بلي العجل للسيريون

[bmya]

السلام عليكم
كل سنه وانتم طيبين جميعا

عندي سؤالين كده في السريع
دلوقتي انا كنت مسافر انا وواحد صحبي على طريق المنصوره المهم صحبي لبس في عربيه bmw و ووش عربيته اتبهدل والردياتير اتخرم المهم العربيه ماكانتش تفع تمشي عشان الردياتير
وكنا فيالعيد وبليل ومفيش وسيله انقاذ
فاضطريت اني اقطره انا بحبل هل في ضرر من الحوار ده
العربيه هيونداي نيو اكسنت كان فيها فردين وانا كن لوحدي في العربيه

تاني حاجه انا عندي صوت ونه في العربيه من العجل من يوم ما لبست مطب محترم وساعتها كان الكاوتش بايظ والجنط كان فيه عوجه فكنت فاكر انها منهم بس غيرت الكاوتش وعدلت الجنط وبرده الونه موجوده هي بتظهر من اول سرعه 60 تقريبا وبتختفي بعد كده مع وجود صوت خشانه او حكه في الفرامل بس مش بتظهر باستمرار يعني احيانا بتظهر وكتير لاء هي يتظهر على السرعه البطيئه اوي يعني لو ماشي بسرعه وبفرمل مش بيظهر صوت الحكه ده غير لما العربيه سرعتها توصل ل 20 ولحد ما العربيه ما تقف خالص
سالت ميكانيكي قالي ده بلي العجل خشن وعاوز يتغير هل ده صح ؟
وياترى اجيب البلي منين

[Elawany13]

http://www.nilemotors.net/Nile/277030-a.html

[MohssenRashed]

انا مغير بلي شمال في التيريوس كان عامل صوت خشونة برضو و كان ب 600 جنية في التوكيل, بس خد بالك عشان بلي ال abs مختلف عن اللي من غير abs

[أبو عبدالله]

البلية الامامية مفيهاش مشكلة في موضوع abs
عاديه يعني وموجوده بــ 360 في العالمية لقطع الغيار في الحرفيين او في شارع دمشق في روكسي
وواضح يا شريف انها بلية فعلا

[bmya]

انا روحت لعفشجي انهارده وسمع الصوت معايا وقالي بليه يمين بس لسه مشتغلش فيها احتمال اروح له بكره اشوفها

[mohamed_rhem]

بالنسبة لموضوع القطر ده

انت عربيتك مانيوال 1300 الثأثير بيبقي علي مجموعة الدبرياج

تحس برعشة خفيفة او رجة بتبان قوي علي الاول لو مش دايس بنزين

وممكن ميحصلش حاجة في الغالب

اما الموضوع بتاع الخشانة ده فالبلي محتاج يتغير فعلا

[bmya]

لا يا محمد انا عربيتي 1300 اتوماتيك بس ماشاء الله العربيه كانت مش متأثره زي ما انا كنت فاكر السيريون العزم شديد والقوه حديد ههههههه
لدرجه ان احنا كن معديين على قريه على الطريق شويه عيال ريفين واقفين تعجبوا بيقولو بقه الحومه دي تشد العربيه دي الحمى دي اللي هي السيريون طبعا ههههههههههههه
صحبي اللي قالي طبعا بعد ما وصلنا
انا مزودتش السرعه عن 50 وكنت بريح كل شويه على الطريق وكنت بستخدم النقلات اللي في الفتيس l 2

[bmya]

طيب بالنسبه لزيت الفتيس اغيره امته انا داخل في الستين واجيبه نوعه ايه ويباخد كام كيلو وهل في فلتر بيتغير ولا ايه
البوجيهات اجيبها منين وبكام وهل لازم نفس الكود بالظبط بتاع الاصلي