تريوس دفع رباعى و لا ثنائى

[kfma1]

اشترى تريوس دفع رباعى و لا ثنائى

علما بان الاستعمال فى وسط البلد و احيانا فى السفر

[samehafez]

لو تحركاتك كلها في المدينة يبقي مش محتاج الدفع الرباعي في حاجة و لا ايه ؟؟

[MohssenRashed]

لو مش هيفرق معاك فرق الفلوس هات 4*4 مش هتخسر حاجة لو موجود.

[Imhotep]

الدفع الرباعى فايدته حتى فى حالة عدم استخدامه ان عفشة العربية هتبقى اقوى فلو الفلوس مش مشكلة يبقى افضل وجوده حتى لو لم يستخدم..... الدفع الثنائى يعنى عفشة عادية زيها زى غيرها من العربيات بس كل ما يميزها الارتفاع الزيادة عن الارض

[kfma1]

هل عافشة قوية يعنى ناشفة و جامدة فى المطبات و العافشة العادية طرية فى المطبات؟ برجاء الافادة علما بان الفرق بين 2x4 و ال 4x4 هو 12 الف جنيها (164-152=12) فهل الفرق يستاهل؟؟؟؟

[szaalouk]

بما ان مشي حضرتك كله جوه البلد و احيانا سفر يبقي خلليك في الدفع الثنائي و انت أولي بفرق السعر بالإضافة الي ان الدفع الثنائي حاتوفر بنزين لان الجر علي عجلتين فقط و بالتالي احتكاك اقل و ارجو من اهل الخبره تصحيح المعلومه لو مش صحيحه

[Imhotep]

رأيى انا بانيه على تحليل مبنى على معرفتى بأسلوب التوكيلات المصرية + فرق السعر بين الموديلين..... مش نتيجة لانى كشفت مثلا على عفشة العربيتين عشان اتأكد..... معرفتى بالتوكيلات بتقول انهم عندهم استعداد يوفروا اى مليم بأوبشن فى العربية فى مقابل انهم يقللوا تمن العربية الى اقصى حد ممكن و يبيعوها بعد كده بأكبر سعر ممكن عشان يكون مكسبهم اكبر ما يمكن..... هى دى طريقة التوكيلات..... طيب بما ان الفرق هو 12 الف جنيه.... هل ده تمن كورونة الدفع الرباعى؟ اعتقد طبعا لأ..... الفرق فى السعر ده لازم يكون موازى ليه فرق فعلى فى العفشتين..... حد هييجى يقولى التوكيلات حرامية و كل اوبشن زيادة بفلوس اد كده زائد ان العربية دى الوحيدة فى فئتها اللى دفع رباعى و اوتوماتك بالسعر ده فبالتالى التوكيل لازم يستغل ده و يحاول يبيع الاوبشنز دى بأقصى سعر ممكن...... هقول ان الكلام ده منطقى صحيح لكنه فى الحقيقة عكس الواقع لانه حسب الموضوع ده:

http://www.nilemotors.net/Nile/305558-abs.html

فالتوكيل خلاص بطل يستورد الفئات العالية الغالية اللى فيها 4*4 و ايه بى اس عشان يخلى العربية بسعر تنافسى..... فبالتالى ده معناه ايه؟ معناه ان العربية الغالية اللى بطل التوكيل يستوردها هى فعلا بتقع عليه غاليه و بعد اضافة هامش ربحه بتبقى غالية لدرجة انها ممكن تبور و لا تبيع...... و بالتالى نيجى لمربط الفرس..... هى ليه العربية فى اعلى فئاتها اللى بيبقى فيها 4*4 بتقع على التوكيل غالية من المنبع ؟ الاجابة ببساطة لانه فى فرق فعلا فى العفشتين...... لانى اعتقد و هو اعتقاد مبنى على كل ما سبق من تحليل لكنه ليس مبنى على معلومة فنية مؤكدة..... اعتقد ان العفشة بتاعة 2*4 معمول لها تصميم مختلف خالص عن ال4*4 و محطوط فيها مواد بناء اقل متانة من ال 4*4 نظرا لان العربية هتبقى عربية مدينة رسمى زيها زى السيدان بدون اى فرق فبالتالى لا احتياج لاضافة مواد بناء تحتمل الخدمة الشاقة التى يتطلبها ال 4*4 فى العفشة......

الاختيار فى النهاية يجب ان يراعى هل العربية هتقعد مع صاحبها مدة كبيرة و بالتالى موضوع ال 4*4 يعتبر استثمار فى عفشة قوية تستحمل شوارعنا الجميلة و مطباتها فى مقابل فرق السعر.... و الله الموفق فى الاختيار

[mido elsakkar]

انا من رأيى الدفع الرباعى زى اللى معايا مع انى مجربتش بصراحة الدفع الثنائى
بس اللى انا شايفة انه الدفع الرباعى امتن واحسن فى العفشة لان العربية لما بتنزل دفع رباعى لازم يصمموا العربية للجبال والمرتفعات والكلام ده فلازم يبقى ليها عفشة خاصة عكس الدفع الثنائى