاعبينك معانا :)

[Medo.Malek]

ميدو باشا اناا من ميت غمر
ومعشل ياباشا تاعبينك معانا :)

احسن ناس :))
بص يا صديقى انا للاسف مقدرتش اجيب معلومات مؤكده من صاحب العربية نفسه
بس اللى عرفته انه مركب المساعدين بتوع استرا 2007 !!! عشان يعرف يوطى العربية و يركب الجنط و مركب فلتر هواء سبور k&n تقريبا
الكلام ده مش اكيد للاسف

[bmya]

ربنا يخليك ياباشا :)
يعني هو مغير مساعدين باسترا 2007 هممممبالنسبه للفلتر انا مركب فلتر k&n بردو
تعباناك معانا يابااشا هي عمموما ممكن عفشجي يبص علي عفشتها وممكن يقولنا على حاجه تركب عليها من العربيات المنتشر ليها قطع غيار