أحسن لون في السيريون

[معاذ الشرباصى]

لأن يا معاذ التوكيل مش هايجازف يجيب الوان ممكن مايبقاش عليها طلب فا يضطر يقعدها كتير عنده لحد مايبيع..

ووارد جدا ان فريق التسويق شايف ان موديلات السبورت مفضل انها تكون بالالوان المشهورة للسيارات السبور عموما (الأحمر و الأسود و الفضي)...كنوع من محاولة الايحاء انها سيارة رياضية و كده:)

انا عارف ان الموضوع تسويقى بحت

لكن اللى بيجننى الفتى اللى بسمعه عن سبب عدم توافر الالوان, و لو حاولت اصدقه, بحس بالغباء

[NaderNabil]

و من امتي احنا بنسمع كلام التسويق و الاعلانات و الكلام الفاضي دده....احنا الحمدلله بنفهم كويس و عارفين احسن من اللي بيقوللك خط الانتاج بعافية شوية:)

[OlaOsman]

الكلام ده ساري على كل الGLX? يعني من الآخر كده لو انا حابة أجيب منه و مش حابة لونين من التلاتة و اللون التالت مش اوي ابقى كده لبست التالت خلاص؟

[ahmedfd]

أنا شفت اللون الطوبي عليها تحفة..

[aliabutaleb]

الكلام ده ساري على كل الGLX? يعني من الآخر كده لو انا حابة أجيب منه و مش حابة لونين من التلاتة و اللون التالت مش اوي ابقى كده لبست التالت خلاص؟

بالظبط
مقدامكيش غير اختيار واحد من التلاتة دول

[ara]

هما دايما ال Glx فيها الوان قليلة وبيغيروها... يعنى انا كنت بافكر فى الكحلى بس مافيش منه Glx 1.5! بصراحة تقريبا كل الالوان حلوة فى السريون بس الشوارع فى مصر هيا اللى بتبهدل العربيات!

[معاذ الشرباصى]

لما كنت فى فرع المعادى, احمد عبد الرؤوف قال لى انهم طالبين من الشركة glx اللون المارونى

بس لسه مفيش رد من الشركة

[Noha.M]

الاحمر اكنر لون بحبه فى السيريون

[OlaOsman]

لما كنت فى فرع المعادى, احمد عبد الرؤوف قال لى انهم طالبين من الشركة glx اللون المارونى

بس لسه مفيش رد من الشركة

الماروني ده اللي هو زي النبيتي كده؟

[OlaOsman]

الاحمر اكنر لون بحبه فى السيريون

و انا كمان.. اللون ده في السيريون بيخطف العين خطف.

[Noha.M]

المارون اللى هو البنى بالفرنساوى

[hazem_khidr]

الاحمر اكنر لون بحبه فى السيريون

و الله بتفهمي يا اونا و ذوقك عالي:)
بس قصدك الاحمر اللي هو النبيتي و لا المارلبورو؟؟
انا بصراحه النبيتي الميتالك بيعجبني اوي و وهمي عليها فعلا

[Noha.M]

[Noha.M]

السيريون دي عشقى ...

[MoToRiZeR]

انا اما كنت بشتري و قعدت اخد رأي صحابي و اهلي .. و كان رأيي الشخصي أحمر

قالولي الأحمر احلي لون بس بلاش عشان فاقع اوي و يجذب النظر
فا حجزت النبيتي .. بعدين قلت ما يجذب النظر ولا يحوله .. هو الواحد بيجيب عربية كل اد ايه .. و جبت الأحمر :d