شاريد 90

[Azazy23]

عاوز اشتري شاريد 90 الهاتشباك 1000cc فابريكة بره و جوه اوتوماتيك و تكييف بس لونها أسود هو ده اللي موحش شكلها
صاحبها طالب 30 الف ؟؟؟؟
ايه رأيكم كده كويس ولا اصر علي 28 الف ؟؟
و عايز اعرف ايه اسعار التيل و التنابير بتعها ؟؟

و شكرااا

[عزيز محمد]

السلام عليكم ورحمة الله وبركاته

أعتقد والله أعلم إن الأفضل حضرتك تبعد عن الأوتوماتيك لإن الفتيس كده عمره 18 سنة والاحتمال الأكبر إن حالته مش هتكون كويسة وهيتعبك
لكن لو مصمم على أوتوماتيك يبقى دور على ميرا موديل 2000 فما فوق أكيد هتبقى حالة الفتيس أحسن

ده رأى شخصى فى الفتيس الأوتوماتيك لكنه بصراحة مش مبنى على خبرة

وبالنسبة للمانيوال فأستاذ محمد عبد الرحيم معاه شاريد 90 برضه أفتكر كان جايبها ب 24

[Azazy23]

الكلام ده حتي لو مش ماشة كتيير ؟؟؟
هي ماشية 80 ألف

[عزيز محمد]

80 ألف على الفتيس الأوتوماتيك مش قليل

لاحظ حضرتك إن السيارات الجديدة بيضعوا ضمان على الفتيس الأوتوماتيك 100 ألف كم

وبالتالى 80 ألف حتى لو عربية جديدة معناها إن ضمان الفتيس قرب ينتهى

عموما لو حضرتك متأكد إن صاحبها كان بيتعامل مع الفتيس كويس والعداد مش ملعوب فيه (أصل 80 ألف خلال 18 سنة قليل شوية) يبقى عليك وعلى حد شاطر فى الفتيس الأوتوماتيك يكشف لك عليه