غيرت تيل الفرامل اخيرا ومحتاج استشاره في تغير الكاوتش

[bmya]

السلام عليكم ورحمه الله وبركاته
اخباركم ايه يا جماعه السيريون طبعا انا عارف محدش هيرود عليه اليومين دول عشان الانتخابات بس قلت برده اعمل اللي عليه

المهم انا غيرت التيل اخيرا بعد ما بدأ يعمل صوت هو تيل الفبريقه عمل معايا 50000 كيلو عربيتي 1300 اتوماتيك
انا نزلت شارع دمشق لقيت 3 انواع من الاتيال
نوع تايلاندي (حسب كلام البائع) عامل 120 جنيه
التيل الاصلي (برده حسب كلام البائع) عامل 430 جنيه
دول عند نفس المحل اسمه العالميه

روحت لمحل تاني مش فاكر اسمه دلوقتي مع انيبجيب منه على طول فلتر الهوا لقيت عنده الريمسا التيل الكبير باعت 2008 وكمان نفس تيل الماتيريا ودي معلومه اول مره اعرفها المهم اداهولي ب 200 مرضاش ينزل شيلن فيه والتيل الريمساالصغير بتاع 2007 عامل 150

كمان عنده فلتر الزي الاصلي ب 55 جنيه زي التوكيل وعنده نوع تاني تايلندي تقريبا ب 28 جنيه
وفلتر الهواء اتحاد اوروبي جيبه ب 70 جنيه
دي الحاجات اللي جت في ماغي اسال عليها

طبعا انا جبت الريمسا بناءا على انه متجرب مع ناس كتير المه روحت للميكانيكي غيرلي التيل وقالي كتر خير التيل الفبريقه كده وشكر ل في الريمسا وقالي ناس كتير بتجيبه لعربيات تانيه كمان وبيقولي حلو
وبص لي على الطنابير وقالي كويسه مفهاش حاجه الحمد لله
وخليته رجلش لي الهاند بريك وطبعا انا عمري ما رجلشتها قبل كده بعد ما العبقري الرهيب تاع مركز صياه النصر في المنصوره افتالي ان فرامل الهاند في السريون تكنولوجيا عاليه ومش بتترجلش لانها بترجلش نفسها
بص الصراحه هو الميكانيكي اخد وقت على مارجلشها وقالي ان الرجلاش بتاعها مداري شويه
المهم انا الهاند عندي كانت خلاص خفيفه جداااااااااا لازم اشدها على الاخر خالص دلوقتي بقيت او تكات بس وكمان بتمسك على طول وقالي التيل الخلفي كويس برده
بالنسبه لداء الفرامل هي لسه بتطبع برده انا ماشي بيه تقريبا 200 كيلو بس بس مبصوط من اداؤه لحد دلوقتي بالمقارنه بالتيل التيل الصلي في اواخر ايامه
يعني الدواسه عليت وتقلت تحت رجلي وربنا يسهل ويطلع حلو

نيجي للحاجه التانيه بقه طبعا انا مجنط 15 195 50 وده جنط كنت شاريه بالكاوتش بتاعه من اخونا ميدو سيريون قبل ما يبقى ميدو كورولا ههههههههههههه حبيبي يا ميدو

المهم الكاوتش جاب اخره اول اكلت بيه مطب او لبيست مطب عملى عدد 2 بالونه في افرديتين اليمين + تنيه في الجنط كمان بي الحمد لله خفيفه ومش مأثره على الجنط
ده غير ان الكاوتش بقه ناشف اوي ومخلى العربيه خشنه جداااا وبقه منمل ومش عارف يعني ايه منمل بس الراجل قاتلي كده وكمان فيه عالي وواطي يعني من الاخر ضاااااااااااااايع
المهم انا دلوقتي شيل الجنوط ال 15 وركبت الجنط الحديد ال 14 تاني وبصراحه العربيه بقه شكلها عررررررررررررررره
بي حسيت بفرق كبيييييييييير العربيه نعمت في المطبات والنقر ومعتش فيه صوت خشونه وانا ماشي بس ده طبعا مقارنه بالجنط ال 15 ي اخر ايامه
بس الثبات قل والعربيه بقه شكله عره اوي
المهم انا قدامي كاوتش 15 55 195 لسه نضيف دااا وكمان سايلنت وطري وناعم اوي مش فاكر ماركته ايه هو بتاع صديقي الانتيم كان مجنط 15 في نيو اكسنت وعدين العفشه تعبت من الجنط ال 15 !!!!!!!!!!! مع انها 2011 بس العفشهاتخلعت م بعضها وبقيت بتخبط اوي مع ان العربيه صيانه وكيل على طول م يوم ما جابها وعامله 50000 وهو لسه مركب الجنط قريب معرفش ازاي العفشه باظيت وفعلا لما ركب الجنط الاصلي الحديد العفشه اتظبطت خالص
ربنا يخلي لينا السيريون
المهم انا عاوز ازود التخن الكاوتش من 50 ل 55 واد الكاوتش بتاع صحبي لانه فرصه صراحه
بس هل ينفع ولا هيحك ويخبط لان ال 50 رفيع اوي وشكله حتى صغير في العربيه والعربيه ناشف بيه وبيبوظ بسرعه

افيدوني ينفع 55 195 15 ولا لازم 195 50 15
ومعلش طولت عليكم

[ahmad--ezzat]

اولا مبروك علي التيل الجديد وتدوبه ف عرق العافيه ,,,انا استغربت لما قلت انه قعد معاك 50 اللف ,,,دي فتره كبيره جدا ما شاﺀ الله,,,بس ليه اسعار قطع الغيار للسيرون غاليه كده! ما علينا
ثانيا,,,انا عندي الكاوتش 40 وباخد مطبات مصر كلها ببلاعتها والحمد لله لا حول ولا قوه الا بالله مفيش اي بلالين,,,وده عشان حاطط نيتروجين وخد بالك بيفرق جدا مع الكاوتش والعجل,,,مش في النعومه ولكن في الصدمات
انصحك بقي ترجع الجنوط للعربيه :) ,,,ياراجل الواحد بيركب العربيه عشان الجنوط هههههه,, متزوتش تخانه الكاوتش اوي لان ممكن يحك في المساعد وانا رايي ال 50 ممتاز ومش رفيع ابدا بالنسبه لاسعار الكاوتش شوف بريدجستون عباس واستني برده رأي الناس
انا عارف اني مفتدكش ف اي حاجه :) بس قلت امسي

[egyptiandiver]

مبروك علي التيل

[mohamed_rhem]

ينفع يا شريف

Difference in Diameter = % 2.23
Actual diameter change = mm 13
يعني الفارق بينه وبين المقاس الاصلي 2.23%

We recommend a MAXIMUM of +/- 2.5% difference

وحيبقي في ارتفاع 13 ملي عن الاصلي

وده نفس الفارق للمقاس 185/65/14 اللي ناوي اركبه

[bmya]

الله يبارك فيكم جميعا
احمد نوبيرا والله ياباشا انا عارف ان المشكله في البلد مش الكاوتش بس ال 50 رفيع اوي كمان شكل الجنط صغير اوي ي العربيه (نفس المشكله اللي عندك على ما افتكر ههههههههههه) ال 40 صغير اوي اوييييي
محمد باشا يعني كده مش هيحك ولا حاجه ؟؟؟؟ انا خوفي كله من الحك في الرفارف او المساعدين ميدو سيريون خوفني منه جداااا عمال بيقولي هيحك في جامد في الرفارف بس انا برده حاسس انه عادي
انا مستخسر والله الكاوتش بتاع صحبي صراحه

[mohamed_rhem]

شريف احنا بالحساب طلعنها فارقه 13 ملي عن الاصلي والنسبة كانت اقل من 2.5

يعني لا تقلق وبأكدلك انا كمان حشتري 185/65/14 برضه نفس الزيادة اللي هي 13 ملي

[bmya]

طمنتني يا محمد طيب هيبقى في فارق في العداد ولا عادي
وكمان كده هيعلي العربيه صح ؟ هتبقى عاليه اوي ولا ايه عشان ميأثرش على الثبات

[mohamed_rhem]

هو ده الفارق في العداد

50 km/h 51.12

80 km/h 81.78

100 km/h 102.23

120 km/h 122.68

يعني الزيادة لحد 120 كم حتبقي 2.68 كم

[bmya]

يعني الزياده في العداد هتبقى لحد سرعه 120 وبعد كده العداد هيكون مظبوط ؟
ومقلتلش هيعلي العربيه ولا ايه

[mohamed_rhem]

يعني الزياده في العداد هتبقى لحد سرعه 120 وبعد كده العداد هيكون مظبوط ؟
ومقلتلش هيعلي العربيه ولا ايه

لاء طبعا الزياده معاك لحد نهايه العداد يعني مثلا لو وصلت ل 200 كم الزيادة حتبقي في حدود 4 كم

العربية حتعلي عن اللارتفاع الاصلي بزيادة قدرها 13 مم يعني 1 سم و3 من عشرة

وده حيبقي تمام مع مطبات الاهالي مع التحميل

[bmya]

الحمد لله ركبت الكاوتش مقاس 15 195 55 الكاوتش مريح العربيه عن ال 50 والاحساس بالنقر والمطبات اخف من الاول الكاوتش كمان silnce فمدي نعومه للعربيه اكتر عشان صوت الكاوتش مش عالي وجربت وقفت العربيه على حته عاليه وحته واطيه بحيث ان العجله الشمال وره كانت غطسانه جوه الرفرف والحمد لله محكتش ولا حاجه لقيتها غطست جه الرفرف كمان العربيه اداء الفرامل اتحسن لان الكاوتش لسه جديد برده وربنا يستر ويبعد عني المسامير والازاز احسن انا موعووووووووود بيهمبالمناسبه في جنط سبور تايواني مقاس 15ابعاد 4*100نضيف جدا استعمال خفيف مفيش فيه اي حاجه للبيع من عند ارابكوم بالفاتوره والضمان وهبقى ارفع صورته لو حد محتاجه

[mohamed_rhem]

مبروك الكاوتش يا شريف موضوع انها تحك منك في الرفرف انسي خااااااااااااااااااالص

في ناس مركبة لحد 3 % فارق ومفيش اي مشاكل نهائي

[bmya]

الله يبارك فيك يا محمد باشا طيب متشوفلي كده حل عندك في الموضوع بتاع العتب ده

انا عاوز طريقه اثبت بيها عتب العربيه الجانبي كويس
العربيه نوعها دايهاتسو سيريون 2008 هي بتنزل في مصر من غير عتب بس انا جايبلها الكيبت الاسبور الكامل بتاعها يعني اكصدام امامي وخلفي اسبور والعتب الجانبي
المهم الاكصدامات طبعا بتركب عادي ودي بركبهم بنفسي
المشكله في العتب بقه
العتب اماكن تثبيته موجوده يعني هو بيركب من قدام ومن الخلف بمسامير من الامام مكان الدلايه الاماميه بيركب على مساميرها ومن الخلف برده بثبته بمسامير
المشكله من المنتصف به المفروض ان العتب فيها فتحات بتثبت فيها من تحت الفتحات دي عندي في العربيه مقفوله بطبب بلاسيك بتتشال عادي لكن مش عارف اثبت العتب فيها ازاي
وجربت لقتها ب دابل فيس بس يدوب غسلتها مره في التنيه لقيت اللزق بتاعها اتفك وبقيت ساقطه من المنتصف يعني بقيت متثبته بس بمسامير من قدام و الخلف بس
السمكري طبعا اسهل حاجه قالي نديها مسامير شك بس انا خايف دول يعملوا بارومه في العربيه
ياترى اعمل ايه نا دلوقتي شيلتهم خالص وراميهم ومتغاظ اوي ونفسي اركبهم
ياريت حد يقولي اركبهم ازااااااااااااااااااي انا مش عارف العربيات اللي بتنزل فبريقه بالعتب بتكون متثبته ازاي

[bmya]

الحمد لله تم تركيب العتب تمام

عاوز اخد رأيكم بقه في التعديل الجديد انا عاوز اعمل الفانوسين الخفيين ليدات
انا عندي فانوسين قدام غير اللي راكبين فبفكر اعدلهم ليدات
وعاوز تصميمات ليدات لو حد عنده صور وعاوز اخد رأيكم في التصميم ده حلو ولا ايه

[mohamed_rhem]

مبروك يا شريف علي تثبيت العتب مع انك مقولتش عملت ايه في المشكلة

بالنسبة للفانوس اللي انت حاطه فمبدئيا مقبول

لكن اعتقد لو الجزء اللي تحت اتعمل مش ليدات زي بتاع الانسر بومه خليجي يبقي تحفة

كمان خطوط الليدات في الاشارة لو يبقي نهايتها سهم اعتقد حتبقي اروش

واخيرا بالتوفيق يا جميل