في تيريوساوي إسكندراني يساعدني في المرايا اللي إتكسرت؟

[yahia]

سواق ميكروباص إبن حلال ضربلي المرايا اليمين....و بما إني صايم إكتفيت بالزعيق خصوصا إن المرايا متكسرتش.....بعد ما ماشيت بشوية المرايا مكنتش مظبوطة...باقول لأبويا يعدلها...بيحط صباعة...راحت نزله في الأرض...بالسلامة طبعا...الكلبس إتفك من الخبطة و كان متعلق علي شعرة....الحمد لله
المهم صعبان عليا أغير المرايا كلها علي الباغة بس...روحت صلاح الدين قالولي مافيش....
دلوقتي أنا عندي حل من إتنين...أفصل باغة ...و بيقولو حتبقي زفت
أو أوفق مراية فيتارا أو تيجو....لو لقيتها
حد يعرف يساعدني فالموضوع دا؟ ولا حلبس في 400 مرايا من التوكيل؟

[MohssenRashed]

بص انا مش فاهم قصدك قوي بس اعتقد انت قصدك الكفر اللي برة اللي بيبقى بلون العربي؟

عامة روح لخالد فبر اللي في الازاريطة قدام مستشفى السلامة و شوف هيقولك اية.

انا اتكسر عندي قلب المراية (تيريوس 2007) 3 مرات و لحمتة عنده و في صلاح الدين بيغير القلب ده بواحد حديد.

ياريت توضح اكتر انه جزء اللي اتكس بالظبط و ياريت صور.

[yahia]

المرايا نفسها يا باشا بس...الإزازة

[yahia]

لاقيتها ف صلاح الدين...عند واحد ف أول الشارع واقف ب فاترينه...قاللي 140 و أخدتها ب 90 ! أصلي مستعملة

[MohssenRashed]

لاقيتها ف صلاح الدين...عند واحد ف أول الشارع واقف ب فاترينه...قاللي 140 و أخدتها ب 90 ! أصلي مستعملة

ههههههه نفس اللي حصل معايا بس انت اجدع مني انا اخدتها ب 100 جنية من نفس الراجل.

[akmm]

والأستاذ يحى عمل ايه .

[ahmedebed]

سواق ميكروباص إبن حلال ضربلي المرايا اليمين....و بما إني صايم إكتفيت بالزعيق خصوصا إن المرايا متكسرتش.....بعد ما ماشيت بشوية المرايا مكنتش مظبوطة...باقول لأبويا يعدلها...بيحط صباعة...راحت نزله في الأرض...بالسلامة طبعا...الكلبس إتفك من الخبطة و كان متعلق علي شعرة....الحمد لله
المهم صعبان عليا أغير المرايا كلها علي الباغة بس...روحت صلاح الدين قالولي مافيش....
دلوقتي أنا عندي حل من إتنين...أفصل باغة ...و بيقولو حتبقي زفت
أو أوفق مراية فيتارا أو تيجو....لو لقيتها
حد يعرف يساعدني فالموضوع دا؟ ولا حلبس في 400 مرايا من التوكيل؟

غيرها من التوكيل وحافظ علي اصاله عربيتك