Tweet
معاناه بدون قصد في توكيل دايهاتسو
السلام عليكم ورحمة الله وبركاته
طبعا زي ما قولت سابقا اني بفضل الله استلمت سيارتي التيريوس والحمد لله وقالولي لو عايز تركب اي كماليات ابقي روح ركبها مع صيانة الالف كيلو بس بصراحه انا استعجلت لاني بحب لما اعمل حاجه تبقي كامله اما بلاش منها احسن.
المهم حجزت ميعاد للصيانه و طلبت تركيب جهاز انذار مع روافع وديفندرات للسياره بالكامل و فرش جلد و غطاء خلفي للاستبن فيبر و حساس خلفي او سنسور يعني وادوني ميعاد الخميس و قبلها بيوم اتصلو قالو ان كل ما طلبت موجود الا السنسور قولت مش مشكله ابقي اركبه بعدين و رحت يوم الخميس والناس استقابلهم كويس الحمد لله واخترت الاشكال اللي عايزها وطبعا كان في اشكال كتير معروضه ومش موجوده المهم اني بعد ما اختارت كل حاجه قالولي عايز فرش اسود ولا رصاصي قولت اشوف رحت اشوف لقيت ان مفيش غير الاسود وكمان هيا قطعه واحده.
طبعا مهندس الاستقبال قالي انها هتخلص الساعه 4.30 عشان هركب حاجات كتير وسئلت المبلغ في حدود كام قالي حوالي 8 الاف وقولتله في دفع بالفيزا قال طبعا وتوكلت علي الله رحت شغلي ورجعت التوكيل الساعه 5 لقيت العربيه خلصت و مغسوله و كله تمام والحمد لله رحت ادفع الفيزا مرديتش تشتغل و قعدنا نحاول ومفيش فايده طلعو معايا واحد من التوكيل وجزاهم الله خير ولفينا علي اربع بنوك في العبور و مفيش فايده و اكتشفت ان العيب من ان نظام البنك بتاعي بيحصل فيه تطوير و تحديث و مش هيشتغل قبل ساعه علي الاقل و طبعا مكنش قدامي غير اني اروح و انا بجر اذيال الخيبه والاكتئاب.
انهارده الصبح بقي رحت لقيت ان ماكينة الشركه للدفع الالكتروني هيا اللي بايظه و برده مفيش حل غير اني انتظر لبكره لحد ما البنك يفتح و اروح اسحب كاش وادفع.
بعد القصه الطويله دي و الشعور الرهيب بالاكتئاب بس طبعا من التسليم الشديد بالنصيب والحمد لله طلعت بشوية نتايج عن مركز الصيانه و هي كالتالي:
1- الناس هناك محترمه جدا جدا.
2- التوكيل ضيق جدااااااا علي عدد مالكي الدايهاتسو.
3- كتير من قطع الغيار و الكماليات غير موجوده و عندما سئلت قالو حاجتهم بتتاخر في الجمارك لانهم مش بيدفعو رشاوي وطبعا دي نقطه تحسب ليهم و عليهم لانهم فعلا ناس محترمين بس بما انهم شركه ضخمه جدا فلازم يتصرفو بشكل اسرع و فعال لحل المشكله دي لان العملاء ليس لهم ذنب و مش كل العملاء هيقبلو الاعتذار و الانتظار و ده ممكن ياثر بشكل كبير علي سمعتهم.
4- موضوع متابعة السياره اثناء الاصلاح ده شئ فوق الممتاز ومش موجود في غالبية توكيلات السيارات بس في جوانب تانيه اهم و تستحق الاهتمام اكثر.
5-مفيش تنسيق بين مركز الاتصال والتوكيل و مراكز المبيعات و كان كل واحد منهم في كوكب منفل لا مركز الاتصال خلي ناس كتير راحت عشان تركب حاجات و هيا مش موجوده في التوكيل اصلا.
6-في حاجات اسعارها حسيت انها عاليه شويتين زي جهاز الانذار بالروافع كنت مركبه لعربيتي القديمه كلف حوالي 500 جنيه بالتركيب و برده في التوكيل و المره دي دفعت فيه 1220 جنيه و عايز حد يوضحلي السبب لو يعرف.
طبعا زي ما قولت سابقا اني بفضل الله استلمت سيارتي التيريوس والحمد لله وقالولي لو عايز تركب اي كماليات ابقي روح ركبها مع صيانة الالف كيلو بس بصراحه انا استعجلت لاني بحب لما اعمل حاجه تبقي كامله اما بلاش منها احسن.
المهم حجزت ميعاد للصيانه و طلبت تركيب جهاز انذار مع روافع وديفندرات للسياره بالكامل و فرش جلد و غطاء خلفي للاستبن فيبر و حساس خلفي او سنسور يعني وادوني ميعاد الخميس و قبلها بيوم اتصلو قالو ان كل ما طلبت موجود الا السنسور قولت مش مشكله ابقي اركبه بعدين و رحت يوم الخميس والناس استقابلهم كويس الحمد لله واخترت الاشكال اللي عايزها وطبعا كان في اشكال كتير معروضه ومش موجوده المهم اني بعد ما اختارت كل حاجه قالولي عايز فرش اسود ولا رصاصي قولت اشوف رحت اشوف لقيت ان مفيش غير الاسود وكمان هيا قطعه واحده.
طبعا مهندس الاستقبال قالي انها هتخلص الساعه 4.30 عشان هركب حاجات كتير وسئلت المبلغ في حدود كام قالي حوالي 8 الاف وقولتله في دفع بالفيزا قال طبعا وتوكلت علي الله رحت شغلي ورجعت التوكيل الساعه 5 لقيت العربيه خلصت و مغسوله و كله تمام والحمد لله رحت ادفع الفيزا مرديتش تشتغل و قعدنا نحاول ومفيش فايده طلعو معايا واحد من التوكيل وجزاهم الله خير ولفينا علي اربع بنوك في العبور و مفيش فايده و اكتشفت ان العيب من ان نظام البنك بتاعي بيحصل فيه تطوير و تحديث و مش هيشتغل قبل ساعه علي الاقل و طبعا مكنش قدامي غير اني اروح و انا بجر اذيال الخيبه والاكتئاب.
انهارده الصبح بقي رحت لقيت ان ماكينة الشركه للدفع الالكتروني هيا اللي بايظه و برده مفيش حل غير اني انتظر لبكره لحد ما البنك يفتح و اروح اسحب كاش وادفع.
بعد القصه الطويله دي و الشعور الرهيب بالاكتئاب بس طبعا من التسليم الشديد بالنصيب والحمد لله طلعت بشوية نتايج عن مركز الصيانه و هي كالتالي:
1- الناس هناك محترمه جدا جدا.
2- التوكيل ضيق جدااااااا علي عدد مالكي الدايهاتسو.
3- كتير من قطع الغيار و الكماليات غير موجوده و عندما سئلت قالو حاجتهم بتتاخر في الجمارك لانهم مش بيدفعو رشاوي وطبعا دي نقطه تحسب ليهم و عليهم لانهم فعلا ناس محترمين بس بما انهم شركه ضخمه جدا فلازم يتصرفو بشكل اسرع و فعال لحل المشكله دي لان العملاء ليس لهم ذنب و مش كل العملاء هيقبلو الاعتذار و الانتظار و ده ممكن ياثر بشكل كبير علي سمعتهم.
4- موضوع متابعة السياره اثناء الاصلاح ده شئ فوق الممتاز ومش موجود في غالبية توكيلات السيارات بس في جوانب تانيه اهم و تستحق الاهتمام اكثر.
5-مفيش تنسيق بين مركز الاتصال والتوكيل و مراكز المبيعات و كان كل واحد منهم في كوكب منفل لا مركز الاتصال خلي ناس كتير راحت عشان تركب حاجات و هيا مش موجوده في التوكيل اصلا.
6-في حاجات اسعارها حسيت انها عاليه شويتين زي جهاز الانذار بالروافع كنت مركبه لعربيتي القديمه كلف حوالي 500 جنيه بالتركيب و برده في التوكيل و المره دي دفعت فيه 1220 جنيه و عايز حد يوضحلي السبب لو يعرف.
Comment