سعر ديهاتسو تيريوس وجراند تيريوس 2013

[وائل الجندي]

السلام عليكم
ممكن يا شباب حد يقولنا كم أسعار تيريوس وجراند تيريوس 2013 بعد زيادة الدولار في مصر
وأيه رأيكم في السيارة بصفة عامة وأيه أهم عيوبها ومميزاتها وهل هي أفضل أم الكيا سول
وهل في حد نزلها من الخليج ولو في حد نزلها ياريت يقولنا الجمارك بتاعتها كانت كام ويحكي لنا عمل أيه مع الجمارك المصرية
بانتظار ردودكم القيمة وخصوصا ملاك تيريوس

[وائل الجندي]

أيه يا جماعة 18 واحد شاهدو الموضوع ولا واحد رد ولا عنده فكرة عن العربية ولا على أسعارها

[Mohab555]

بص يا باشا انا معايا التريوس العربية 2012 الفئة الى قبل التوب لاين و بقولك وفر فلوسك والله عربية خساره فيها الفلوس والله و ندمان كل يوم انى اشتريتها !!!! نصيحة توكل على الله و هات سول .. عرربية كويسة و محدش اشتكا منها

[وائل الجندي]

ليه بس يا مهاب هي وحشه قوي كدة متقولنا عيوبها طيب
أنا صراحة ركبتها من جوه سيارة متواضعة قوي من الداخل

[Mohamed.Muslim]

جرب و اقعد فى التيريوس و الكارينز و السول حتلاقى فرق شاسع بين التيريوس من ناحية و الكارينز و السول م ناحية تانية , تابلوه التيريوس عادى جدا مفهوش اى ابداع و التابلوه واقف كده مفهوش ميل من تحت , على عكي تابلوه الكارينز والسول فيه فخامة , وكمان السول و الكارينز اوسع من التيريوس و التيريوس عالية بس مش عريضة فده مش بيديها ثبات زى الكارينز و السول ومتنساش ان فتيس التيريوس اوتوماتيك عادى - الاوفر درايف ده مش بعتبره مفيد نهائى كله فكرته انه بيحبس الفتيس على التالت عشان يديك عزم - لكن الكارينز و السول اتوماتيك ستيب ترونيك يعنى اوتوماتيك و مانيوال فى فتيس واحد

[وائل الجندي]

أنا عجبتني السول أكتر من التيريوس بكتير
بس هي التيريوس أسعارها الجديدة بعد الدولار بكام والسول بكم ياريت لو حد يعرف يقولنا

[engabdelazem]

متابع

[وائل الجندي]

فينكم يا رجالة

[هانى سمير]

اولا الكارينز :
عربية تقيلة على الماتور
معاك انها اوسع وشياكا من جوة بس
ماتور كيا مش يابانى
وغالبا لو محمله ومشغل التكييف هتسوق بطة
واحنا كنا بنذود الكارنز ببوجيهات معينه وبنعمل شوية سرفسة فى الماتور عشان السحب
والعربية بعد ال120 خفيفة بردة وجرب وانت تحكم
ومتنساش ان شكوة ملاك الكارينز ان الاكصدام الامامى واااطى ودة عيب جوهرى جامد يتعملة ألف حساب
أما كيا سول معنديش فكرة عن سواقتها ولكن هى مش اوسع من التريوس بالتاكيد

[Mohab555]

ليه بس يا مهاب هي وحشه قوي كدة متقولنا عيوبها طيب
أنا صراحة ركبتها من جوه سيارة متواضعة قوي من الداخل

بص يا سيدى العيوب :

1- ثبات معدوم بمعنى الكلمة راكب عربيه جلاتى

2- صوت موتور هيحسسك انك بتركب جرار زراعى

3- سحب وحش و هتستخدم الاوفر درايف كتير فى السواقه

حرام تدفع 144 الف فى عربية تعبانه و تبلوه فقير جدا .... الكازنز ب 140 الف و برقبت ابوها والله
و السول نفس الكلام جميله و ب 145 الفئة الهاى لاين .... و لو مش عاوز عربيه عائلية فكر فى الكيا ريو ...

[هانى سمير]

اولا : مع احترامىللسول بس متنساش أن السول ليست دفع رباعى
حريقة بنزين بشهادة كل ملاكها عشان دواسة البنزين الكهربا
العزللل سئ سئ تكاد تستمع لصوت العجلات واحتكاكها على الطريق وكأنك راكب لانوس
شنطة السول صغيرة فلا تعتبر سيارات عائلية
ثبات أقل من السيراتو وأحسن نسبيا من التريوس الحديث
أقل فى الارتفاع من التريوس ووش السيارة منخفض وان كان احسن من الكارينز
ولا تنسى انها كورررررررى مش يبانى يعنى ممكن تعمل دقات نقص فى اى وقت وليست مواتير اعتمادية

[memo700]

بسم الله

احب اقولك على تجربتى المتواضعه للتيريوس
اولا هى سياره غير ثابته على الطريق لمن اعتادو سواقه سياره سيدان ولكن بعد التعود عليها هتعرف تجرى بيها لو عايز
اولا هى سياره يابانى الصراحه بتستحمل جامد جدا للطرق والمسافات الطويله
قطع الغيار عن تجربه معمره
ماتور عزمه حلو لكن سرعه التسارع سيئه مقارنه بالسيارات السيدان عموما
صوت الموتور عالى واعتقد بسبب انها دفع خلفى والكاتينه جنزير
متقارنهاش بالكيا لانها سيئه جدا
لان ليا زمايلى معاهم كيا ريو وسيئه جدا
فعلا سريعه لكن غير ثابته الى حد ما مكونات السياره سيئه
فيها امكانيات حلوه لكن مش معمره
من رأيي شوفلك سياره تيوتا احسن

[هانى سمير]

اعذرنى انت بتتكلم عن التريوس القديم ولا تريوس 2