نشوفية عفشة التيريوس (رأيكم)

[aboyehya]

السلام عليكم
الموضوع باختصار كدا الوالد من فترة قريبة اشترى دايهاتسو تيريوس بلاتينيوم
الكاوتش كان مظبوط على 32
بس كانت العربية بتعوم و خفيفة قوي على الطريق و احنا راجعين بيها من المعرض
رحنا ققلنا الكاوتش على 28 او 29 "أخويا اللي راح للبنزينة"
لما راحت التوكيل لصيانة الألف زودوا الكاوتش تاني ل 32 و ربطوا العفشة و عملوا الصيانة بتاعتها
الفكرة بقى لما جربت أمشي بيها كدا في طرق مكسرة شوية "ساكن في التجمع" و مشيت بيها مسافات طويلة العربية متعبة جدا
بترزع جامد في المطبات و في الحتت اللي مكسرة بشكل غيب
و احنا ماشيين بحس اني راكب هزاز مش عربية !! بنزل مصدع جدا و مش انا لوحدي دا نفس الوضع الوالد و الوالدة كمان
العربية فعلا غريبة دا الهيونداي الاكسيل اللي معانا مش كدا !!

هل اقلل الكاوتش و لا في عيب في حاجة تانية؟؟ و لا دا الطبيعي بتاع العربية؟

أفيدوني الله يكرمكم :)

[MohssenRashed]

بص ياباشا العفشة ناشفة بس مريحة مش للدرجة دي و ضغط الكاوتش 29 و هتلاقي مكتوب على قايم باب السواق و حط نيتروجين أفضل عشان عمر الكاوتش.

[aboyehya]

رحت البنزينة لقيتها 35 !!!!!!
التوكيل كان ظابطها على 35 فطبعا كانت مميتة كدا
لما عملتها على 29 فرقت جدا !!

[Dr.A.Nabil]

انا لما غيرت الكاوتش عملوه على 32 وكانت ناشفه جدا
اعملها على 29 لأن ده الستاندرد زي ما مكتوب على القايم هاتفرق معاك اوي

[Imhotep]

التوكيل كان ظابتها فعلا على 32 بس هوا الكاوتشات كان بارد و العربية مرفوعة...... لكن لما بتاخد مشوار و الهوا يتمدد الضغط بيزيد عشان كده لاقتها 35 فى البنزينة ..... حاجة تانية ان موديلات 2007 و 2008 كان الضغط بتاعها اللى على القايم 29..... لكن بدءا من 2009 بقى اللى على القايم 32..... انا 2009 و عندى على القايم 32

[MohssenRashed]

التوكيل كان ظابتها فعلا على 32 بس هوا الكاوتشات كان بارد و العربية مرفوعة...... لكن لما بتاخد مشوار و الهوا يتمدد الضغط بيزيد عشان كده لاقتها 35 فى البنزينة ..... حاجة تانية ان موديلات 2007 و 2008 كان الضغط بتاعها اللى على القايم 29..... لكن بدءا من 2009 بقى اللى على القايم 32..... انا 2009 و عندى على القايم 32

مقاس الكاوتش عند حضرتك كام؟

[S O P H O S]

+111111

[ehab_mansour]

مقاس الكاوتش موجود علي قايم الباب اللي جنب السائق و عندنا الجراند 2012 و مكتوب ضبط الكاوتش علي 29 ولما رحت انا و اخويا نعملها تسليح للكاوتش و بعد التسليح اتنفخ نتروجين و اتظبط علي 29 و العربية فرقت كتييييير عن ما كانت مضبوطة عليه في التوكيل

[MohssenRashed]

علشان كده بسأل لأن اللي اعرفة ان مقاس التيريوس من 2007 لحد الان مقاس واحد يبقى ازاي انا 2007 القايم 29 و استاذ mahora بيقول ان 2009 القائم 32

[alemam2005]

هو فعلا ضغظ الهواء اللي مكتوب علي قائم العربيه 32 و فعلا العربيه بتبقي نشفه اما لما بنزله ل 28 العربيه بتبقي ناعمه بي ده اكيه هيأثر علي عمر الكاوتش

[Imhotep]

مقاس الكاوتش عند حضرتك كام؟

215/65r16

[MohssenRashed]

215/65r16

طب ازاي انا نفس المقاس و الضغط مكتوب 29

[Imhotep]

طب ازاي انا نفس المقاس و الضغط مكتوب 29

عندى انا مكتوب 32 مش 29 و انا 2009..... عشان كده انا كنت بقول ان 2007 و 2008 هم اللى 29.... فى احتمال ان ال facelift اللى اتعمل فى 2009 عمل تغيير سبب الاحتياج للزيادة فى ضغط الاطارات...... لكن ايه هو التغيير ده الله و اعلم

[MohssenRashed]

عندى انا مكتوب 32 مش 29 و انا 2009..... عشان كده انا كنت بقول ان 2007 و 2008 هم اللى 29.... فى احتمال ان ال facelift اللى اتعمل فى 2009 عمل تغيير سبب الاحتياج للزيادة فى ضغط الاطارات...... لكن ايه هو التغيير ده الله و اعلم

انا فاهم حضرتك ......... انا 2007 و مكتوب 29

لازم نعرف التغير لية

[Inteltech]

عندي بالشغل واحدة 2010 هي العربية دي كده مهما عملت هي ناشفة معرفش ليه وكمان ملاحظ ان فراملها وسيطرتها مش اللي هي وكمان التكييف فيها اقل من العربيات الكوري بكثير وسحبها قليل اوي بصراحة بس ميزتها الوحيدة انها واسعة وعالية عن المطبات واقتصادية في البنزين . وسامحني مقصدش ابدا اقلل من قيمة العربية كل اللي بقصده انها بكل موديلاتها باين انها كده لانها حتى 2010 نفس النظام
دمتم بود