Tweet
السلام عليكم ورحمة الله وبركاته
كيفكم يا أصدقاء؟ يارب كلكم تكونوا بخير.
حصل لي موقف مش لطيف من حوالي شهر بالسيريون الجميلة
كنت مسافر من القاهرة لإسكندرية على الصحراوي في يوم ممطر، وبعد بوابة إسكندرية بكام كيلو، بالظبط عند كوبري مرغم فوجئت بحفرة كبيرة في الاسفلت مقدرتش أتفاداها تماماً كان نتيجتها إن فردتين الكاوتش اليمين اتقطعوا تماماً.
بعدها العربية كانت متبرجلة على الاخر، تخبيط غير طبيعي من تحت. وديتها لعفشجي معرفة قال إن العربية زي الفل ومفيهاش أي حاجة وإن بس الاكصدام مفكوك والرفرف اليمين ساب شوية ومحتاج بونطة من تحت عشان يمسك شوية.
تجاهلت الموضوع وتعايشت مع الصوت لغاية يوم الخميس كنت في مشوار في المهندسين في وقت الذروة فوجئت بالعربية بتعمل صوت طقطقة فظيع مع كل مرة بادوس فيها على الفرامل.
طبعاً قلقت وملقتش حل غير إني أروح التوكيل النهاردة أشوف الحكاية.
الناس هناك قدرت الموقف بصراحة مشكورين وقبلوني من غير حجز ومنتظرتش كتير.
خرج معايا مهندس جرب العربية وأكد ملاحظاتي عليها وكانت الخسائر كالاتي:
1- المساعد اليمين جايب زيت ولا بديل عن تغييره - سعره 950 جنيه
2- احتمال لو فتحوا يلاقوا البطاحة محتاجة تتغير - سعرها 500 وحاجة جنيه
3- كان فيه مشكلة في المقص اليمين من آخر صيانة أكدوا على وجوب تغييره؟ - سعره 1200 جنيه!
غيرت المساعد اليمين والحمد لله البطاحة طلعت سليمة، وقررت أسيب المقص لمرة تانية لأن التكلفة زادت عليا المرة دي.
الحمد لله العربية ظبطت كتير عن الاول بس انا طبعا دلوقتي هابتدي ادور على المقص اليمين في محلات قطع غيار الدايهاتسو ولما ألاقيه هابقى أسألكم أركبه فين.
الحمد لله على كل حال وقدر الله وماشاء فعل ولا أراكم الله مكروهاً في سياراتكم :)
كيفكم يا أصدقاء؟ يارب كلكم تكونوا بخير.
حصل لي موقف مش لطيف من حوالي شهر بالسيريون الجميلة
كنت مسافر من القاهرة لإسكندرية على الصحراوي في يوم ممطر، وبعد بوابة إسكندرية بكام كيلو، بالظبط عند كوبري مرغم فوجئت بحفرة كبيرة في الاسفلت مقدرتش أتفاداها تماماً كان نتيجتها إن فردتين الكاوتش اليمين اتقطعوا تماماً.
بعدها العربية كانت متبرجلة على الاخر، تخبيط غير طبيعي من تحت. وديتها لعفشجي معرفة قال إن العربية زي الفل ومفيهاش أي حاجة وإن بس الاكصدام مفكوك والرفرف اليمين ساب شوية ومحتاج بونطة من تحت عشان يمسك شوية.
تجاهلت الموضوع وتعايشت مع الصوت لغاية يوم الخميس كنت في مشوار في المهندسين في وقت الذروة فوجئت بالعربية بتعمل صوت طقطقة فظيع مع كل مرة بادوس فيها على الفرامل.
طبعاً قلقت وملقتش حل غير إني أروح التوكيل النهاردة أشوف الحكاية.
الناس هناك قدرت الموقف بصراحة مشكورين وقبلوني من غير حجز ومنتظرتش كتير.
خرج معايا مهندس جرب العربية وأكد ملاحظاتي عليها وكانت الخسائر كالاتي:
1- المساعد اليمين جايب زيت ولا بديل عن تغييره - سعره 950 جنيه
2- احتمال لو فتحوا يلاقوا البطاحة محتاجة تتغير - سعرها 500 وحاجة جنيه
3- كان فيه مشكلة في المقص اليمين من آخر صيانة أكدوا على وجوب تغييره؟ - سعره 1200 جنيه!
غيرت المساعد اليمين والحمد لله البطاحة طلعت سليمة، وقررت أسيب المقص لمرة تانية لأن التكلفة زادت عليا المرة دي.
الحمد لله العربية ظبطت كتير عن الاول بس انا طبعا دلوقتي هابتدي ادور على المقص اليمين في محلات قطع غيار الدايهاتسو ولما ألاقيه هابقى أسألكم أركبه فين.
الحمد لله على كل حال وقدر الله وماشاء فعل ولا أراكم الله مكروهاً في سياراتكم :)
Comment