عضو جديد ومحتاج رآيكم

[Boody8882]

أولا أنا برحب بأعضاء المنتدى وأتمنى أكون أخ ليكم وعضو سيريونى إن شاء الله
بأمانة يا جماعة من أول ماقررت إن شاء الله إن أجيب حتة زيرو وأنا محتار ومش عارف أستقر أولا أنا نويها هاتشباك وكنت شبة مستقر على الجيتز خصوصآ إنى ركبتها وبأمانة عجابتنى لحد مبدأت أدخل قسمكم اللذيذ وأتابع عن طريقكم الطلقة السيريون وبدأت من هنا الحيرة لغايت مجالى واحد صحبى وقالى بقولك إيه ولا دى ولا دى خليك فى ال جين 2 ومصمم إنه يقنعنى بيها وبجد أنا عن نفسى مايل للسيريون أكتر بكتير
فـأتمنى رآيكو بدون تحيز الجيتز ولا السيريون ولا جين 2

وأنا أسف على التطويل

=============
العضو الكريم
يرجى عدم الكتابة باللون الأحمر
لأنه مخصص للادارة فقط
وشكرا

الادارة 3

[عمرو عمارة]

السلام عليكم

مرحب بيك في هذا المنتدى الجميل

أنا معرفش حاجة عن الجين2 بس ممكن تخش على القسم الخاص بها في المنتدى وتعرف كل حاجة عنها من ملاكيها

أنا كنت هاجيب هيونداي برده....والجيتز جميلة....بس....أسواء توكيل ممكن تشوفه
السيريون طبعاً تحفة.....عربية ممتازة وتوكيل محترم بيسعى لإرضاء عملائه

[Boody8882]

شكرآ جدآ Renamr على ردك السريع وبجد محتاج أعرف إي الثلاث أنواع أفضل ورآيى الشخصى إنهم يستاهلو يتحطوا فى مقارنة مع بعض خصوصآ الجيتز والسيريون بشوف ناس كتيرة محتارة بينهم

[أبو عبدالله]

السلام عليكم

مرحب بيك في هذا المنتدى الجميل

أنا معرفش حاجة عن الجين2 بس ممكن تخش على القسم الخاص بها في المنتدى وتعرف كل حاجة عنها من ملاكيها

أنا كنت هاجيب هيونداي برده....والجيتز جميلة....بس....أسواء توكيل ممكن تشوفه
السيريون طبعاً تحفة.....عربية ممتازة وتوكيل محترم بيسعى لإرضاء عملائه

اول ارحب بك ايضا هنا في المنتدى
ثانيا عمرو قال الكلام المفيد

في حاجات بتحسم المقارنات لأهميتها ومنها التوكيل
وبصراحه غبور اشهر من النار على العلم
ولو كل 10 بيروحوا 5 بيتعملهم اللي هما عاوزينه و5 لا
يبقى انا اشك اني ممكن ابقى من الــ 5 التانيين

يعني مفيهاش هزار

انا انصحك بالسيريون عربيه محترمه توكيل كما قال عمر بيحاول يرضي عميله بجد مش هزار

العربيه ليس هناك ما يعيبها كعربيه هاتشباك بل تتميز في حاجات كتير عن العربيات الهاتشباك الأخرى

[MoToRiZeR]

لو بتقارن بين الجيتز و السيريون .. السيريون طبعا .. توكيل افضل .. استهلاك بنزين اقل .. كماليات أكتر و عربية مريحة و يابانية بالكامل .

انما الجين تو في فئة تانية خالص مينفعش تقارنها بالسيريون في رأيي

شوف انت عايز ايه بالزبط من العربية و قرر علي اساس كدة.

[Ahmed Anwer]

أهلآ بيك معانا ،،

بالترتيب ،،

جين 2 _____ بس أغلي بكتير حوالي 10 الاف جنية
يعيبها بس انها لم تختبر و اول سيارة بالكامل من تصميم و تصنيع بروتون
مش هاقول حلوة و لا وحشة بس فيها مخاطرة

جيتز ______ يعيبها بقوة عدم وجود عوامل امان ،،

و يميزها موتور 1600 فوة 104 حصان ، انتريور مميز بتطعيمات جلد و قماش
شكل رياضي بحجم صغير ،

سيريون _________ يعيبها و يميزها في نفس الوقت تصميم حداثي ادي لعدم وجود شنطة تقريبا حتي بالنسبة للهاتشباك الصغيرة في مقابلة كابينة ركاب رحبه غير ضعف الإنتشار و عدم توفر قطع الغيار باستمرارية

سيريون

Boot space (min ltr) 225
Boot space (max ltr) 630


جيتز

Boot space (min ltr) 289
Boot space (max ltr) 988

[osama_alam]

معرفش يمكن علشان ظهرتلي شوية مشاكل في العربية نقصان مية وفرامل وغير صوت الخبط اللي الناس معظمها بتعاني منه فالله اعلم ايه اللي ممكن يظهر تاني في العربية من رئي متجبهاش

[Boody8882]

شكرآ للأعضاء على ردودهم وعلى مشاركتهم الجميلة , وربنا يسهل وإن شاء الله أوصل للقرار السليم
وبتأسف على الكتابة باللون الأحمر مكنتش أعرف إنه مخصص للإدارة

[OlaOsman]

متهيألي انك ممكن تحصل على نتائج أفضل لو حطيت الموضوع ده في قسم المقارنات.

ربنا يوفقك للي فيه الخير :)