إعـــــــلان

Collapse

.

,
See more
See less

مش المنطقي توكيل ديهاتسو يعيد حساباته بخصوص الشاريد؟؟

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    مش المنطقي توكيل ديهاتسو يعيد حساباته بخصوص الشاريد؟؟

    ملحوظة لفتت انتباهي




    بعد نجاح الهيونداي آي 10 ، و استمرار نجاح البيكانتو




    مش المفروض توكيل ديهاتسو يراجع نفسه ؟؟



    و ينزل الشاريد ،،



    السيارة مازالت موجودة في مواقع ديهاتسو



    و التجربة اثبتت



    ان شريحة كبيرة من المستهلكين



    مازالت تفضل السيارة الصغيرة الإقتصادية



    حتي لو بسعر كتير شايفينه مبالغ فيه زي منافسينها



    يعني لو الفكرة ان السيريون تؤدي الدور ده



    فالاتنين مش نفس الفئة



    و معتقدشي ان سعرهم هيكون قريب



    اعتقد علي الأقل فرق عشرتلاف جنية



    و ده يخليها منافس رهيب



    خاصة انها مدعومة بتاريخ و سمعة عريقة في مصر من الثمانيانات



    قبل أيا من منافسيها حتي ما يظهروا



    دي صور الديهاتسو الشاريد الجديدة



    من موضوع قديم لاخونا ابو عبد الله




































    أعتقد ان توكيل ديهاتسو حسبها غلط لما اوقفها



    و خسر جواد رابح :nerd:
    الكلمات الدلالية (Tags): 1500, 20, 2007, 50, engine, font, i10, rpm, استهلاك البنزين, اسعار, البنزين, التوكيل, الجديدة, الشاريد؟؟, الفئة, المنطقي, بخصوص, بدون, بيع, بيكانتو, توكيل, توكيل تويوتا, توكيل دايهاتسو, تويوتا, حساباته, خاص, دايهاتسو, ديهاتسو, ريو, سريون, سعر, سيارة, سير, سيريون, شار, شاريد, صور, صيانة, عربية, عميل, عن, غيار, فئة, فرق, في, قطع, قطع غيار, كورولا, كيا, لانسر, مراكز, مراكز صيانة, مش, مصر, مع, معلومات, مقارنة, من, ميتسوبيشي, هاتشباك, هل, هي, هيونداي, وكيل, يعدي, يهاتسو
  • #2
    عربيه شيك فعلا ولو نزلت بالفرق المتوقع دا حتبقي قنبله
    ايه يعني لما ادفع 5 او 6 الاف فوق البيكانتو مثلا و اركب عربيه ياباني و محترمه .
    بس بصراحه اكتر حاجه عجبتني فيها يا احمد بيه انها ما فيهاش منبه هههههههه

    Comment

    • #3
      ميني سريون ....حلوة فعلا ..ألف شكر يا باشا
      و فعلا كتير من التوكيلات في المحروسة مفروض تراجع سياستها في اختيار ال-lineup
      [CENTER] [/CENTER]

      Comment

      • #4
        فعلا صغيرة و محندقة و أمورة خالص :)

        بس هو يمكن عشان التوكيل كان لاقي صعوبة في بيع السيريون أول ما نزلت على أساس انها هاتشباك صغيرة و ما تستحقش تمنها، و فين و فييييييييييين على ما الناس اقتنعت ان كونها هاتشباك بشنطة مش كبيرة دي حاجة و والوسع الداخلي دي حاجة تانية و مؤخرا فقط بدأت السيريون تبيع كويس.

        يمكن لما حسبوها لقوا انهم هايطلع عينهم في إقناع المستهلك المصري بدفع مبلغ كبير في عربية صغيرة نسبيا.. هذا و الله أعلم.

        Comment

        • #5
          السلام عليكم

          وكمان هايبقى منافس قوي لجودة وشياكة الخامات الداخلية ويكفي إنها عربية ياباني

          بس الأول يجب على التوكيل إنشاء مراكز صيانة متعددة لأنه لو نزل الشاريد بالفئة السعرية الخاصة بها مش هايلاحق فعلاً على كم الصيانات الدورية والمشاكل....شوفوا السيريون بسعرها إنتشرت إزاي.....و التوكيل مش ملاحق على الصيانات ...وشوفوا الـSpark والـI10 إنتشروا إزاي!....تخيلوا بقى الشاريد هاتعمل إيه؟؟
          [CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]

          Comment

          • #6
            فعلا كلامك مظبوط يا احمد حتى قبل نجاح البيكانتو والهيونداي حتى والموضوع واضح
            دي فئة مهمة دلوقتي في السوق
            والمفروض ان دايهاتسو في الأصل دي الفئة اللي هيا متخصصة فيها اصلا

            وانا على فكره نبهتهم في التوكيل اكتر من مره بس هما في الأول قالولي انهم مش عاوزين يزودوا اسعار علشان دايهاتسو مرتبط بسياسة السعر القليل
            فمش عاوزين يعمله سمعه لهم انهم غاليين

            بس انا من وجهة نظري البحته اني انا حاسس انهم هيعملوها مفاجأة ومش عاوزين السوق يكون عامل حسابة انهم هينزلو شاريد
            علشان ينزلوها بسعر منافس في حين ان باقي السيارات المنافسة سعرها زاد
            فده هيريحهم انهم مش هما اللي زودوا يعني

            والله اعلم
            [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
            [COLOR="Olive"]قال رسول الله صلى الله عليه وسلم :[/COLOR]
            [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

            Comment

            • #7
              بس يا ترى حتنزل 3 سلندر و لا 4 سلندر و كام سى سى ؟

              Comment

              • #8
                المشاركة الأصلية كتبت بواسطة hazem_khidr مشاهدة المشاركة
                عربيه شيك فعلا ولو نزلت بالفرق المتوقع دا حتبقي قنبله
                ايه يعني لما ادفع 5 او 6 الاف فوق البيكانتو مثلا و اركب عربيه ياباني و محترمه .
                المشاركة الأصلية كتبت بواسطة sharky مشاهدة المشاركة
                بس يا ترى حتنزل 3 سلندر و لا 4 سلندر و كام سى سى ؟
                حازم باشا ، شاركي باشا ،،

                أنا معنديش اي معلومات سواء عن احتمال النزول أو السعر ،،

                دي مجرد تخمينات

                المشاركة الأصلية كتبت بواسطة OlaOsman مشاهدة المشاركة
                يمكن لما حسبوها لقوا انهم هايطلع عينهم في إقناع المستهلك المصري بدفع مبلغ كبير في عربية صغيرة نسبيا.. هذا و الله أعلم.
                الشاريد من زمان في مصر

                و حتي من العربيات اللي ليها اسم و سعر في سوق المستعمل

                و ده الغريب انه المفروض يستغل ده مش يبني من جديد

                يعني تخيلي لو توكيل ميتسوبيشي قال هنبطل ننزل لانسر أو توكيل تويوتا قال هنبطل ننزل كورولا ؟؟


                المشاركة الأصلية كتبت بواسطة أبو عبدالله مشاهدة المشاركة
                فعلا كلامك مظبوط يا احمد حتى قبل نجاح البيكانتو والهيونداي حتى والموضوع واضح
                دي فئة مهمة دلوقتي في السوق
                والمفروض ان دايهاتسو في الأصل دي الفئة اللي هيا متخصصة فيها اصلا

                وانا على فكره نبهتهم في التوكيل اكتر من مره بس هما في الأول قالولي انهم مش عاوزين يزودوا اسعار علشان دايهاتسو مرتبط بسياسة السعر القليل
                فمش عاوزين يعمله سمعه لهم انهم غاليين

                بس انا من وجهة نظري البحته اني انا حاسس انهم هيعملوها مفاجأة ومش عاوزين السوق يكون عامل حسابة انهم هينزلو شاريد
                علشان ينزلوها بسعر منافس في حين ان باقي السيارات المنافسة سعرها زاد
                فده هيريحهم انهم مش هما اللي زودوا يعني

                والله اعلم
                يا ريت يكون توقعك صح يا ابو عبد الله ،،

                بجد خسارة ،،

                المفروض التوكيلات بتزود موديلات جديدة تخش بيها فئات جديدة

                مش تخرج من فئات كانت هيا الكنج فيها اساسا ،،

                و اظن كده مش محتاجين دليل علي ان احتمال نجاحها كبير بعد تجرية الآي 10 و البيكانتو

                Comment

                • #9
                  المشاركة الأصلية كتبت بواسطة sharky مشاهدة المشاركة
                  بس يا ترى حتنزل 3 سلندر و لا 4 سلندر و كام سى سى ؟
                  دي المواصفات الفنية للمحرك يا احمد

                  ENGINE

                  Type 1KR-FE
                  Bore/Stroke(mm) 71X84
                  Capacity (cm3) 998
                  Compression Ratio 10.5:1
                  Power KW @ RPM 51@6000

                  Power HP@ RPM 68.39@6000

                  Torque NM @RPM 94@3600
                  Fuel Supply EFI
                  Fuel Type Unleaded
                  [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                  [COLOR="Olive"]قال رسول الله صلى الله عليه وسلم :[/COLOR]
                  [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                  Comment

                  • #10
                    هى عربيه محترمه جدا جدا وفعلا دايهاتسو متخصصه اكثر من كيا او هيونداى فى الحجم ده وكمان يابانى مش كورى زى البيكانتو او هندى زى الهيونداى i10 يعنى لو نزلت بالشكل الجديد هتبقى الكينج بس يا ريت تكون 4 سلندر اصلى بحس 3 سلندر انها موتوسيكل او توك توك وطبعا هتكون تحفه فى استهلاك البنزين يعنى ممكن تعدى جنب محطه البنزين بس كأنها حطت بنزين
                    ramylancer سابقا

                    Comment

                    • #11
                      المشاركة الأصلية كتبت بواسطة أبو عبدالله مشاهدة المشاركة
                      دي المواصفات الفنية للمحرك يا احمد

                      ENGINE

                      Type 1KR-FE
                      Bore/Stroke(mm) 71X84
                      Capacity (cm3) 998
                      Compression Ratio 10.5:1
                      Power KW @ RPM 51@6000

                      Power HP@ RPM 68.39@6000

                      Torque NM @RPM 94@3600
                      Fuel Supply EFI
                      Fuel Type Unleaded
                      يبقى كده المفروض سعرها مايعديش 60 الف لإنها كده 1000 سى سى - 3 سلندر

                      Comment

                      • #12
                        المشاركة الأصلية كتبت بواسطة sharky مشاهدة المشاركة
                        يبقى كده المفروض سعرها مايعديش 60 الف لإنها كده 1000 سى سى - 3 سلندر
                        يا راجل هيا بتتقاس كده

                        ده ماتور 3 سلندر بيعطيك قوة المواتير 1100 سي سي كمان اللي موجوده في السوق مع توفير اكتر في البنزين
                        ده يعتبر تقليل من تمنه ولا زيادة فيه

                        مش كل حاجه بتتحسب بالعدد الاكتر

                        ليس من السهل انك تجمع بين حاجات كتير في حاجه معينه وان فعلت ذلك فده له تمنه

                        ثانيا العربيه واضح جدا شكل التابلوه وخامته وفرش العربيه
                        وده كله وعاوزها تبقى اقل من البيكانتو بــ كام الف كمان
                        يا راجل ده كلام برضه

                        ده القديمة كانت بــ 55 الف على الأسعار القديمة يعني قبل الزيادات
                        طيب الجديده دي بالشكل ده تبقى زياده 5 الفا بدون فرق سعر بين ايامها ودلوقتي

                        يعني مش للدرجه يعني
                        [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                        [COLOR="Olive"]قال رسول الله صلى الله عليه وسلم :[/COLOR]
                        [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                        Comment

                        • #13
                          المشاركة الأصلية كتبت بواسطة أبو عبدالله مشاهدة المشاركة
                          يا راجل هيا بتتقاس كده

                          ده ماتور 3 سلندر بيعطيك قوة المواتير 1100 سي سي كمان اللي موجوده في السوق مع توفير اكتر في البنزين
                          ده يعتبر تقليل من تمنه ولا زيادة فيه

                          مش كل حاجه بتتحسب بالعدد الاكتر

                          ليس من السهل انك تجمع بين حاجات كتير في حاجه معينه وان فعلت ذلك فده له تمنه

                          ثانيا العربيه واضح جدا شكل التابلوه وخامته وفرش العربيه
                          وده كله وعاوزها تبقى اقل من البيكانتو بــ كام الف كمان
                          يا راجل ده كلام برضه

                          ده القديمة كانت بــ 55 الف على الأسعار القديمة يعني قبل الزيادات
                          طيب الجديده دي بالشكل ده تبقى زياده 5 الفا بدون فرق سعر بين ايامها ودلوقتي

                          يعني مش للدرجه يعني
                          يا أبو عبدالله دا مش مقياسى انا دا مقياس السوق المصرى
                          و ماتنساش إن 3 سلندر صوته أعلى من 4 سلندر و عمره الإفتراضى أقل من 4 سلندر

                          Comment

                          • #14
                            المشاركة الأصلية كتبت بواسطة sharky مشاهدة المشاركة
                            يا أبو عبدالله دا مش مقياسى انا دا مقياس السوق المصرى
                            و ماتنساش إن 3 سلندر صوته أعلى من 4 سلندر و عمره الإفتراضى أقل من 4 سلندر
                            يا حاج احمد انت جبت اكلام ده منين

                            انا عربيتي خالي كانشيل 3 سلندر نفس الماتور وعامل بها اكتر من 200 الف كيلو
                            ومطلع عينها بجد يعني
                            ومبيغرشي الزيت بانتظام يعني ممكن يمشي على زيت الألف كيلو خمسة الاف كيلو مفيش مشكلة عالطول كده

                            والماتور ولا الهوا
                            ماشاء الله يعني

                            وبعدين انا هقارنلك بين الماتورين كده مقارنة بسيطة وانت تعرف فرق الصناعه

                            الشاريد ------ بيكانتو 1000 سي سي ------ بيكانتو 1100 سي سي


                            العزم(lbf·ft)

                            69.32 ---- 63 -------------- 72


                            الهورس باور

                            68.39@6000 ----61/5600 ----- 64/5500


                            قولي انت بقه الفرق ده اللي بين 3 سلندر و 4 سلندر اعمل فيه ايه
                            ده فرق صناعه كبير يعني مش سهل ولو سهل كانو عملوه
                            غير فرق استهلاك البنزين

                            بصراحة كارثة
                            [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                            [COLOR="Olive"]قال رسول الله صلى الله عليه وسلم :[/COLOR]
                            [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                            Comment

                            • #15
                              دا كلام م/أحمد عبدالوهاب فى توكيل دايهاتسو و ليس كلامى

                              Comment

                              السابق 1 2 template التالي
                              Working...
                              X