سؤال بخصوص شراء سيارة تيريوس حديثة

[يوسف اليطل]

بعد السلام عليكم امتلك سيارة نيسان صني موديل 2003 و اود شراء تيريوس موديل (فوق 2010 ) اود ان اسأل بخصوص قطع غيارها الاصلية في التوكيل و خارجة واسعار صيانتها في التوكيل والاهم : استفسر من مستخدميها عن ثبات هذا الموديل على الطريق على السرعات العالية ولكم جزيل الشكر

[Mohab555]

بلاش التريوس خالص عن تجربه مريره
ثبات وحش جدا جدا جدا فوق ال 90

[Imhotep]

لو سرعات عالية و شد و حرق و الكلام ده يبقى ابعد عن التيريوس..... التيريوس سيارة عائلية عالية عن الارض عفشتها قوية تستحمل شوارعنا لكنها ليست الافضل فى الشد و الحرق و الكلام ده..... بالنسبة للثبات هى كويسة لغاية 120 و بعد كده بيأثر عليها الارتفاع عن الارض زى كل العربيبات العالية رغم انها عادى جدا على 160 على طريق السخنة مثلا...... التوكيل جيد و الاسعار زيها زى الجديد كله

[MohssenRashed]

طبعا انا مش هزود على كلام اللاعضاء بس التيريوس مش بتاعت شد و حرق بس الثبات مش وحش اوي كدة المشكلة في ال Feel of Speed بتاعها عالي عشان كده تحس ان ثباتها وحش.

[هانى سمير]

اولا انت عاوز الجراند 7 راكب
ولا تريوس 5
طيب قبل الشراء لو كنت ناوى على تريوس
لازم يكون عندك فرامل abs ومعرفش فى الجديد بعد 2009 وجود abs إلا فى vxr
وعمليه عدم الثبات واضحة نسبيا فى 7 راكب
ولكن
هى سيارة عائلية يعتمد عليها فى السفريات البعيدة مواتير اعتمادية كحال اليبانى
عفشة قوية
لا تخاف مع تلك السيارة من مطبات مهما كانت او رمال او وحل او صخور ودبش
وحين تمطتى هذا الجواد اليبانى وتقفز من فوق المطبات والدبش وتسمع كحتات وصرخات عفشة السيارات السيدان مهما كانت فسوف تبتسم وتشعر بالفخر والقوة
كما اننى اود ان اعلمك بان عفشة 4*4 فى هذه السيارة عفشة قاسية وقوية وحماله إلى ابعد مدى
وناهيك انها قد تخلواااااااااا من العيوب او الاعطال ولذلك دوما يقولون قسم الديهاتسواا دائما نائم
ينتظر من يخبرنا عن مشكلة كالبحث عن ابرة فى كومة المركات الاخرى
ولكـــــــــــــــــــــــــــــــن
هذه السيارة لا تصلح للغرز أو السحب
وذلك لان 4*4 أو نظام الاوفر دريف شغاااال دوما فى هذه السيارة مما يحملة من مميزات سبق وان خضنا فيها كثيرا وذلك على حساب التسارع والسحب
ولكــــــــــــن
ابشر فأن هذا المارد ( ماتور التريوس ) فأن الانطلاق من النقلات الاعلى وحش ومندفع فى الطريق
انا معى 2008 فول اوبشن هاى لاين أعلى فئة
غالبا اسوق فوق 100 دوما ولا اشعر بالقلق من هذه السيارة طالما ان تحكمك مبنى من ثقه وخبرة فلا تخاف السرعات العالية طالما ان الغرز على المفتوح
أما الشعور بعدم الثبات فذلك شعور وهمى وذلك للأسباب الاتية
أن السيارات منى فان أو الدفع الرباعى العالية هى تعتمد على عفشة قوية بمقاييس معينه ولكن يعيبها انها لا تنقل لك الشعور بالطريق ومدى امكانياتها مما يشعرك بعدم الثبات ونشبه هذه الحالة كما لو انك مثبت قطعه خشب فى الارض فأن طرفها الاعلى غير ثابت ويمكن لأى حركة ضعيفة ان ترنح قطعه الخشب يمينا ويسارا ولكن هى فى حقيقة الامر ثابته
أذا الشعور بعدم الثبات ناتج من الارتفاع وهو شعور وهمى
ولكــــــــــــــــــــــــن
يحظر الدوران على السرعات العالية بهذه السيارات إلا على سرعه لا تتخطى 60 وذلك من عيوب الارتفاع ( حسبة ثبات المحور مع الاندفاع مع الارتفاع للبعد عن النقطة الحرجة )
وعلى فكرة انا جربت كثير من السيارات
كل السيارات سيراتو والالنترا والكارنز واللنسر البومة 1600 كلها تتفاوت فى الثبات من 120 . 140 فكلهن سواء إلا بعض السيارات التى صممت للسحب والغروزة وهى ليست محل نقاش او مقارنات
فعليك ان تعرف ماذا انت تريد
سيارات دفع رباعى وليست للسحب أو الغرز أو السرعات
سيارات شبابية صممت لهذا الغرض السرعات والسحب والغرز
أو سيارات ذات رفاهية وتتأرجح بين ذلك وتلك كما ذكرنا من قبل ولك الاختيار
وحاول ان تراعى المنطقة التى تقطن فيها هل يكثر بها المطبات او الا
وانا جربت التريوس فى الوحل منطقه لا يمكن ان تعبر فيها سيارة واثار الغرز وسحب السيارات مرسومه على اعماق الوحل والكل صرخ ومنعنى من العبور وناهيك من الغرز فى الوحل العميق فلا مسعف سوى الجرارات
وتوكلت على الله
وعبرت فى سلاسة والكل مندهش
وقلت إلا تندهش أنها التريوس
,

[يوسف اليطل]

اولا انت عاوز الجراند 7 راكب
ولا تريوس 5
طيب قبل الشراء لو كنت ناوى على تريوس
لازم يكون عندك فرامل abs ومعرفش فى الجديد بعد 2009 وجود abs إلا فى vxr
وعمليه عدم الثبات واضحة نسبيا فى 7 راكب
ولكن
هى سيارة عائلية يعتمد عليها فى السفريات البعيدة مواتير اعتمادية كحال اليبانى
عفشة قوية
لا تخاف مع تلك السيارة من مطبات مهما كانت او رمال او وحل او صخور ودبش
وحين تمطتى هذا الجواد اليبانى وتقفز من فوق المطبات والدبش وتسمع كحتات وصرخات عفشة السيارات السيدان مهما كانت فسوف تبتسم وتشعر بالفخر والقوة
كما اننى اود ان اعلمك بان عفشة 4*4 فى هذه السيارة عفشة قاسية وقوية وحماله إلى ابعد مدى
وناهيك انها قد تخلواااااااااا من العيوب او الاعطال ولذلك دوما يقولون قسم الديهاتسواا دائما نائم
ينتظر من يخبرنا عن مشكلة كالبحث عن ابرة فى كومة المركات الاخرى
ولكـــــــــــــــــــــــــــــــن
هذه السيارة لا تصلح للغرز أو السحب
وذلك لان 4*4 أو نظام الاوفر دريف شغاااال دوما فى هذه السيارة مما يحملة من مميزات سبق وان خضنا فيها كثيرا وذلك على حساب التسارع والسحب
ولكــــــــــــن
ابشر فأن هذا المارد ( ماتور التريوس ) فأن الانطلاق من النقلات الاعلى وحش ومندفع فى الطريق
انا معى 2008 فول اوبشن هاى لاين أعلى فئة
غالبا اسوق فوق 100 دوما ولا اشعر بالقلق من هذه السيارة طالما ان تحكمك مبنى من ثقه وخبرة فلا تخاف السرعات العالية طالما ان الغرز على المفتوح
أما الشعور بعدم الثبات فذلك شعور وهمى وذلك للأسباب الاتية
أن السيارات منى فان أو الدفع الرباعى العالية هى تعتمد على عفشة قوية بمقاييس معينه ولكن يعيبها انها لا تنقل لك الشعور بالطريق ومدى امكانياتها مما يشعرك بعدم الثبات ونشبه هذه الحالة كما لو انك مثبت قطعه خشب فى الارض فأن طرفها الاعلى غير ثابت ويمكن لأى حركة ضعيفة ان ترنح قطعه الخشب يمينا ويسارا ولكن هى فى حقيقة الامر ثابته
أذا الشعور بعدم الثبات ناتج من الارتفاع وهو شعور وهمى
ولكــــــــــــــــــــــــن
يحظر الدوران على السرعات العالية بهذه السيارات إلا على سرعه لا تتخطى 60 وذلك من عيوب الارتفاع ( حسبة ثبات المحور مع الاندفاع مع الارتفاع للبعد عن النقطة الحرجة )
وعلى فكرة انا جربت كثير من السيارات
كل السيارات سيراتو والالنترا والكارنز واللنسر البومة 1600 كلها تتفاوت فى الثبات من 120 . 140 فكلهن سواء إلا بعض السيارات التى صممت للسحب والغروزة وهى ليست محل نقاش او مقارنات
فعليك ان تعرف ماذا انت تريد
سيارات دفع رباعى وليست للسحب أو الغرز أو السرعات
سيارات شبابية صممت لهذا الغرض السرعات والسحب والغرز
أو سيارات ذات رفاهية وتتأرجح بين ذلك وتلك كما ذكرنا من قبل ولك الاختيار
وحاول ان تراعى المنطقة التى تقطن فيها هل يكثر بها المطبات او الا
وانا جربت التريوس فى الوحل منطقه لا يمكن ان تعبر فيها سيارة واثار الغرز وسحب السيارات مرسومه على اعماق الوحل والكل صرخ ومنعنى من العبور وناهيك من الغرز فى الوحل العميق فلا مسعف سوى الجرارات
وتوكلت على الله
وعبرت فى سلاسة والكل مندهش
وقلت إلا تندهش أنها التريوس
,

اشكرك يا استاذ هاني سمير ولكن انا اريد ال 5راكب واود السؤال بخصوص فرق 4*4 او 4*2 بالنسبة لاستهلاك البنزين علما بسكني في الهرم وعدم حاجتي لاستخدامي للطرق الرملية او الطينية ولكن استخدم الطرق الصحراوية المعبدة للسفر وايه اخبار قطع الغيار الاصلية في التوكيل وقطع غيار الاستيراد

[هانى سمير]

اولا الفرق 4*4 هو فرق فى خامات العفشة وقوتها عن 2
غير زيادة كارونة الغرز الامامية
لأن التيريوس عموما جر خلفى
استهلاك الينزين يكاد يكون متقارب وليس بفرق شاسع بين الاثنين
ولكن ال4*4 هناك سنه تباطئ عن 2*4 غير ملحوظة إلا مع المتمرس
قطع الغيار متوافرة داخل وخارج التوكيل
ولا تنسى ان هذه السيارة صممت للصيانة الدورية بعيدة الاجل حرصا على المال والوقت واعطالها قليلة كدأب اليبانى ،، وزيها زى السيارات الحديثة الاسعار متقاربة وفى متناول الايدى والمغشوش منها قليل جدااااا
هى 4*4 تصلح للطرق المعبدة وبعد ذلك انك ممكن تسافر بيها على السواحل وهتنفعك خاصية 4*4
وهو ابشن مهم فى السيارة عند اعادة البيع مع absالذى لا اتخيل هذه السيارة بدونه

[يوسف اليطل]

شكرا على الرد و اود ان اسأل بخصوص اسعار المستعمل منها (5 راكب) بشرط الحالة الممتازة وايه احسن فرع للتوكيل يمكن فحص السيارة فيه

[هانى سمير]

بس انا هكلمك ذبخصوص موديل 2007؛ 2008؛2009
لو حاله فبريكة برة وجوة ممكن من 92 حتى 105
واحسن مكان اما بنزينة شل الحى العاشر او اول الهرم
ولو التوكيل خليك فى ابووو رواش او العبور

[the_bird5]

ممكن رقم تليفونك ا/ يوسف

[waleedrahmy]

انا باضم صوتي الي ا/يوسف
وعايزين نعرف تفاصيل اكثر
لاني
انا الاخر بافكر في هذه السيارة وامامي تريوس مو2007 2*4اتوماتيك وجنوط اسبور ماشية 55ألف وبوية شركة بره وجوه ما عدا الاكصدام ومطلوب فيها 85ألف
وخايف من قطع غيارها وسعر اعادة بيعها وثباتها
وهل هي صالونها واسع يا خذ 5 افراد بالغين مرتاحين
مع العلم اني زهقت من المطبات ومقيم بالارياف وامتلك شيفورليه لانوس
ولكم خالص تحياتي

[هانى سمير]

اولا :- العربية اتغيرت عن الفرجن القديم
وأصبح الثبات كويس ، قطع الغيار الاكسسورات ذيها ذى الجديد متقاربة ولكن لا تقارن بالشعبى ذى الكيا والهيونداى
ولا تنسى انها سيارة اعتمادية عفشه قوية جداااا على المطبات والوحل والمنخفضات وانسى موضوع الكحتات والخوف من ارتفاع اى مطب او الرمال أو الغرز
ثانيا : صالونها اوسع من القديم بكتير وياخد خمس افراد مرتاحين وطفل فوق البيعه
واعادة البيع فى الفرجن الجديد ماسك نفسة دة حتى القديم جايب سعر بردة
بس النصيحة طالما انت فى الارياف دور على 4*4 ثبات اعلى على الوحل والمدقات والطرق الترابية وعزم اشد لان العفشة مختلفة واقوى من 2*4
وبردة كلة راجع لإستخدامك
وخد بالك الكاتينة فيها حديد مش جلد يعنى اطمان
وبردة لازم تكون فرامل abs ,اير باج ودول عدم وجودهم بينزل السعر ومرايات كهربا ولا عادة وغطاء الاستيبن جلد ولا فبر ولا اية وكاسيت الفبريكا ولا متغير وفى حجات كتير ركز فيها وشوف اية ناقص من الابشن دة عشان متتظلمش فى السعر وتكون ناقصة وحاله التكييف

[waleedrahmy]

اولا :- العربية اتغيرت عن الفرجن القديم
وأصبح الثبات كويس ، قطع الغيار الاكسسورات ذيها ذى الجديد متقاربة ولكن لا تقارن بالشعبى ذى الكيا والهيونداى
ولا تنسى انها سيارة اعتمادية عفشه قوية جداااا على المطبات والوحل والمنخفضات وانسى موضوع الكحتات والخوف من ارتفاع اى مطب او الرمال أو الغرز
ثانيا : صالونها اوسع من القديم بكتير وياخد خمس افراد مرتاحين وطفل فوق البيعه
واعادة البيع فى الفرجن الجديد ماسك نفسة دة حتى القديم جايب سعر بردة
بس النصيحة طالما انت فى الارياف دور على 4*4 ثبات اعلى على الوحل والمدقات والطرق الترابية وعزم اشد لان العفشة مختلفة واقوى من 2*4
وبردة كلة راجع لإستخدامك
وخد بالك الكاتينة فيها حديد مش جلد يعنى اطمان
وبردة لازم تكون فرامل abs ,اير باج ودول عدم وجودهم بينزل السعر ومرايات كهربا ولا عادة وغطاء الاستيبن جلد ولا فبر ولا اية وكاسيت الفبريكا ولا متغير وفى حجات كتير ركز فيها وشوف اية ناقص من الابشن دة عشان متتظلمش فى السعر وتكون ناقصة وحاله التكييف

ماتحرمش من حضرتك يا هاني باشا
العربية ملك بنت عمي وهي 2 يد بعد المالك الاول
وبدون كفر للاستبن والاستبن لم يلمس الارض وهي اتوماتيك الفئة ال قبل البلاتنيوم وكاسيتها الاصلي راكب
وياريت حضرتك لو ظهرت امامك تريوس 4*4 تقولي
وانا فعلا ميال بنسبة كبيرة ليها لاني لااحب الاسبرانزا التيجو
وانا اشكر سيادتك علي المشورة والنصيحة

[هانى سمير]

لو قدامى حاله حلوة مش هخبى بس العربية اللى حالتها حلوة صعب حد يفرط فيها وبتيجى بالصدفة وبعد لف كتير ولكن طالما انت ضامن السيارة اللى قدامك توكل على الله بس هى فيها abs ولا لأ

[waleedrahmy]

لو قدامى حاله حلوة مش هخبى بس العربية اللى حالتها حلوة صعب حد يفرط فيها وبتيجى بالصدفة وبعد لف كتير ولكن طالما انت ضامن السيارة اللى قدامك توكل على الله بس هى فيها abs ولا لأ

شكرا لمعاونتك هاني باشا
انا مش متاكد العربية فيها absولا لا
والعربية حالتها فوق الممتازة وليها جراج واخ مخصوص ليها واخر دلع
وانا منتظر السيارة دي بقالي سنة .......