بارات السقف للسريون او البدائل - الاقيها فين

[معاذ الشرباصى]

كنت بتكلم انا و ابو رقية على موضوع الحاجات اللى ممكن تركب على السقف

و معرفناش اسم الحاجة اللى بتتحض على السقف, زى العربيات الجيب و الفان كده

فهل فى مقاسات تنفع للسريون؟

والبديل التانى هو البارات اللى بتتحط على السقف زى فكرة الشبكة كده

هل حد يعرف ممكن الاقيها فين, و الاسعار تقريبا؟

شكرا مقدما

[hazem_khidr]

ازيك يا معاذ
ربن يوفقك في امتحناتك يا رب :)
بالنسبه للبارات دي حتلاقيها عند محلات الاكسسوار
و بتبقي استاندر علي فكره و بتوسع و بتضيق علي حسب مقاس السقف

[aliabutaleb]

ابن حلال والله يا دكتور معاذ :)

انا كنت فاكر أسأل عن الموضوع بس زي ما قلت لك مش عارف اسمها ايه
كنت هاقول الزوقلة اللي كنت باشوفها أكتر حاجة فوق الماتريكس
لان طبعاً شنطة السيريون محدودة المساحة زي مانتو عارفين
فالحاجة اللي متتسماش دي هاتكون حل عملي أوي في ظروف السفر
هاتحل مشكلة واحد زي حالاتي
باحب السيريون وباسافر كتير ومعنديش استعداد أشتري غيرها

في انتظار الإفادة من النايلموتورزاوية :)

[hussein]

هى موجوده عند على رضا اللى فى مدينة نصر بس معرفش تركب على السريون ولا لاء
طبعا مع تحفظى على اسعاره الغاليه بس هو عندو اشكال كتير و الوان كتير بس انا ماسألتش على الاسعار

[OldVic]

كنت بتكلم انا و ابو رقية على موضوع الحاجات اللى ممكن تركب على السقف

و معرفناش اسم الحاجة اللى بتتحض على السقف, زى العربيات الجيب و الفان كده

فهل فى مقاسات تنفع للسريون؟

والبديل التانى هو البارات اللى بتتحط على السقف زى فكرة الشبكة كده

هل حد يعرف ممكن الاقيها فين, و الاسعار تقريبا؟

شكرا مقدما

اهلا معاذ، ايه اخبارك؟

خلى بالك خلى بالك، يجب أن ترجع للكتالوج لمعرفة اقصى حمولة للسقف و هى لمعظم السيارات الصغيرة حوالى 50 كج (شاملة الالصندوق الذى تنوى تركيبه)

[معاذ الشرباصى]

الاخ boty50
كتب موقع وكيل دايهاتسو فى انجلترا, و لقيت عليه شكل الحاجات اللى بسأل عليها

http://www.daihatsu.co.uk/sirion/accessories/?id=293

http://www.daihatsu.co.uk/sirion/accessories/?id=96

بس مش عارف ارفع الصور

[معاذ الشرباصى]

اهلا معاذ، ايه اخبارك؟

خلى بالك خلى بالك، يجب أن ترجع للكتالوج لمعرفة اقصى حمولة للسقف و هى لمعظم السيارات الصغيرة حوالى 50 كج (شاملة الالصندوق الذى تنوى تركيبه)

استاذ احمد, الف شكر على سؤالك

طبعا لازم اراجع الكتالوج لمعرفة الاحتياطات اللازمة, و الحدود المسموح بها

شكرا لاهتمامك

[MoToRiZeR]

معنديش فكرة الصراحة يا معاذ بس ليا سؤال
هو ينفع نشتري حاجات من عالنت من موقع دايهاتسو في انجلترا و نركبها في التوكيل هنا ؟

[aliabutaleb]

بس مش عارف ارفع الصور

المهم عرفنا اسمه :)
roof box
اسم منطقي خالص بس الواحد مفيهوش دماغ يفكر :)

آدي الصورة



بس 250 سترليني تووو ماتش

[MoToRiZeR]

تووو ماتش بس !؟ دي ثري ماتش !

لسة كمان الشحن و الجمارك عشان تيجي مصر

[NaderNabil]

يا جماعة الحاجات ديه في مصر موجوده....

الroof racks و الroof boxes كله موجود....شارع دمشق فيه الحاجات ديه و أسعارها كويسه ....بس هو شكل السيريون هايبقي غريب و هي شايلة قفة كده فوق دماغها:)

[معاذ الشرباصى]

لكن ده جميل يا نادر

[NaderNabil]

بس عمري ما هاشيل العجله بالمنظر ده فوق السقف...و الدنيا ما زنقتش يا معاذ عشان اخد العجلة معايا في المصيف

[ara]

اساسا السريون عالية شوية فتبقى عربية بدورين ب roof box :)

[aliabutaleb]

اساسا السريون عالية شوية فتبقى عربية بدورين ب roof box :)

بالنسبة لي هاتكون مفيدة في حالات السفر مثلاً ولا حاجة
انما مش هاتفضل متركبة على طول
لاني شايف شكلها وحش اوي
بس الاضطرار بقى