تركيب جهاز انذار وريموت للسيريون

[akarem]

السلام عليكم ورحمة الله وبركاته
ازيكم يا احبابى يا رب تكونوا في صحه جيدة واحسن حال
كنت عايز اسال فيه حد ركب جهاز انذار وريموت للسيريون برة التوكيل
عرفت ان في جهاز انذار الناس بتشكر فيه اللى هوا
spy 2-way 5000
فيه امكانيات حلوة قوى يعنى الواحد بياخد بالاسباب وربنا هوا الحافظ
لو حد ركبه يا جماعه ياريت يقول تجربته مع الجهاز هل اتركب حلو وظبط معاه وتم تشغيل كل الامكانيات والا لا
هل آثر على العربية في حاجه
وحتى لو حد ركب جهاز انذار تانى من اى نوع وكان كويس معاه برضه ياريت يقولى نوع الجهاز وتمنه
والف شكر ليكم
وربنا يحفظنا جميعا
وجزاكم الله كل خير

[mohamed_rhem]

انا شخصيا مستني الوكيل يجيب الانزار ابو 560 جنيه

لان النوع الموجود ب 900 جنيه

المفروض ان الاتنين بيركبوا علي ضفيرة العربية

اما SPY 5000 مفيش شك امكانياته افضل وسعره لن يتجاوز 350 بالتركيب في سبير كار

وكنت بفكر اركبه لكن فقد احدي اهم خواصه امكانية تدوير المحرك عن بعد علشان اسحن العربيه وانزل القي

التكييف شغال

مميزات SPY 2Way

امكانيات رهيبة مقارنه بأنزار الوكيل اللي امكانيانه = 150 حنيه ولف مثلا او سمفوني

مدي اطول

عيوب

اولا لعب في ضفيرة العربية لان الاصلي بيركب علي الفيشة بتاعتها

ثانيا ضعف اداء بطاريه الريموت ابو شاشه وده بيخليه محتاج تغيير دائما

وفي النهاية اي حل افضل من انك تسيب العربية بدون انزار

وربنا يحفظنا ويحفظ سيارتنا جميعا

[bmya]

انا مركب وولف بقالي فتره كبيره وشغال كويس معايا

[S O P H O S]

ربنا يستر علي كل العربيات ربنا هو الحارس

[GMakram]

انا كنت مركب الانذار بتاع التوكيل وكان محترم جدا,كان ثمنه 450 جنيه بعد الخصم,خليك فى الجهاز بتاع التوكيل اضمن

[akarem]

الف شكر ليكم كلم يا جماعه على اهتمامكم


استاذ mohamed_rhem

ياعم مش لازم ادور العربية من الريموت المهم ماتدورش طول ما انا مش فيها

كمان حكاية الضفيرة خلاص يقيت مش مهمة لان اصلا فترة الضمان خلصت

ياريت تقولى البطارية بتقعد اد ايه

استاذ bmya

ماشاء الله ربنا يحفظ عربيتك ويبارك لك فيها

يا ريت تقولى مميزات الجهاز وتمنه وركبته فين وهل تم تركيبه بطريقة كويسة
يعنى يا ريت شرح مفصل عن تجربتك مع الجهاز ده

استاذ ahmed1006

آمين يا رب


استاذ GMakram

انهى توكيل ده ده تمنه في التوكيل 900 ومافيش اى مميزات في الجهاز

[GMakram]

التوكيل فيه نوعين من الانذار,فيه النوع الغالى اللى ثمنه فعلا 900 جنيه بس من فتره تقريبا سنه كدا جابو نوع تانى ثمنه 450 جنيه بالضريبه والتركيب وماشتكتش منه خالص وبعد كدا كمان ركبت عليه وحدات رفع كان ثمنها 200 جنيه تقريبا,الكلام ده فى فرع العبور

تحياتى

[akarem]

هوا مش عربية حضرتك نوعها رينو برضه والا انا فاهم غلط

[akarem]

ومعلش امكانياته ايه الجهاز ابو 450 اللى في التوكيل

[GMakram]

هوا مش عربية حضرتك نوعها رينو برضه والا انا فاهم غلط

ومعلش امكانياته ايه الجهاز ابو 450 اللى في التوكيل

انا كان معايا سيريون 2009 gl كنت مشتريها زيرو وفضلت معايا قرابه السنتين ونص ولسه بايعها من 3 شهور واشتريت فلوانس

الانذار اللى بتكلم عنه مفيهوش اى امكانيات,هو وظيفته الاساسيه انه بيشتغل لما العربيه بتدور فقط

تحياتى

[akarem]

مبارك عليك العربية الجديدة ربنا يبارك لك فيها يارب

بس مش فاهم يعنى ايه "وظيفته الاساسيه انه بيشتغل لما العربيه بتدور فقط" :)

[GMakram]

مبارك عليك العربية الجديدة ربنا يبارك لك فيها يارب

بس مش فاهم يعنى ايه "وظيفته الاساسيه انه بيشتغل لما العربيه بتدور فقط" :)

اقصد ان درجه حساسيته واطيه اوى مش هسشتغل مع اى حد يقرب للعربيه او يخبطها وكمان مفيهوش جهاز تضبط فيه درجه حساسيه الانذار

[akarem]

طيب ان جماعة انا دلوقتى جبت جهاز الانذار اللى هوا
SPY 2-way 5000
ياريت لو حد فيكم يعرف كهربائى كويس يرشحه ليا علشان اركب عنده
والف شكر على تعبكم معايا

[bmya]

بص ياباشا اي كهربائي شاطر عادي هيركبه لو انت مجرب حد معين ركبه عنده عادي جدا ومتخافش من حاجه السيريون طلعت عربيه عاديه خالص لا تقلق :)

[akarem]

استاذ byma
انا بصراحة مجربتش اى كهربائى مع العربية لان الحمد لله محصلش معايا اى مشاكل في الكهربا
هيه الفكرة على حسب أراء الناس فيه صنايعى شغله نضيف في التعامل مع الضفيرة
وكمان جهاز الانذار محتاج واحد شاطر شوية علشان يشغل كل امكانياته بس ديه الفكرة
والف شكر على اهتمامك