لمبة h4 فيلبس

[mohamed_rhem]

اولا كل سنة وانتم طيبين

يوم الوقفه باليل قررت اشد الرحال علي شرم

وبالصدفة العربية اللي قدامي كان فيها نيكل فلاحظت ان كشاف مش شغال

نزلت واتأكدت روحت فاكك اللمبة وفكها سهل جدا

فيشة ثلاثية بتتشد لبرا وبعدين جوان كاوتش برضه بيتشد وبعدين مشبك اللي بيبقي ماسك اللمبه

لاقيت مكتوب عليها فيلبس h4 صنع في المانيا

روحت علي شارع دمشق واشتريت اختها وركبتها ب 20 جنيه بصراحة السعر شككني سألت صاحب

انا عايز الاصلي مش الكوبي قالي انها اصليه

ركبت اللمبة وتقريبا مفيش فارق وشغاله روحت ورجعت تمام الحمد لله

[medo_sirion]

بتشد على شرم لوحدك برحتك يامشمهندس بس شكلها كدة مافيش دمياط قريب ولا اية

[mohamed_rhem]

بتشد على شرم لوحدك برحتك يامشمهندس بس شكلها كدة مافيش دمياط قريب ولا اية

يا ميدو انا لا كنت بشد ولا حاجه ده انا كنت ماشي علي 120 كم

اصل كنت مطبق ومنمتش قبلها وطبعا كالعادة المشوار دون استراحات ال 500 كم قاعدة واحدة

دمياط حكلمك ان شاء الله انما لو حابب تجي انا في شرم ان شاء الله من يوم 12/9 الي 16/9

واحتمال امدلي يومين ولا حاجة

[bmya]

والله شجعتني يا محمد انا ناوي اشد ان شاء الله على شرم بس كل ما اقول لحد هروح بالعربيه يقولي روح سوبر جيت احسن
ان شاء الله لما اجي اروح هبقى اكلمك اعرف منك الطريق بالظبط بما انك خيره في شرم

[bmya]

اه بالنسبه للمبه انا ماشي بعين واحد ومعاهم الزينون في الفوجات بس في العالي شغال عادي
لاسف لمبات السيريون رديئه اوي

[ahmad--ezzat]

سوبر جيت عذااااااااااب
اعوذ بالله

[mohamed_abdelm]

السلام عليكم
انا عايش في اوروبا وشغال في العربيات في حد عنده استعداد يستورد مني؟
الماني-ايطالي-فرنسي-امريكي-........