تأخير التوكيل في قطع الغيار

[Sharky]

يا عمي سيوله ولا مش سيوله ولا تزعل نفسك

بس انت اللي قولت حاله عامه وانا بسألك انت مش هسأل كل الملاك لأني اللي قال الكلام ده حالات فرديه وانا عارف انا بقول ايه

انا بسألك انت فين الحاله العامه دي

انا واحد من الناس طلبت حاجات وجتلي بعديها بأسبوعين من اليابان
ولما رحت اركب حاجات في العربيه لقيتها وغيري كتير لما راحو يركبوا حاجات ويغيروا لقوا قطع الغيار عادي

مش علشان كام واحد من ضمن الملاك كلهم ملقاش اللي هو عاوزه تبقى مشكلة عامه
وهو ده مقصدي

وانا الحمد لله لا يعميني شئ ان شاء الله
لأن مفيش حاجه اسمها حبك لشركه يعميك عندي

انا اتكلم على ما اراه حاليا امام عيني وبخبرتي اللي انا عارفها

ولو شوفت غير كده وانا معايا العربيه برضه تأكد اني اول واحد هبقى ضد هذا التوكيل او الشركة

ولكن المشكلة ان ساعات الواحد يتكلم على اي شركة اكنه يعلم على يقين بما داخلها وما تفعله ولا يعلم ظروف كثيرة وراء ذلك وممكن يكون في حيثيات كتير خلف الموضوع

وعلشان كده مبحبش امشي ورا كلام غير موثق او ليس له مصدر

ولكن الموثق عندي هو أنه ازاي احنا هنبقى احرص من الوكيل في ايجاد وتوافر في قطع الغيار اللي هيا مصدر رزقه ومكسبه الحقيقي من مبيعاته
لا ونتهمه كمان انه لا يوفر قطع الغيار


بصراحه قاعده غريبه ومش قادر ادخلها في دماغي

أبو عبدالله إنت نفسك طلب حاجات و قلت قعدت أسبوعين علشاتن يجيبها يعنى مش متوفرة !!!
إنت بتتكلم مع توكيل مش تاجر قطع غيار
التوكيل يجب ان تتوفر فيه قطع الغيار بنسبة لا تقل عن 90% و إلا يبقى بيهرج و طالما الحاجة بتتأخر فى الجمارك بيقى لازك بكزنزا بيعملوا حساب الكلام دا و بيلاقوا حل لملاك العربية لكن المشكلة انها مش فى الجمارك دا يبعت يجبها من الخارج !!

أبو عبدالله أنا قلتك ردا على سؤالك أسأل ملاك دايهاتس فى المنتدى إللى إحتاجو قطعة غيار خارج الصيانة الدورية لقوا فى التوكيل و لا لأ أو إتصل بنفسك و أسال الوكيل و قلنا قلك إيه عن توافر قطع الغيار إللى خارج الصيانة الدورية و حتبقى موجود فى اد إيه

بالنسبة إنها لقمة عيش للتوكيلات فى مصر ماهى مصر مليانة بالعديد من التوكيلات الغير محترمة و إللى مش موفرة لقطع غيارها و رغم كده مازات سياراتهم تباع بكثرة فى مصر و لا إيه يا أبو عبدالله
يعنى إللى إنت بتقوله مش مقياس فى مصر

يا ريت نبقى واقعين أكتر لمصلحة ملاك دايهاتسو فى مصر

[Eng_aly]

انا شايف ان فعلا فى مشكله عند التوكيل وفعلا عندهم مشكله فى قطع الغيار خصوصا :
اولا مشكله التوكيل انه لم يلاحظ بعد ان حجم المبيعات الزيادة (الكبير نوعا ما) يلزم له بالتابعيه مركز او مراكز صيانة قادرة على العمل بشكل افضل من الان والا بعد فترة مش طوليه هيلاقى نفسه زى غبور ولابد ان يأخذ فى الاعتبار ان مراكز الخدمه من اهم النقاط عند العملاء "حجم البيعات التى لم يبذل مجهود كبير فى تحقيقها لان العربيات بعات نفسها لجودتها ومناسبتها لمصر
ثانيا مشكله قطع الغيار وهى ليست بعامه ولكن فعلا لابد ان نعترف بعدم وجود الكثير منها ويوجد منها ما هو غايه فى الاهميه مثل الزجاج الامامى والمرايات
واخيرا التوكيل من كل الجوانب محترام جدا والمهندسين غايه الاداب والاحترام ومعدل الكفائة العامة جيد... ولكن يحتاج يحتاج الى وقت ولا نستطيع ان نغفل انة قد بداء العمل فى مصر من سنتين تقريبا

[معاذ الشرباصى]

صراحة انا كمان ملاحظ انهم فى قطع غيار بتتأخر

انا كنت سألت فى صيانة الالف على الانذار بالريموتعشان اركبه, مكنش موجود

الفوجات مش موجودة و محدش يعرف عنها حاجة

عربيات كتير خاصة فى الحوادث بتتأخر

يعنى فى أ/عمر عبدالعزيز, ده شغال فى دايهاتسو و معاه سريون 2007, عربيته كانت واقفة على الفانوس الامامى

لغاية دلوقت الوكيل مش ملاحق على طفرة المبيعات, و مركز الصيانة مش مستوعب الكم الهائل

نتمنى انهم يطوروا اسرع, لصالح العميل

نيجى لنقطة الجمارك: و الله العظيم انا واحد شغال هناك قال لى انهم بيدفعوا رشاوى علشان يخلصوا حاجات فى الجمارك و شخص اخر قال عكس الكلام

يبقى الخلاصة , اللى انا استنتجتها لنفسى, على الاقل, انها حجة للتأخير ليس اكثر

[MoToRiZeR]

انا رأيي ان موضوع الجمارك ده حجة برضه .. أصل مش معقول كل الفخر ده ان معندهمش قطع غيار لأنهم مش بيدفعوا رشاوي و المفروض العميل يتبسط من حاجة زي كدة ! العميل عايز عربيته تخلص و خلاص .. بالرشاوي بالمعارف بالجن الأزرق المهم تخلص .. و طبعا لا ننسي أعضاء المنتدي اللي قعدوا فترة طويلة مستنيين الزجاج الأمامي

[Sharky]

يبقى واضح إنها مشكلة عامة و يجب على التوكيل حلها بأسرع ما يمكن مع حل مشكلة علبة الدريكسيون و إفتتاح مراكز صيانة تستوعب المبيعات الكبيرة و إلا سيصبح فى القريب ضمن قائمة اسوء التوكيلات

[MoToRiZeR]

انا و الله خايف فعلا يا استاذ شاركي عالمبيعات العالية لدايهاتسو لأن معظم التوكيلات و الشركات في مصر أول ما بتلاقي بضاعتها كدة كدة متباعة بتبدأ في إهمال العميل و الخدمة بتبقي أكثر سوءاَ مع الوقت .

[أبو عبدالله]

مش عارف ليه يا احمد حاسس انك واقف للتوكيل عى الواحده
وعلشان لو موفرشي هيبقى اسوأ توكيل كمان

ايه يا عم انت مبتصدق ولا ايه

عالعموم الحاجت اللي انا طلبتها مكنتشي حاجات موجوده اصلا في الموديلات اللي هنا
ولما مرايتي اتكسرت رحت ولقيت واحده عادي واشترتها
ولما حبيت اركب انذار رحت ولقيته وركبته برضه

وحتى لو في مشكلة في توافر قطع الغيار مش هتوصل لدرجة اني اقول عليه اسوأ توكيل يعني علشان كده

يعني انا اقصد ان المفروض كلمنا يبقى بحدود ولا اهول قوي ولا ابقى سلبي مش اكتر

[Sharky]

يا أبو عبدالله هو الكلام على دايهاتسو يبقى بقف على الواحدة و على التوكيلات الأخرى يبقى عادى

ياباشا أنا مابفتريش على توكيل دايهاتسو و أظن كلام الملاك نفسهم فى الموضع خير دليل يبقى بلاش الدفاع الجامد دا على التوكيل و هو فيه فعلا عيوب فعلا و لازم نظهرها و نضعط على التوكيل علشان يحلها علشان يبقى تبقى محترم هو دا الحل مش ندور على ال‘ذار للتوكيل و فى الأخر المشاكل ما تتحلش

يا أبو عبدالله هو التوكيل لو موفرش قطع الغيار يبقى توكيل محترم فى نظرك !!!

يا أبو عبدالله مهمة التوكيل الأولى هى :
1- توفير قطع الغيار بإستمرار و بنسبة لا تقل عن 90% لجميع قطع غيار السيارة.
2- إنتشار مراكز الصيانة التى تستوعب أعداد المبيعات إلتى حققها التوكيل .
3- حل مشاكل العملاء فى عيوب السيارة فى أسرع وقت.
4- عمل الصيانة الدورية للسيارة.

أين توكيل دايهاتسو فى المهام الرسمية للتوكيل !!!!!

مش علشان بيعملى الصيانة الدورية إللى أى مركز صيانة أو مياكانيكى ممكن يعملها فقط يبقى توكيل محترم

[أبو عبدالله]

يا أبو عبدالله هو الكلام على دايهاتسو يبقى بقف على الواحدة و على التوكيلات الأخرى يبقى عادى

ياباشا أنا مابفتريش على توكيل دايهاتسو و أظن كلام الملاك نفسهم فى الموضع خير دليل يبقى بلاش الدفاع الجامد دا على التوكيل و هو فيه فعلا عيوب فعلا و لازم نظهرها و نضعط على التوكيل علشان يحلها علشان يبقى تبقى محترم هو دا الحل مش ندور على ال‘ذار للتوكيل و فى الأخر المشاكل ما تتحلش

يا أبو عبدالله هو التوكيل لو موفرش قطع الغيار يبقى توكيل محترم فى نظرك !!!

يا أبو عبدالله مهمة التوكيل الأولى هى :
1- توفير قطع الغيار بإستمرار و بنسبة لا تقل عن 90% لجميع قطع غيار السيارة.
2- إنتشار مراكز الصيانة التى تستوعب أعداد المبيعات إلتى حققها التوكيل .
3- حل مشاكل العملاء فى عيوب السيارة فى أسرع وقت.
4- عمل الصيانة الدورية للسيارة.

أين توكيل دايهاتسو فى المهام الرسمية للتوكيل !!!!!

مش علشان بيعملى الصيانة الدورية إللى أى مركز صيانة أو مياكانيكى ممكن يعملها فقط يبقى توكيل محترم

يا احمد افهم كلامي انت نزلته الأرض علشان في ناس قالت انهم مش لاقيين قطع غيار للسيارة مش متوفره في الوقت الحالي

وعملت بنود لجودة التوكيل بالمقاس على دايهاتسو

أولا انا معرفش المقاييس اللي انت حطيطها دي منين ولكن عالعموم

رينو قبل توكيل العبور ما يفتح كانت مش كفاية لعدد العربيات ولما بتيجي تحجز بتاخد ميعاد بعدها بأسبوع او اتنين يعني البند الثاني

والبند الثالث انا ليا يجارب معاهم واكتر من 5 وست مرات ومش بيحلو المشكلة

يعني بندين طارو في توكيل رينوا هل ده معناه اني اقول هيبقى اسوأ توكيل

يعني هو نظام لا حلو لا اسوأ توكيل مفيش في النص
ومفيش توكيل كامل يعني
يعني اي توكيل هتلاقي في تقصير ولكن الفرق هل التقصير متعمد يعني هو بيقصد يتهرب منك علشان تخبط دماغك في الحيطه
ولا اظن ابدا ان توكيل دايهاتسو بيعمل كده خالص بل بالعكس
الراجل جديد في السوق وبيعمل لنفسه سوق وبعدين ماهواش داخل يكسب يعني من دايهاتسو بس

[Sharky]

يا احمد افهم كلامي انت نزلته الأرض علشان في ناس قالت انهم مش لاقيين قطع غيار للسيارة مش متوفره في الوقت الحالي

وعملت بنود لجودة التوكيل بالمقاس على دايهاتسو

أولا انا معرفش المقاييس اللي انت حطيطها دي منين ولكن عالعموم

رينو قبل توكيل العبور ما يفتح كانت مش كفاية لعدد العربيات ولما بتيجي تحجز بتاخد ميعاد بعدها بأسبوع او اتنين يعني البند الثاني

والبند الثالث انا ليا يجارب معاهم واكتر من 5 وست مرات ومش بيحلو المشكلة

يعني بندين طارو في توكيل رينوا هل ده معناه اني اقول هيبقى اسوأ توكيل

يعني هو نظام لا حلو لا اسوأ توكيل مفيش في النص
ومفيش توكيل كامل يعني
يعني اي توكيل هتلاقي في تقصير ولكن الفرق هل التقصير متعمد يعني هو بيقصد يتهرب منك علشان تخبط دماغك في الحيطه
ولا اظن ابدا ان توكيل دايهاتسو بيعمل كده خالص بل بالعكس
الراجل جديد في السوق وبيعمل لنفسه سوق وبعدين ماهواش داخل يكسب يعني من دايهاتسو بس

اولا بند مركز الصينة فى رينو متوفرة و الحمد لله بكثرة يعنى البند دا غير موجود فى رينو حاليا.

ثانيا تجربة فى حل المشكلة مع قريبك قلنا قبل كده حالة فردية و لا تقارن بحالة السيريون الجماعة حتى الان و رغم كده عربية قريبك شغالةحتى رغم مرور 5 سنوات على المشكلة !!!!

ثالثا : يعنى توكيل معندوش بندين طاورا حتى الان .

رابعا : انا قلت لو أستمر على الكلام دا حيبقى توكيل سئ معنى يستمر إنه مش فارقة معها الملاك و مش عايز يحل مشاكلهم يعنى كلامى واضح يا أبو عبدالله

خامسا: حتى الان ملاك دايهاتسو غير مقتنعين بمبراارت التوكيل دا معناه إيه ؟؟

سادسا: ممكن تحدد لينا ما هى أوليات ومهام التوكيل طالما إللى أنا حدده زى ما بتقول متفصفل على عيوب توكيل دايهاتسو

أخيرا مازال تعصبك لدايهاتسو الواضح بيعميك عن عيوب واضحة فى توكيل دايهاتسو ذكرها ملاك دايهاتسو و بدل ما نضغط عليهم علشان نحل المشاكل دى و يبقى من أحسن التوكيلات بتحاول تجيب لهم أعذار و نجادل فى موضوع مفروغ منه و مش هو دا إللى حيحل مشاكل التوكيل

[أبو عبدالله]

أخيرا مازال تعصبك لدايهاتسو الواضح بيعميك عن عيوب واضحة فى توكيل دايهاتسو ذكرها ملاك دايهاتسو و بدل ما نضغط عليهم علشان نحل المشاكل دى و يبقى من أحسن التوكيلات بتحاول تجيب لهم أعذار و نجادل فى موضوع مفروغ منه و مش هو دا إللى حيحل مشاكل التوكيل

يا راجل انا اللي تعصبي واضح للدايهاتسو

يا راجل على الأقل العربيه مش مسمع انها صاحبة مشاكل وانا بحاول ادافع عنها حتى لو كل الناس قالت عليها أنها لها عيوب

انا لا اجد لأحد اعذار وانما بلاش الواحد يتكلم من وجهة نظرة الشخصية ولا يرى الأمور بصورة صحيحة ويتكلم
المشكلة بتاعت السيريون لو انت عرفت حقيقتها هتعرف انا بتكلم على ايه
وهيا دي المشكلة ان في فرق انك تبقى عارف انت بتتكلم على ايه
ولما تتكلم على شئ معندش فكره عنه

فلازم اعطي عذر للوكيل لأن المشكلة ليست كما تراها انت

وصدقني انا لا اتعصب لماركه الا بالحق
يعني يوم ما دايهاتسو تعمل معايا اي موقف زي العربيات الفرنساوي كده ما بتعمل مع اصحابها هبيعها من الصبح

وبعدين عمر ما الواحد يتعصب الا لمصلحته ده اللي انا اعرفه
يعني انا روحت اشتريت كورولا مستعمله 2006 بــ 96 الف جنيه
وكان ممكن اشتري ميجان مستعمل واستعمال نظيف كمان
ومع ذلك ده من التعصب مع الفرق في السي سي كمان

متهيألي يبقى انا بقه عندي تعصب متخلف كمان

فالمسألة مش تخلف يعني
المسألة اني مجرب وشايف امامي وبعيني

فمش معقولة هكدب عيني والناس اللي امامي ومجربين

يعني لما يبقى امامي عربيه اطحنت

حضرتك والله لو صورتلك منظر الكليو هتعرف انا بتكلم في اي واللي ينقط انه اتصرف عليها بالهبل وبرضه مفيش فايده

وتقولي 5 سنين

يا اخي روح شوف الكورولات بتاعت التسعينات عامله ازاي وبعدين قولي 5 سنين

وفي النهاية العربيه مش هتتباع بنص تمنها بعد كله ده

[Sharky]

كلام مكرر و يعيبه عدم الصحة و إتخاذ مشكلة واحدة و تعميمها و تم الرد عليه قبل كده كذا مرة

[أبو عبدالله]

كلام مكرر و يعيبه عدم الصحة و إتخاذ مشكلة واحدة و تعميمها و تم الرد عليه قبل كده كذا مرة

المصصداقية دي بالنسبة لك لأنك مش قادر تصدق احد
ولا كلامي ولا كلام احد تاني

وده رايي الشخصي لتجاربي انا
وهيا ليست مشكلة واحده وتعميم لها وانما حالات متفرقه متكرره لنفس المشاكل والعيوب

بس شيل انت النظارة وانت تشوف بس

انا بتكلم والحمد لله على علم وبينه وليس كلام مسموع

يعني انا مستنشي حد يجي في المنتدي يقول في مشكلة في العربيه
وانا اخدت كلام وهولت عليه
انما انا بتكلم عن تجارب شخصيه وحاجات شوفتها بعني
وسبق وقولتلك مش كل مشكلة تسمعها تبقى صحيحه من وجهة نظر قائلها
وسبق وقولتلك انت شوف الورش اللي بتشتغل في الفرنساوي وشوف العربيات اللي بتجيلهم بيشتكو من ايه

يا راجل كام بيجو اتغيرلها كمبيوتر كامل مقارنة بباقي السيارات في مصر

وفي الاخر تقولي عدم صحة وتغلطني اكن بحلم بكلام واقوم اقوله

وعالعموم الأيام بيننا ان شاء الله

[Ahmed Anwer]

أنا ممكن اقول رأيي بعد اذنكم

و يا رب مايضايقشي حد

معروف ان فيه قطع غيار ممكن تكون مش موجودة حتي في اكبر التوكيلات

القطع اللي استهلاكها قليل جدا و مش طبيعي تغييرها

و صعب ان اي توكيل يوفر قطع الغيار بنسبة 100% لكل موديل

لكن معروف ان اي عربية بتنزل لازم التوكيل يهتم بنزول قطع الغيار الداخلية المستهلكه

و قطع الغيار الخارجية زي الصاج و الفوانيس و الاكصطدامات و كده

و دي بتكون اهم حاجتين يجب توافرهم في قطع الغيار لأي موديل

لأنهم الأكثر احتمال للتغيير في عمر العربية في اول فترة

فبالتالي لو بتكلموا علي زجاج و صاج و فوانيس

يبقي عيب اوي علي التوكيل انه مش موفرهم دي حاجات اساسية عرضة للتغيير

في اي وقت

[Sharky]

المصصداقية دي بالنسبة لك لأنك مش قادر تصدق احد
ولا كلامي ولا كلام احد تاني

وده رايي الشخصي لتجاربي انا
وهيا ليست مشكلة واحده وتعميم لها وانما حالات متفرقه متكرره لنفس المشاكل والعيوب

بس شيل انت النظارة وانت تشوف بس

انا بتكلم والحمد لله على علم وبينه وليس كلام مسموع

يعني انا مستنشي حد يجي في المنتدي يقول في مشكلة في العربيه
وانا اخدت كلام وهولت عليه
انما انا بتكلم عن تجارب شخصيه وحاجات شوفتها بعني
وسبق وقولتلك مش كل مشكلة تسمعها تبقى صحيحه من وجهة نظر قائلها
وسبق وقولتلك انت شوف الورش اللي بتشتغل في الفرنساوي وشوف العربيات اللي بتجيلهم بيشتكو من ايه

يا راجل كام بيجو اتغيرلها كمبيوتر كامل مقارنة بباقي السيارات في مصر

وفي الاخر تقولي عدم صحة وتغلطني اكن بحلم بكلام واقوم اقوله

وعالعموم الأيام بيننا ان شاء الله

حرجع و أقول حاجة بسيطة بدون رغى و جدال على الفاضى أنا بقول على رينو فقط مش على كل الفرنساوى لعدم تجربتى للباقى و طالما مجربتش حاجة لفترة طويلة او أعرف العديد من ملاكها يبقى مقدرش احكم عليها

و أظن ملاك رينو إللى نفوا كلامك عن عيوب لسيارتهم أصدق دليل على كلامى إللى لحد دلوقتى إنت مش عايز تصدقوا و مصصم تجيب حالة فردية و تعممها رغم إن قريبك بقالوا 5 سنوات بيعانى من العربية و صرف عليها فوق 30 الف جم و رغم كده مازال مقتنع بيها !!!