جراند تريوس 2012 خليجي كاملة بها حادث

[ADELELDESOQI]

معروض عليا للشراء سيارة جراند تريوس 2012 خليجي كاملة بها حادث في الرفرف الامامي اليمين
محتاجة رفرف يمين بالكرتيرة وكبوت ومطلوب فيها 85 الف جنية يعني ممكن نقول محتاجة ربع امامي يمين مع العلم ان السيارة مشت 3000 كيلو فقط في العداد يعني لسة زيرو اما اساسيات السيارة كلها سليمة هل هذا السعر جيد ولا اية ارجو الافادة وشكرا

[ramyhekal]

انا شايف ان السعر مناسب جدا ما شاء الله لان اول فئه فيها 155 يعنى لو هى حتى اول فئه تعمل مستعمله اقل حاجه 130 الف

[MohssenRashed]

رأي شوف تكلفة التصليح كام الاول لأن لو كده اكيد كان صاحب العربية صلحها و باعها

[mohamedaghali]

السعر غريب شوية , شوف تكلفة التصليح واكشف على العفشة والفتيس والموتور واتاكد ان مفيش حاجة فى الدواخل محتاجة شغل لان سعرها مريب فعلا

[ADELELDESOQI]

السيارة كان مؤمن عليها وبيعت بعد صرف التامين هيه العربية ممكن نعتبر محتاجة ربع امامي يمين رفرف يمين بالفخدة وكبوت وفانوس فقط اما باقي السيارة بالكامل سليم تماما حتي الاكصدام الامامي والشبكة سلام وانا سالت علي تكلفتها تقريبا هتقف ب100000 بتصليحها مع العلم ان الفئة دي سعرها زيرو ب170 لانها اعلي فئة خليجي فمش عارف هل تعتبر بالسعر ده كويس ولا لا

[samehafez]

لو مفيش عيوب مخفية و انت واثق من كدة و فعلا سعر الاصلاح ١٠ الاف يعني العربية قووول واقفة عليك ب ١٠٠٠٠٠ و لو هتشتري زيها كسر زيرو هتبقي ١٥٠٠٠٠ انا شايف تتكل علي الله بس امن علي قطع الغيار قبل ما تشتري او و انت بتشتري عشان ماتشتريش و تركنها جنبك مش عارف تصلح و التوكيل اكيد مش هيكون ١٠ الاف هيكون ب ٤٠الف اقل تقدير و اتمنى لك التوفيق

[ADELELDESOQI]

لا انا هستلمها شغالة تمام ب100000 خلاص هتوكل علي الله ان شاء الله
الف شكرا للجميع

[mohamedaghali]

السيارة كان مؤمن عليها وبيعت بعد صرف التامين هيه العربية ممكن نعتبر محتاجة ربع امامي يمين رفرف يمين بالفخدة وكبوت وفانوس فقط اما باقي السيارة بالكامل سليم تماما حتي الاكصدام الامامي والشبكة سلام وانا سالت علي تكلفتها تقريبا هتقف ب100000 بتصليحها مع العلم ان الفئة دي سعرها زيرو ب170 لانها اعلي فئة خليجي فمش عارف هل تعتبر بالسعر ده كويس ولا لا

الفخدة دى يعنى هترش دواخل لوده مناسب ليك توكل على الله