أخيراً وبعد طول انتظار: استلمت سيريونتي

[Ahmed Samy]

عشان بيزيد حمل الكومبريسور على الموتور

و في فترة التليين (يفضل الكثيرين) عدم التحميل على الموتور نهائيا

يعني الــrpm ما يعلاش عن 2500 او 3000 لفة بالكتير و بالتالي السرعة يجب الاتتجاوز 90 او 100 كم على الغيار الرابع

و أيضا لا ينصح بتحميل السيارة بكامل حمولتها في الفترة دي

و تفادي المطالع المنهكة بقدر الامكان

ده في الألف كيلو الأولى فقط و بعدين (يفضل) فتح الموتور : يعني محاولة استخراج أقصى عدد لفات ممكن للحصول على قدرة جيدة في المستقبل

التليين : هو عملية تطبيع الأجزاء المعدنية المحتكة الجديدة داخل جسم المحرك
فشل التليين قد يؤدي الى قصر عمر الموتور أو ضعف أداؤه

[SaLM!Na]

شكرا يا استاذ احمد
انا ماتوقعتش الشرح التفصيلي ده و الله خالص
ده دليل على روح التعاون هنا

[elayat]

بسم الله ما شاء الله
مبروك يا معلم
:party::party:
ويارب تستخدمها فى الخير دايماً وتجبلك الخير دايماً

[hazem_khidr]

الف مبروك
ربنا يديك خيرها و يحميك من شرها:)

[OlaOsman]

و عقبال كل محبي السيريون و بالاخص استاذتنا علا :)

ربنا يكرمك يا هيثم و يرزقك الخير :)

عاش مين شافك يا دكتور :)

[aliabutaleb]

بسيوني جود ويف

ربنا يبارك لك فيها ويكفيك شرها ويرزقك خيرها ويوفقك لإستخدامها في الخير.
فرحتلك جدا يا محمد لإنك كنت متعلق بالعربية دي قوي وربنا يبارك لك فيها ونشوفك مقطع الدنيا بيها في إسكندرية

ربنا يكرمك يا سيدي ومعلش لبيب مش هايخليني اقطع اسكندرية من كتر الحفر

رامي لانسر

مليون مبروك يا ابو رقيه .اختار موفق ورائع. ربنا يديك خيرها ويكفيك شرها.اعتقد لازم تدبح اى حاجه علشان خاطر ربنا يحفظهالك وتطلع حق الفقراء من اموالك

الله يخليك يا رامي على التذكرة وإن شاء الله ده اللي هايحصل

نايل ستورم و أرا وفهد وموتوريزر و موجبر وشاركي ولوؤي عمر وأونا و elayat
وحازم خضر وكمارو وسالمينا
ربنا يجزيكم خير جميعاً على تهنئتكم ودعائكم يارب

أحمد سامي
الله يكرمك يارب يا أحمد على كلامك الجميل وشرحك الوافي لموضوع التكييف :)


أسامة علام

بخصوص الحزام العربية فيها وار 3 حزام امان علي الشمال واليمين وفيه واحد اللي في النص لو جيت تركب ابزينة حزام الامان اللي في النص في اليمين او الشمال مش حتركب وكذلك بالعكس اتأكد انك بتركبهم صح وحتلاقي مكتوب عليهم Center و Right و Left

انا فعلاً بصيت بسرعة امبارح ولاحظت إنه بيقفل في واحدة تانية
معلش بقى العتب على النظر :)
شكراً على المساعدة والتهنئة يا أسامة

علا
مش مهم يا فندم
خدي الموضوع لحسابك
أمرنا لله نستحملك لغاية ما تستلمي وبعدين نجاملك في موضوعك :)

أحمد حسن
جزاك الله خيراً يا أحمد
وانا فعلاً لما قريت رد أسامة جربت وطلع بيقفل مع أبزيم تاني

د. عمر
ربنا يكرمك يا دكتور ومتنساش إنك من أول الناس اللي هنئتني قبل الاستلام :)

m10_10
الله يكرمك يا محمد
كان نفسي تكون معانا والله
بس زي ما قلت لك مش هارحمك في أول إجازة ان شاء الله :)

د. هيثم فوريفر :)
الله يكرمك يا دوك
وفعلاً انا باعمل اللي انت قلت عليه ده بالظبط
من كتر ما قريت أسئلة الشباب عن التليين والردود عليها بقيت دكتوراه في التليين :)
هو ممل في السفر بس انا اضطريت أسافر بيها لعدم وصول ورق العربية من القاهرة
مش هانشوفك قريب؟؟

[Haytham4ever]

مش هانشوفك قريب؟؟

انا تقريبا فاضي خالص اليومين دول
شوف انت فاضي امتى ؟

[أبو عبدالله]

الله اكبر
انا طبعا لا اجد لك ما اعبر به عن فرحي لأن انا متأكد ان فرحتك اكبر بكتير

وعالعموم مبارك وربنا يعطيك خيرها ويكفي عنك شرها ان شاء الله

ومش تقولي وانت بتكلمني في التليفون يا راجل

عالعموم مبارك عليك

[aliabutaleb]

هيثم
ملحوقة ... في مقابلة المنتدى الجاية إن شاء الله :)

أبو عبد الله
والله يا أخي انا حاسس بمقدار فرحتك
من قلبي باقوللك جزاك الله خيراً على كل شئ
كان نفسي أقوللك في المكالمة بس حسيت إني هابقى قليل الذوق أوي عشان الظرف مش مناسب :)

[Haytham4ever]

هيثم
ملحوقة ... في مقابلة المنتدى الجاية إن شاء الله :)

أوعى تديني بمبه و متجيش لحسن انا معرفش حد لسه

[douha_wise]

ادعو الله ان يبارك لك فيها و يرزقك خيرها و يكفيك شرها
متنساش بقى تدينى لفة بيها لما نتقابل ان شاء الله

[aliabutaleb]

douha_wise
جزاك الله خيراً يا ريس
واللفة بتاعتك محفوظة بس نتقابل بقىىىىى :)

[aliabutaleb]

النهاردة عملت صيانة الألف
معروف طبعاً انها عبارة عن فحص شامل للعربية وتربيط عفشة فقط
الحقيقة محستش بفرق أوي قبل الصيانة وبعدها
حتى قلت لهم ملحوظة ان الدركسيون أتقل شوية من عربيات تانية زي عربية معاذ اللي لسة مجربها امبارح وكتبوها ملاحظة ولا زلت مش حاسس بفرق
كنت موجود هناك من تسعة الصبح
والساعة 10.15 بالظبط كنت طالع من التوكيل
قابلت م. أحمد عبد الوهاب ووعدني انه قريباً جداً هايكون موجود في نايل موتورز بشكل رسمي لمحاولة حل أي مشكلة بتبقابل شباب الدايهاتسو
وعرفت معلومة ضايقتني من مصدر تاني وهي إن فرع أبو رواش مش هايكون قبل يناير الجاي ان شاء الله
المسافة طويلة جداً من أكتوبر للعبور أكتر من 150 كم رايح جاي
ياللا
لعله خير

[Nader]

لف مبروك على العربية وربنا يبارك

لك فيها ويعطيك خيرها.

[ows212]

النهاردة عملت صيانة الألف
معروف طبعاً انها عبارة عن فحص شامل للعربية وتربيط عفشة فقط
الحقيقة محستش بفرق أوي قبل الصيانة وبعدها
حتى قلت لهم ملحوظة ان الدركسيون أتقل شوية من عربيات تانية زي عربية معاذ اللي لسة مجربها امبارح وكتبوها ملاحظة ولا زلت مش حاسس بفرق
كنت موجود هناك من تسعة الصبح
والساعة 10.15 بالظبط كنت طالع من التوكيل
قابلت م. أحمد عبد الوهاب ووعدني انه قريباً جداً هايكون موجود في نايل موتورز بشكل رسمي لمحاولة حل أي مشكلة بتبقابل شباب الدايهاتسو
وعرفت معلومة ضايقتني من مصدر تاني وهي إن فرع أبو رواش مش هايكون قبل يناير الجاي ان شاء الله
المسافة طويلة جداً من أكتوبر للعبور أكتر من 150 كم رايح جاي
ياللا
لعله خير

خبر تواجد مهندس احمد عبد الوهاب خبر جميل جداجدا شكرا يا على