معدل إستهلاك البنزين عندي غريب

[عمرو عمارة]

السلام عليكم

أنا لاحظت في الفترة الاخيرة إن معدل إستهلاك البنزين في السيريون ثابت على 270-275كم لكل عشرين لتر مع تشغيل المكيف....إلي أعرفه إنها مفروض تعمل مش أقل من 320كم في الصفيحة مع العلم إن العربية بتمشي دائري وطريق السويس.... وطفلان فقط ( أربع سنين ) في الكنبة الخلفية
أنا فاكر إن الأخ أبو عبدالله ذكر مرة إنه كان محمل في عربيته خمسة ومشغل التكيف ومعدل الإستهلاك عنده كان ما شاء الله 340كم في الصفيحة ( مش كدة ولا إيه يا أبو عبدالله؟:))......فهل دة كله بيظبط بعد صيانة الـ5000 ؟؟...لأن أعضاء كتير لاحظوا فروق كثيرة بعد صيانة الـ5000

العربية 1.3 أوتوماتيك

[أبو عبدالله]

هو طبعا مع احترامي لكل الأراء
بس تحديد مسألة استهلاك البنزين لها مئثرات كتير تفرق من شخص لأخر
ولا يمكن تحديد نسبة معينه لأحد

ولكن كل ما في الأمر ان انت بيبقى عندك معدل قياسي للعربيه بتقيس عليه بس مع حساب العوامل المؤثر على استهلاكك الشخصي انت
يعني بمعنى اخر

مثلا انا في المنصورة استهلاكي بيبقى اكتر من لما بروح القاهرة بفارق كبير
وده راجع لأن المنصورة اكبر مشوار ممكن يكون 7 كم او 10 بالكتير ولكن وقت تشغيل العربيه ممكن يكون مماثل لمشوار مسافته 40 او 50 كم في القاهرة مثلا

الفرق اني بمشي على الاول والتاني اكتر من الثالث والرابع
في القاهرة بتمشي على الثالث على الأقل اكتر الوقت
في المنصورة على الثاني اكتر الوقت

انا والحمد لله عملت معدل لعربيتي اكتر من مره بالحمولة والتكييف 350 لتر في الصفيحة ولكن ده على سرعة 90 الى 100 كم لا زياده ولا نقص وعلى طريق سريع

تفرق مع اخر ان فيه شد
تفرق مع اخر في انه زود السرعه اكتر
تفرق مع اخر في في في

عوامل كتير بتأثر

معدلك ده طبيعي وكويس للأحتمالات العادية للمستهلك وبرضه بتفرق ضغطة دواسة البنزين من شخص لأخر

وفي النهاية ممكن برضه مسالة انها لسه لم تتعدي الخمسة الاف كيلو متر
مع العلم اني عملت 350 في الصفيحة قبل 5 الاف كيلو متر اول ما اشتريت العربيه وبعد صيانة الخمسة ايضا عملت معايا مره 375 كم للصفيحة

واي خدمة ان شاء الله

[ows212]

العربية بتعمل حوالى 340 فى الصفيحة لو انت ماشى طريق سريع على 90 كيلو
لكن لو هاتزود عن كده هاتلاقى الاستهلاك زاد
على فكرة العربية بتعمل معايا اقل من 200 كيلو فى الصفيحة جوا البلد لانى تقريبا بكون ماشى غيار اول تانى بس ...وده الطبيعى بتاع العربية

[aliabutaleb]

ألا هو الواحد بيقيس معدل استهلاك البنزين ازاي؟؟

[عمرو عمارة]

السلام عليكم

ربنا يجزيك خير يا أبو عبدالله......هو زي ما إنت قولت فعلاً مسألة استهلاك البنزين لها مؤثرات كتير....بس زي ما أنا شرحت العربية 95% من طريقها اليومي ماشية على الرابع ومافيش أي زحام بتقف فيها...إزاي تعمل 270كم؟؟

أنا عربيتي يومياً من التجمع للمطار والعكس وبتعمل 320-340كم مستريح مع تشغيل التكيف ( طبعاً بدون ماقرص على العربية...يعني ماشي 90-95 )

عامةً فاضل 1000كم على صيانة الـ5000 وهاقولهم إن شاء الله على الموضوع دة وهاشوف الفرق بعد الصيانة

[أبو عبدالله]

خالي بالك برضه ممكن يكون نوعية البنزين
يعني انا لسه ممون من كالتكس المره اللي فاتت دي حاسس ان البنزين بيطير بطريقه اسرع مش عارف ليه

يعني مش شرط نوع البنزينه ولكن ممكن نوعية المره اللي هما ملو منها تنكاتهم يعني ممكن مره كده تلاقي البنزين بيطير اسرع من الطبيعي

[Eng_aly]

خالي بالك برضه ممكن يكون نوعية البنزين
يعني انا لسه ممون من كالتكس المره اللي فاتت دي حاسس ان البنزين بيطير بطريقه اسرع مش عارف ليه

يعني مش شرط نوع البنزينه ولكن ممكن نوعية المره اللي هما ملو منها تنكاتهم يعني ممكن مره كده تلاقي البنزين بيطير اسرع من الطبيعي

ايوة انا اكتشفت بنفسى وبعد عدة مرات ومن وطنيه وموبيل اللى على طريق الواحات موبيل بيدنى فى الصفيحة تقريبا من 40الى 50كم زيادة عن وطنيه بنفس الظروف من مشاوير وجرى وطرق ومعرفتش اية الفرق بس قولت احط من موبيل وخلاص

[bmya]

انا برده حاسس انهم كانو بيشتغلونا في موضوع استهلاك العربيه ده
انا العربيه عمتل عندي 288 كيلو في الصفيحه بدون تكيف نهاااااااااااااااااااائي
بدون معدي سرعه 90 كيلو علي الطريق
بدون ما الrpm يعدي ال3000 لفه
منهم 230 كيو سفر علي طريق
والباقي داخل البلد وكنت بمشي علي 40 اقصي سرعه
ده عادي ولا ايه النظام

[أبو عبدالله]

انا برده حاسس انهم كانو بيشتغلونا في موضوع استهلاك العربيه ده
انا العربيه عمتل عندي 288 كيلو في الصفيحه بدون تكيف نهاااااااااااااااااااائي
بدون معدي سرعه 90 كيلو علي الطريق
بدون ما الrpm يعدي ال3000 لفه
منهم 230 كيو سفر علي طريق
والباقي داخل البلد وكنت بمشي علي 40 اقصي سرعه
ده عادي ولا ايه النظام

ده معديل كويس وعادي
العربيه علشان تعدي 300 كم في الصفيحه لازم يبقى اكتر من 80% من المسافة المقطوعة يبقى طريق سريع

اما داخل البلد فملهاش مقياس لأنها بتفرق حسب طبيعة البلد وشوارعها

[bmya]

بس يا ابو عبدالله كل ده من غير تكييف نهااااااائي
انا ما شغلت التكييف خالص غير مره كنت بجربه بس
بس انا عامل حسابي اني مشغلوش غير بعد ال100 ان شاء الله
طيب ياتري التكييف بيزود الاستلاك في حدود كام
وياتري هو ااavg المفروض يبقي كام لان احيانا عندي اكون مسافر من دمياط لميت غمر مسافه 115 كيلو تقريبا اللمعدل يبقي 5.5 واحيانا يكون 6.5 بس مبيزدش عن كده ده كده استهلاك طبيعي

[أبو عبدالله]

بس يا ابو عبدالله كل ده من غير تكييف نهااااااائي
انا ما شغلت التكييف خالص غير مره كنت بجربه بس
بس انا عامل حسابي اني مشغلوش غير بعد ال100 ان شاء الله
طيب ياتري التكييف بيزود الاستلاك في حدود كام
وياتري هو ااavg المفروض يبقي كام لان احيانا عندي اكون مسافر من دمياط لميت غمر مسافه 115 كيلو تقريبا اللمعدل يبقي 5.5 واحيانا يكون 6.5 بس مبيزدش عن كده ده كده استهلاك طبيعي

لا هي لسه في التلليين فمش هتقدر تحسب استهلاكها دلوقتي

بعد 5 الاف هتقدر تحسبها مظبوط ان شاء الله

اما عن استخدام التكييف ففي السفر وعلى سرعه 90 او 100 مش هتلاقيها بتفرق
اما داخل البلد هتلاقيها حسب وقفاتك والزحمه بس في الخمسة لتر هتلاقي فرق من 5 الى 10 كم ناقص