فك كاسيت السيريون وكيفية فك الكلبسات في الابواب الخلفية لتركيب السماعات :)

[k.Qattan]

السلام عليكم ورحمة الله وبركاته ,,

أولاً : احب اشكركم على المنتدى الرائع اللي خالاني مبسوط لما شوفته

ثانياً : انا لسه مشتري البيبي كيوت سيريون 2006 بس خليجي لاني عايش بره مصر وعايز اغير الكاسيت واركب دي في دي بس مش عايز اروح اغيره عند حد وعايز اعرف بيتفك ازاري وبردوه عايز اركب سماعات في الباب الخلفي وخايف افك الكلبسات علشان متكسرش. ولسه عندي شوية استفسارات بس لما ناخد على بعض الاول

شكراً ,,,

[mohamed_rhem]

اتفضل ادي موضوع فك الكاسيت للكبير ابو عبدالله

http://www.nilemotors.net/Nile/127999-a.html

بالنسبة للباب الخلفي معنديش صور حاليا

لكن طريقة الفك سهلة اهم حاجه تفك بالراحة ويكون معاك فوطة تلفها حولين المفك وانت بتفك علشان متخربش البوهيا

حتلاقي كلبسين توصل فيهم السماعات وصلاتهم جاهزة

[k.Qattan]

شكراً جداً لذوقك أ/محمد ,,

طيب الاحسن ابتدي من اي مكان في الباب بالفك وهو مفيش اصلاً اي مسمار بيتفك منه الباب ؟؟ وبالنسبة للسماعات الاحسن اركبها في الباب ولا اعمل رف خلفي مع العلم ان معنديش رف اصلاً معرفش ليه من الكنبه للشنطه عالطول :)

ولو هركب سماعات في الباب الاحسن افكهم واجيب زيهم ولا في مقاس معين بال سم او الانش ؟؟ معلش انا عارف اني طولت عليك اعذرني لسه جديد :))

[mohamed_rhem]

شكراً جداً لذوقك أ/محمد ,,

طيب الاحسن ابتدي من اي مكان في الباب بالفك وهو مفيش اصلاً اي مسمار بيتفك منه الباب ؟؟ وبالنسبة للسماعات الاحسن اركبها في الباب ولا اعمل رف خلفي مع العلم ان معنديش رف اصلاً معرفش ليه من الكنبه للشنطه عالطول :)

ولو هركب سماعات في الباب الاحسن افكهم واجيب زيهم ولا في مقاس معين بال سم او الانش ؟؟ معلش انا عارف اني طولت عليك اعذرني لسه جديد :))

في مسمار في المقبض تحت مسمار صليبة

اما تشيل البلاستيكة ده حتلاقي تحته مسمار تاني

الافضل انك تفك من الطرف

بالنسبة للسماعة طبعا في الباب افضل وده عن تجربة في الشاريد

الرف بيبقي عرضه انه يقطع سلك السماعات وسعات بحتاج اشيله مش عملي خالص

هات نفس المقاس الموجود من 400 وات وافضل الانواع سوني وكلاريون وبايونير

[k.Qattan]

حبيب قلبي :) تسلملي يا غالي على المتابعة وإنشاء الله هعرض موضوع تاني واتمنى ردك عليه ... شكراً

[bmya]

مبروك العربيه
الفك بتاع الكاسيت سهل جدا بس اقرأ موضوع ابو عبدالله وانت هتفكه بكل سهوله
الباب مجربتش افوكه قبل كده بس اكيد سهلل وهفوكه قريبا عشا ن عاوز ازود عزل الابواب ان شاء الله
انا عن نفسي بفل رف اصوت بيكون افضل من سماعات الابواب بس مالرف مشكلته انه بيكون ثابت مش بيتحرك وعشان كده بياكل جزء كبير من الشنطه وهي مش ناقصه :) فلو بتستعمل الشنطه كتير يبقى بلاش رف

[k.Qattan]

الله يبارك فيك يا غالــي وتسلم على ردك ,,,

انا بقى اتعزبت امبارح وانا بفك الكلبسات هي مش سهله اوي بس عايزه تكون حذر علشان متكسرهاش ,, عموماً انا اشتريت امبارح سماعات 350 وات بايونير بس للاسف لازم اخرم في الصاج لان مكان المسامير غير خالص انا جبتهم 16 سم ولسه هركبهم انهارده انشاء الله وهبقى احكيلكو على الادااااء قريباً .

[bmya]

تمام مبروك يباشا ومستنيين التقرير

[k.Qattan]

الله يبارك فيك يا كبيير ,, معلش اتأخرت عليكو في الرد بس الشغل عامل مع الواحد الصح :(

عموماً انا ركبت السماعات صوتهم ماشاء الله جميل جداً بس اكتشفت ان الاحسن اني كنت اركبهم على رف احسن لان الباب كله بترج وبيطلع اصوات بس انا هفضل وراااه لاحد مسكته :) لاني شاكك في البلاستيك بتاع الباب اللي جوه بتاع الفبريكه ,,, بس سماعات رائعه انصحكم اللي عايز يشتري يجبهم ;)

[bmya]

بالظبططططططططط كده المشكله ان السماعات هتكون قويه والباب كله بلاستيك فهتلاقي اصوات طالعه من كل حته

[k.Qattan]

بص انا اكره ما عليا اني اسمع اصوات مزعجه وانا بسمع الكاسيت :) ,,

بس عيب عليك فضلت وراه لحد ما سكت امه . هههههههههههههه

اشتريت دبل فيس من اللي هوه الغالي ده :) وبعدين ركبته في كل مكان فيه احتكاك البلاستيك مع الصاج والحمد لله الصوت بقى زي الفل