الغيارات فى السيريون

[Eng_aly]

ممكن محدش يضحك عليا علشان انا متاخبط بجد اللى عايز يضحك ميقوليش يضحك من برة برة ...انا عايز اعرف السرعات اللى المفروض عليها اخود الغيارات يعنى مثلا لحد 15km/h كنت بمشى على الأول بس لو الطريق واقف واجى اشيل رجلى من البنزين أقليها بتنط" بتنش" ونفس القصه مع التانى لحد ا20km/h واشيل يحصل كدة ونفس القصه مع التالت لحد40km/h علشان كدة بيقت لما اوصل ل20 ادى التالت ولما اوصل 40 ادى الرابع بس مش عارف ان كان دة صح ولا خلط طيب كدة العربية عادى ولا لأ انا كان معايا دايو وكان الاول لحد 20 عادى حتى لو حبيت اشيل رجلى من على البنزين واسبيها تهدى والتانى كان على 50 ببدون اى مشاكل والتالت احد 80
ممكن يكون بسبب فرق السسى ولا حاجة تانيه

[vet mitcho]

اولا مبروك على العربية وربنا يكفيك شرها ويباركلك فيها
لا يا باشا حدود الغيارات (في ظروف القيادة العادية) فوق اللي انت بتقوله
الاول تمام لغاية 20
التاني 40
التالت 60
الرابع 80
واظن ان دي اقل سرعات لان غالبا عدد لفات الموتور هيكون في حدود 2500 لفة
اقل من كده مش مطلوب (ممكن اكتر)
ممكن بس حضرتك تكون مش واخد على الدبرياج
حاول تشيل رجلك من الدبرياج واحدة واحدة لغاية ما تتعود على العربية

لكن السرعات اللي ات بتقلها ممكن تخلي العربية تبقى مخنوقة و تكركر

[MoToRiZeR]

قليلة اوي السرعات دي و حمل علي الموتور
لأن 40 عالرابع متهيألي دي بتبقي Rpm 1.5 بالكتير

ادي كل غيار حقه عشان الموتور مينامش و تاخد عزم الغيار

الاول 0-20
التاني 20-45 (يعني تعدي الاربعين بسنة بسيطة)
التالت 45 - 70 او 65
الرابع 65 - 90 او 85
الخامس 90 و انت طالع

انا بعمل كدة عشان التسارع يبقي كويس و اخد عزم حلو
بس برده ممكن تنقل 20 - 40 - 60 - 80

و ممكن تتغلب علي موضوع النتشة ده بأنك متشيلش رجلك بالكامل من عالبنزين .. يعني يادوب تبقي لامسها و مريحها كدة عالدواسة .. و لو الطريق هيقف تماما .. اديها دبرياج و مور

[Eng_aly]

اولا شكرا على الرد ...دة اللى انا تقريبا كنت بعمله بس لاقى العربيه مش مظبوطة يعنى مثلا وانا ماشى على طريق ماشى شويه واجيب فوق ال40 بسنه وبعدين الطريق يهدى واشيل رجلى من على البنزين بلاقيها تتنتش ودى هى المشكله العربيه لما تكون واخدة غيار اعلى من السرعة اللى ماشيه عليها عادى انما لما بتقى واخدة نفس سرعة الغيار "تقريبا اخر سرعة الغيار" تبداء تنتتش ودة اللى انا اعايز افهمه هل دة عادى ولا لأ علشان فى عربيات تانيه عادى...وحاجة كمان ادى الغيارات او انقل العيار عند لفات الموتور 2500 هل دة اكتر حاجه مناسبة

[معاذ الشرباصى]

اللى انا فاهمه:

انج بتبقى جايب اخر حاجة فى الغيار او حارق عليه, و بعدين لو شلت رجلك من البنزين تحس بالنتشة

لو ده اللى انا فاهمه, يبقى ده عادى, لأنك المفروض تجيب النقلى اللى بعدها

و ده كمان سببه انك بتبقى على عدد لفات عالى, فلما بتشيل رجلك من على البنزين, عدد لفات الموتور بينزل جامد, فتحس بالموضوع ده

ده عادى جدا

[MoToRiZeR]

بص هي النتشة دي عندي برده عالاول و التاني بس اما اشيل رجلي تماما من عالبنزين
عشان كدة مبشيلهاش بفضل مريحها

بس معرفش ايه سببها .. ممكن يكون السير الجنزير ؟!

بس عامة الغيارات القليلة اوي دي انك تددي الرابع علي 40 مش كويسة للموتور

[Eng_aly]

لأ يا معاذ مش كدة الاول مكتوب فى المانيوال ان على 20 وانا اخرى عليه 15 لما اشيل رجلى من على البنزين تنتتش هو دة يعنى مش بحرق ولا حاجة

[Eng_aly]

بص هي النتشة دي عندي برده عالاول و التاني بس اما اشيل رجلي تماما من عالبنزين
عشان كدة مبشيلهاش بفضل مريحها

بس معرفش ايه سببها .. ممكن يكون السير الجنزير ؟!

بس عامة الغيارات القليلة اوي دي انك تددي الرابع علي 40 مش كويسة للموتور

جميل اوى الكلام دة يعنى ممكن لما منشلش تماما متنتش اجرب واشوف بس فى الحالة دة لما نهدى يبقى لازم نمورصح كدة

[FLYINGPEUGEOT]

واير الاكسرارتير بيبقى قصير او مشدود شويه..خللى ميكانيكى يريحهولك شويه

[Hesham A.Megid]

حضرتك معندكش عداد RPM في العربيه؟ انا بصراحه مش ببص علي عداد السرعه خالص، ببقي مركز مع ال RPM و بنقل علي طول من 3000 ل 4000

[MoToRiZeR]

جميل اوى الكلام دة يعنى ممكن لما منشلش تماما متنتش اجرب واشوف بس فى الحالة دة لما نهدى يبقى لازم نمورصح كدة

اه يستحسن لو الشارع هيقف تماما و انت ماشي علي سرعة قليلة اوي مور و اقف مش هتنتش
بس لو الشارع هدا و انت متعرفش هيقف ولا لأ (مش هتقف تماما يعني) و ماشي علي سرعة قليلة شيل رجلك بس مش تماما يعني ريحها عالدواسة

[معاذ الشرباصى]

واير الاكسرارتير بيبقى قصير او مشدود شويه..خللى ميكانيكى يريحهولك شويه

يا باشمهنس على زعيم عصابة بيجو جاب لك حل للموضوع

لما تروح التوكيل, خليهم يعملوه لك

[Eng_aly]

واير الاكسرارتير بيبقى قصير او مشدود شويه..خللى ميكانيكى يريحهولك شويه

شكرا يا باشا لما اروح التوكيل ان شاء الله هقولهم وربنا يكرمك

[hitham_sh]

وابقى قولنا لو عملو حاجه علشان انا برضو بحس بالناتشه دي عندي

[Ramy.Gamal]

احسن وقت للنقل عند 3 rpm .اكتر من كدة حرق واقل من كدة بتخنق على العربيه