ارجو مساعدتى فى اصلاح تيريوس

[doctorno]

السلام عليكم ورحمة الله وبركاته
تحية طيبة الى اعضاء المنتدى الكرام
لقد حدثت لى امس حادثة على طريق العلمين بسيارة تيريوس 2010 gxr
كنت ماشى على سرعة 120 و شوية زلط صغير ظهر على الطريق ما لحقتش افاديه العربية مشيت عليه قامت معومة من ورة وقعدت تلف حوالين نفسها وبعد كده اتقلبت 3 مرات الى ان استقرت فى الجزيرة اللى بين الطريقين الحمد لله طلعنا سلام انا واللى معايا
بس العربية اتدمرت الناس على الطريق كتر خيرهم ساعدونا وجابولنا ونش وقطرناها للتوكيل فى ابو رواش عملتلها مقايسة ومبدئيا تصليحها يتكلف 60 الف جنيه فى التوكيل
العربية مش عاملة غير 15 الف كم وحرام ابيعها حوادث
فارجو من اعضاء المنتدى الكرام ارشادى الى اماكن قطع غيار خارج التوكيل وكذلك الى صنايعية كويسين اصلح العربية عندهم

[أبو عبدالله]

حضرتك هتنزل على الحرفيين اكيد
وممكن تكلم استاذ كريم منير صاحب المنتدى وهو هيعملك اللازم ان شاء الرحمن
وقدر الله وماشاء فعل
وربنا يعوض عليك ان شاء الله

[mohamed_rhem]

كريم متعاقد مع محمد قدورة وهو بوهياجي محترف وعنده سمكري كويس

في عندك سمير وعلي في الحرفيين والعقيد خالد

ومصطفي والمصريه اليابانيه واوشين واولاد حمزة في الحرفيين قطع غيار

لو احتاجت حاجه في الميكانيكا او العفشة عندك المهندس سيد الفراش

اعتقد الحرفيين المكان الوحيد اللي اجتمع فيه كل اللي انت عايزه

واخيرا حمدالله علي سلامتك وربنا يأجرك في مصيبتك ويخلفلك خيرا منها

[Shady_mas2000]

الف حمد الله على السلامه وقدر الله وما شاء فعل