بطاريه تيريوس

[iahamza]

السلام عليكم
حاسس ان انوار العربيه ضعيفه شويه - العربيه موديل 2010 عامله 60 الف كيلو
مش عارف اغير البطاريه بره ولا ممكن تتغير في التوكيل مجانا - البطاريه عاديه مش جافه.
أفيدونى......

[أبو عبدالله]

الأنوار ضعيفة مالوش علاقة بالبطارية
البطارية لما تتضعف العربية مش هتشتغل وبس
الانوار بتبقى محملة على الدينامو بتاع العربيه
عموما البطارية بتتغير من اي حته مش لازم التوكيل المهم تبقى نفس الحجم والسعة بتاعت الأصلي ويكون نوع نظيف عندك فارتا الالماني او AC delco

[iahamza]

ألف شكر يا ابو عبدالله
انا كنت متخيل انها ممكن تتغير في الضمان

[mhamed70]

في بطاريات أسمها هانكوك كالسيوم بلس (hankook C+ battery 19r34) وبالتجربة معايا من 2010 في التيريوس والسكودا ممتازة أقل واحدة عمرآ معايا فضلت سنة و8 شهور - لما شوفتها في معرض فورميلا الأهرام 2010 أول مرة وجربتها معاهم على التونجر وكشافات ضباب 100 وات لمدة 35 دقيقة بصراحة تحفة - وهي جافة تمامآ - وسعرها حوالي 340جنية ال35أمبير

[Imhotep]

في بطاريات أسمها هانكوك كالسيوم بلس (hankook c+ battery 19r34) وبالتجربة معايا من 2010 في التيريوس والسكودا ممتازة أقل واحدة عمرآ معايا فضلت سنة و8 شهور - لما شوفتها في معرض فورميلا الأهرام 2010 أول مرة وجربتها معاهم على التونجر وكشافات ضباب 100 وات لمدة 35 دقيقة بصراحة تحفة - وهي جافة تمامآ - وسعرها حوالي 340جنية ال35أمبير

هى التيريوس ممكن يتحطلها بطارية 35 امبير؟

[mhamed70]

البطارية بتاعتها أصلآ 34 أمبير والرقم الكودي بتاعها 34r19

[khaledelian]

البطارية بتاعتها أصلآ 34 أمبير والرقم الكودي بتاعها 34r19

حط بطارية 55 امبير
اخد القديمة وتاخد الجديدة جافة ضمان عام وتدفع فرق 220ج

والسلام عليكم ورحمة الله وبركاته

[Land_Cruiser]

السلام عليكم
حاسس ان انوار العربيه ضعيفه شويه - العربيه موديل 2010 عامله 60 الف كيلو
مش عارف اغير البطاريه بره ولا ممكن تتغير في التوكيل مجانا - البطاريه عاديه مش جافه.
أفيدونى......

لو البطاريه ضعيفه هتلاقي من الاعراض المعروفه انها بتغيب فى الدواره الصبح او هتلاقى صوت الكلاكس بقى ضعيف عن الطبيعى و يستحسن تكشف عليها عند بتاع بطاريات الاول قبل اتخاذ قرار تغييرها لانها ممكن تكون محتاجه تتزود مياه و خلاص او فيها مشكله او العيب مش منها .لو طلعت فيها مشكله فعلا غيرها بره يا فندم علشان تقدر تجيب النوع اللى حضرتك عايزة و كمان سعر التوكيل هيبقى اغلى و مش هتتغير فى الضمان . اهم حاجه ان حضرتك تجيبها نفس الامبير بتاع القديمه او اعلى حاجه بسيطه علشان ما تعملش حمل زياده على الدينامو و بالتوفيق

[Imhotep]

البطارية بتاعتها أصلآ 34 أمبير والرقم الكودي بتاعها 34r19

و انا اللى كنت زعلان لما جيت احط بطارية 45 ملقيتش روحت حاطط 40..... اتارى دى حتى ال 40 فل اوى..... هايل و الله التيريوس موفرة حتى فى سعة البطارية :)