هل فيه مشكلة فى الزجاج الخلفى للسيريون؟

[ara]

السلام عليكم جميعا..
ويارب تكونو بخير :)
معلش انا بقالى فترة مبدخلش المنتدى علشان الكمبيوتر فى البيت باظ ومفيش فلوس اصلحه :) فيادوب من الشغل بصة سريعة!!
السؤال انا شفت النهاردة سيريون 2007 الزجاج الخلفى كله متسبت باللزق زى مايكون سايب! وحد من اصدقائى قالى ان فيه واحدة برضة معاها سيريون 2007 الزجاج الخلفى عندها برضة كله سايب!!
هوا فيه مشكلة ولا إيه؟ هل رزع الشنطة مثلا بيأثر على الزجاج؟

[أبو عبدالله]

لا دي شاعه غريبه من نوعها بصراحه
هو ليه الناس مبتقدرشي تقول معرفش

عالعموم انا يوميا برزع الشنطه اكتر من اربع خمس مرات يوميا علشان الغطاء بتاع العربيه

وعمري ما سمعت ولا شوفت حاجه على زجاج السيريون خالص

[ara]

شكرا يا أبو عبدااله :) انا قلتلهم انا أعرف ناس زى حضرتك و أعضاء المنتدى معاهم عربيات 2007 و الحمد لله زى الفل
بس طبيعى إن الناس تفتى :)

[معاذ الشرباصى]

لو ملزوق باللزق يعنى غالبا مركب زجاج جديد

يعنى الزجاج اتكسر لأى سبب, و ركب زجاج جديد

لازم الزجاج الجديد يبقى ممسوك باللزق لمدة 24 ساعة على الاقل

ده اكتر احتمال ممكن

[ara]

ممكن بس ده باللنسبة للعربية اللى شفتها فى الشارع. لكن العربية التانية فديه بتاعت a friend of a friend و هما اللى قالو كده.
عموما الحمد لله كل اللى عندهم 2007 و اولهم أبو عبدالله مفيش حد بيشتكى من الموضوع ده يعنى ممكن تكون حالة شاذة و الحمد لله مش عيب فى العربية :)