صيانه 60000 للتيريوس

[iahamza]

شباب التيريوس - السلام عليكم

حبا فى المنتدى و حبا فى تبادل الخبرات و المعلومات
اليكم تفاصيل صيانه عربيتى التيريوس 2010 بلاتينيوم gxr

حجزت فى توكيل تويوتا "شركه الرزق التجاريه" وكنت حجزت يوم السبت الساعه 10:30 صباحا
وصلت الساعه 9:30 وقابلت مهندس اللاستقبال وشاف العربيه وطلبت منه تغير فانوس خلفى وتركيب انزار ووحدات رفع وتغير البطاريه لانها متغيرتش من 2010 وبدات تهيس مع عمل صيانه متوسطه

الفاتوره
175 صيانه متوسطه "تغير الزيت زتغير فلتر الزيت وعمل باقى اجراءات الصيانه"
275 تغيير الفانوس الخلفى و تركيب الانذار ووحدات الرفع
20 خامات ورشه
238.63 زيت موبيل 10000 "3.5 لتر"
722.72 فانوس خلفى
54.54 فلتر زيت
181.82 وحدتين رفع
363.64 انذار

2031.35 مجموع
203.14 ضربيه مبيعات
2234.48 اجمالى

واخيرا البطاريه فارتا جافه
409 بطاريه
41 ضريبه مبيعات
450 اجمالى

[yaso12]

هى اسعار المصنعيات غالية والا انا متهيألى وسعر الفانوس غالى جدا برده كان ممكن تغير بره اقل من كده بكتيير .
واخبار العربية معاك لحد دلوقتى وايه اهم ملاحظاتك عليها .

واخير تقبل مرورى وشكراً

[iahamza]

اسعار المصنعيات غالية: دا صحيح بس دا العادى فى التوكيل
سعر الفانوس غالى جدا: سالت عليه بره فى محل قطع غيار فى سموحه قالى 879 جنيه
واخبار العربية: العربيه جميله تعرف قيمتها فى المهام الصعبه- حملها ومتخافش عليها - اى طرق و مطبات مش فارقه شغاله + - موتور كويس و موفره فى البنزين

[ramyhekal]

ربنا يباركلك فيها ويعطيك خيرها

[iahamza]

ربنا يباركلك فيها ويعطيك خيرها

تسلم يا حبيب

[mohamed_rhem]

الانزار نوعه ايه؟

[waleedrahmy]

شكرا
علي نقل التجربة
وانا شايف الاسعار مش غالية قوي زي ماكنت اتوقع

[iahamza]

الانزار نوعه ايه؟

نوعه gharieb

[Imhotep]

واخبار العربية: العربيه جميله تعرف قيمتها فى المهام الصعبه- حملها ومتخافش عليها - اى طرق و مطبات مش فارقه شغاله + - موتور كويس و موفره فى البنزين

فكرتنى بموقف لسه حاصل معايا من قريب. . . كنا انا وواحد قريبى فى مشوار فى منطقة تعتبر ريفية خارج القاهرة. . . و الطريق الرئيسى المفروض انه متسفلت بس طبعا الاسفلت مش متصان فبالتالى تقريبا تحول لمدق. . . لغاية هنا عادى. . . المش عادى بقى ان المنطقة فى اخر زيارة كانوا بيعملوا فيها شغل فى الصرف الصحى نتج عنه ان نص الطريق الرئيسى ده بقى مقفول. . . طب ايه الحل. . . نلف من جوه البلد. . . اتكلنا على الله هو كان معاه 3 افراد فى عربيته الايمجراند الجديدة و انا زيهم فى عربيتى . . . جوه البلد الطرق مش طرق. . . دى عبارة عن مجموعة من المطالع و المنازل اللى لا يصلح للمشى فيها الا الدواب. . . بعضها يصل ارتفاعه او انخفاضه الى نصف متر بدون مبالغة. . . و هنا ظهرت الامكانيات الحقيقية للوحش. . . لان فى الوقت اللى كنت انا طالع نازل على الطريق بدون ادنى صعوبة حتى و العربية محملة. . . كان هو يا عينى كل شوية عربيته بتبرك زى الجمل و الناس اللى فيها بتضطر تنزل من العربية عشان يعدى المطلع او المنزل اللى كمان جواه حفرة او اتنين. . . المواقف اللى زى دى هى اللى بتخلى الواحد يحس انه احسن الاختيار بصراحة

[alemam2005]

الف مبروك علي الصيانه

هي فعلا العربيه جميله جدا في المشي في الاماكن الغير ممهده... ولكن في الشد و الجري مش اوي..

كمان الميزه اللي فيها ان قطع غيار تويوتا كتير بتركب عليها خاصه في الدوائر الكهربيه و الات الجر و الموتور.

بس انا مش عارف ليه التوكيل مش بيركب الانذار الاصلي للعربيه و بيركب انذار عادي تمنه 150 جنيه و تركيبه كمان 50 مصنعيه... و يحاسب التوكيل عليه اكتر من 500 جنيه

كمان بانسبه للفانوس كنت ممكن تجيب حاجه استعمال كن هيكون ارخس بكتير

[iahamza]

الف مبروك علي الصيانه

هي فعلا العربيه جميله جدا في المشي في الاماكن الغير ممهده... ولكن في الشد و الجري مش اوي..

كمان الميزه اللي فيها ان قطع غيار تويوتا كتير بتركب عليها خاصه في الدوائر الكهربيه و الات الجر و الموتور.

بس انا مش عارف ليه التوكيل مش بيركب الانذار الاصلي للعربيه و بيركب انذار عادي تمنه 150 جنيه و تركيبه كمان 50 مصنعيه... و يحاسب التوكيل عليه اكتر من 500 جنيه

كمان بانسبه للفانوس كنت ممكن تجيب حاجه استعمال كن هيكون ارخس بكتير

الاكتر من ان قطع غيار تويوتا بتركب عليها - العربيه اساسا تويوتا واسمها Toyota Rush
اما الانذار فانا ركبته فى التوكيل علشان الضمان مش حاجه تانيه "ضمان الضفيره وضمان الانذار"
و الفانوس المستعمل فدى فاتتنى بصراحه

[هانى سمير]

اسعار مش غالية اوى ذى المعتاد
والله الموفق
والتريوس طوال عمرنا نقول
وحش طريق