قطع الغيار بتستهبل يافوزية

[john_hurghada]

[frame="6 80"]


بعد السلام والتحية
عربيتي سيريون موديل 2009 مافيش ميكانيكي حط ايده فيها ، كنت ماشي ورا عربية نقل عشان اتفادى عربية نقل تانية بطيئة ، المهم اني شربت كوريك تقريبا كان زيادة عند حد فرماه علي الطريق السريع، الحمدلله ان المسافة ماكنتش كبيرة لحد البيت ، العربية فضلت تعيط لحد ماجلها جفاف يعني الخبطة جات في الريداتير
اتصلت بالتوكيل عشان اعرف سعر الريداتير قالي 2700 من غير ضريبة ولا مصنعية
اللحام هايبقى حل كويس ولا اشتري القطعة دي من برة التوكيل ؟؟

[/frame]

[S O P H O S]

بصراحة كتباتك للموضوع رائعة
وفعلا سعر مبالغ فيه انا راي تشوفه فمكان تاني سعره كام قبل فكرة اللحام
ولو غالي بردوا يبقي مفيش قدمنا غير اللحام
والله اعلم

[askoda]

I believe you don't have any other option than elTawkeel
Because this is is a very important part in the car and i don't gurantee any one to put his hands in it

[أبو عبدالله]

شوفه استيراد الأول
بس لو لقيت سعره عالي وقريب من التوكيل رأيي هات من التوكيل احسن

[bmya]

على فكره سعره كده عادي مش غالي ولا حاجه انت بتتكلم في التوكيل واي عربيه في التوكيل هتلاقي قطعها كده بس غريبه اوي حوار الكوريك ده !!!!!!!!!!!
عموما شوف حد بتاع ردياتير خبره وخليه يلحمه ويكبسهولك وجرب هو على حسب الخبطه والكسر ممكن يتلحم ويبقى زي ماكان او اسال عليه استيراد و جديد بره التوكيل

[rzeiny]

السلام عليكم
اخي العزيز معاك ان التوكيل غاااااااااااااااااااااااااااااااااااالي بص القطع الحساسة دي للاسف مبينفعش فيها اللحام والعك ده برة انا معايا اوبترا حصل فيها نفس المشكلة وواحد من التوكيل نصحني بحد برة باللحام وكانت كارثة بعد ما لحمت وكبست (طبعا هو بيبص عالمشكلة من غير فحص اماكن تانية ) اتفتح تاني وجاب طحينة ودخلت في قصة كبيرة ووش سلندر والاخر جبت واحد جديد من التوكيل .
بالمناسبة انا لسة جاي من توكيل دايهاتسو صيانة 65000 كم وكنت حاسس بتخبيط في العجلة الشمال واخبروني انه جلب المقص ولازم تتغيير بالمقص والتكلفة كام.......... 800ج +200ج تركيب ؟؟؟؟!!!!!!!!! اتصدمت ومشيت.
نصيبنا .

[me_medoo]

حبيب قلبي الف سلامة عليك يا غالي
انا من رأيي من رأي. ابو عبدالله وباميا وبوحميد بصراحة دي حاجة حساسة
انتا مستغليها بس لان. حاجة مكنش ليك زنب فيها وجتلك من حيث لا تعلم
وربنا يستر لان جفاف المية في المتور ممكن يدخلك لاقدر الله في وش سليندر ولا جوان فاوعه تمشي عليها وهيا فاضية نهائي وتخش في متاه انتا مش قدها وتفتح على نفسك فتحات وصدقني كل العربيات الجديدة قطع غيارها نار. بالذات ان الرديتر الجديد. مش من صاج ولا المونيا زي زمان.
فقدر الله ومشاء فعل وقضى اخف من قضى
بس سؤال هنا مهم جداً
هيا مين فوزية دي هههههههههههه

@@@@@@@@
وتحياتي .

[s_safwat]

حاول تشوف مستعمل في الحرفيين او اشتري واحد مش اصلي
ب النسبة للمقص بتاعة الاستاذ rzieny انا كان عندي نفس الصوت في نفس العربية و وديتها لمكانيكي محترم و قالي مفيهاش حاجة و ربطها و الصوت راح

[rzeiny]

شكرا للنصيحة

[haroun707]

بص ياباشا لو المشكلة لسه قائمة ممكن تكلمنى على الخاص ابعتلك رقم ميكانيكى دايهاتسو وعنده قطع غيار استيراد ومكانه فى المعادى

اعتقد انه ممكن يساعدك


-

[mohamed_rhem]

بص ياباشا لو المشكلة لسه قائمة ممكن تكلمنى على الخاص ابعتلك رقم ميكانيكى دايهاتسو وعنده قطع غيار استيراد ومكانه فى المعادى

اعتقد انه ممكن يساعدك


-

ممكن رقمه علي الخاص

[احمد فهمى]

والكوريك خدتو معاك؟؟ اهو ينفع فى اي حاجه .... المهم الحمد لله على سلامتك ومنو لله اللى رما الكوريك وقدر الله وما شاء فعل ... اكيد الريداتير ده بره التوكيل ارخص من كده عند بتوع قطع الغيار واسأل عليه فى الحرفيين بس المشكله ممكن يطلع مخروم برضو وللأسف ده من احم القطع فى العربيه اكيد بره التوكيل جديد هيبقى ارخص وانسى موضوع اللحام ده هيفك وهتضرب وش سلندر وهتقول يا ريتنى اشتريتو ب٥ الاف جنيه حتى