شاريد

[ara]

ممكن معلوملت عن الشاريد الموجودة حاليا؟
و هل هى افضل ام البيكانتو؟
و شكرا

[aboalm]

الشاريد الموجوده دلوقتى منها 3 موديلات الاول فتيس عادى و تكييف و باور ب 55 الثانى أتوماتيك وباور و تكييف ب 59 الثالث أتوماتيك و حميع الكماليات باور و تكييف و سنتر و زجاج وABS كله يعنى ب 65 تقريبا موجوده عند الوكيل فى شاره النصر بالمعادى الجديده و ليست عند الفرع بجوار الرقابه الآداريه
بصراحه أنا مش جربت البيكانتو لكن جربت الموديل الآتوماتيك تحفه بجد و التكييف ممتاز فعلا

[معاذ الشرباصى]

الشاريد ميزتها عن البيكانتو انها واسعة و مريحة جدا من الداخل
ضمان اعلى من البكانتو 100الف او 3 سنين
موفرة جدا فى البنزين, لكن هى 3 سلندر 1000 سىسى, DOHC
لكن عيوبها فى رأى انها عندها عيوب فى الشكل (دى ازواق) الاكصدام و الرفرف الامامى بيتخبطوا كتير, و الموتور قريب جدا من الاكصدام

البكانتو 1100 سىسى, DOHC
شكلها احلى, قطع غيارها ارخص نسبيا, و فى بيعها اسهل من الشاريد
هى مع واحد صاحبى واعرف ان الثبات بتاعها ممتاز, لكن معرفش حاجة فى النقطة دى فى الشاريد

[aboalm]

انت كلامك صح لكن الشاريد تتفوق أنها يابانى 100% و الوكيل من أفضل التوكيلات فى مصر بشهادة الجميع

[معاذ الشرباصى]

فعلا حضرتك عبد اللطيف جميل من احسن التوكيلات, لكن KIA EIT فى نفس الوقت من احسن التوكيلات فى مصر

الاول فتيس عادى و تكييف و باور ب 55

زبادة عليهم كاسيت و 2 airbags ب 57الف مش 55

الثانى أتوماتيك وباور و تكييف ب 59

نفس الاضافات ب 60 الف

بس حاليا الشاريد غير متوفرة, لانها حققت مبيعات فوق توقعات الوكيل فحصل نقص عندهم, و متوقع تبقى متوفرة فى خلال 3 شهور

[aboalm]

زى ما قلت الشاريد موجوده فى فرع المعادى

[AhmedElsayed]

توضيح صغير الموديل الاتوماتيك اللى ب 59 الف مفهوش باور
مفيش باور الا فى الاتوماتيك الكاملة ومفيش مانويال كاملة
انا معايا الاتوماتيك اللى ب 59 الف وماشاء الله ممتازة

بس خلى بالك انى سمعت انها خلاص حتتغير وينزل شكل جديد فى اغسطس فحاول تتاكد من المعلومات دة علشان تشترى الشكل الجديد