يا حبيبتي يا سيريون!

[OlaOsman]

جزاكم الله كل خير على التفاعل و التواصل.. بجد بجد ردودكوا كلها أسعدتني جدددددددا

كلام موتوريزر كمان خلاني أبدأ أصدق نفسي في إن فيه جاذبية بتجذب أحباء السيريون ليها.. العربية اللي تتحب بجد ويتوقع في غرامها.. و ده عندي طبعا مالوش تفسير.

اللي فعلا خايفة منه من التعلق بالعربية هو الخوف الشديد عليها و مش عارفة هاتصدقني و لا لأ يا موتو لو قلت لك اني زعلت على السيريون بتاعتك لما قلت لنا انها اتخبطت؟.. طيب امال بتاعتي هاعمل اييييييييييييه لو حصل كده؟


ربنا يستر علينا جميعا و يرزقنا التعلق به وحده و حبه وحده.. اللهم آمين يا رب العالمين.

[Sharky]

الف مبروك يا علا و ربنا يبارك لك فيها و إن شاء الله تستلميها بسرعة

[Hassan Khalil]

ايه الاخباريا علا .. عندي احساس انك حتنفنجري مفاجأة
يـــــــــــــــــــــــــــــــــــا مسهل

[OlaOsman]

ايه الاخباريا علا .. عندي احساس انك حتنفنجري مفاجأة
يـــــــــــــــــــــــــــــــــــا مسهل

انا هانفجر مفاجأة؟.. طيب و ايه بس اللي هايفجرني يا حسن؟

لا الموضوع مافيهوش مفاجآت و لا حاجة.. الاستلام غالبا آخر الإسبوع القادم بإذن الله :)

[Noha.M]

اصل السيريون من العربيات اللى يا اما هتحبها اوى يا اما هتكرها اوى و فعلا انا بحبها اوى اوى و كان نفسي اجيبها او اجيب اختها الكبيرة الماتيريا

بس فعلا عندك حق الواحد لما بيتعلق بحاجة دنيوية كدة بحس ان ربنا بيقل البركة منها و سبحان الله اول ما الاقي نفسي مركزة اوى مع اى حاجة دنيوية كدة لازم يحصلى حاجة تفوقنى

الف الف مبرووك يا علا و ان شاء الله تستلمى على خير

[TAREK ZIAD]

أجمل حاجة إن الواحد يشترى الشئ المقتنع به و اللى بيحبه بغض النظر عن رأى الناس إيه ... و أكيد العربية الجديدة لها إحساس رائع ....
ألف مبروك و ربنا يبارك لك فيها و يحفظها من العين و من الميكروباصات و سواقة الستات...
و لا قدر الله ... لو حصل لها شئ فدة قضاء الله الذى لا يحمد على مكروه سواه ...و لعله خير ...
فى الأخر هى حديد يتعوض ....
و مهما كان تعلقنا بالأشياء الدنيوية فدى سنة الحياة ولا ضرر منها طالما لا تفتنا عن ذكر الله... إفرحى بها و إدعى ربنا يعطيكى خيرها و يكفيكى شرها....
و إن شاء الله تكون وش السعد..

[Ramy.Gamal]

انا برده من عشاق السيريون وبالذات اللون الاحمر سبورت مع انها بناتى بس تحسوا انها ملفته للنظر ومميزة فى الشارع بجد هى عربيه تحفه ومن وجهه نظرى احسن عربيه تحت 100 الف مع كامل احترامى للياريس وكل ما ادخل شارع ضيق والاقى العربيات راكنه يمين وشمال ومفيش غير طريق على اد اللانسر ولازم علشان اعدى اقفل المرايات افتكر السيريون واقول يا ريتنى معايا دلوقتى سيريون المهم ربنا يحفظهالك واهم حاجه لما تجيبيها انك كل ما تركبيها تدعى دعاء ركوب الدابه وتذبحى شئ لله و تدعى ربنا انها تبقى وسيله من وسائل فعل الخير وشغلى فيها دائما قران وربنا يديكى خيرها ويكفيكى شرها

[Hassan Khalil]

ما هو اللي بيخوف اصحابها منها انها ملفتة للنظر بزيادة .. و خاصة في ال GLX علشان لمعة الجنوط .. و الاسبويلر ..
ربنا يبارك لاصحابها فيها .. و يحافظ لهم عليها .

[Adham]

أحلى حاجة لما الواحد يجيب عربية عن اقتناع تام و حب , مش مجرد اشترى حاجة بالصدفة

يعني انا برضة كنت السنة اللي فاتت برضة بادور على شيروكيي و مش مقتنع بيها قوي و كنت باشوف موديلات متعددة, و بعدين شفت عربيتي الفرونتيرا في معرض كنت اصلا باكلمهم على شيروكي و اتكلمت معاهم شوية و قالولي ان الفرق كبير بين الفرونتيرا و الشيروكيي و شرحوللي مميزاتها و ركبت العربية و كان معايا أولادي و بعد شوية كنت فعلا عمال افكر فيها و اتفرج عالعربيات الفرونتيرا في الشارع, ولقيت نفسي مقتنع بيها تماما وبافكر فيها و رجعت للمعرض و خلصت في العربية نفسها اللي كنت جربتها, مكانتش لسة اتباعت, نصيب

بس فعلا فية ناس بيقى فية تواصل بينهم و بين العربية بتاعتهم, و حبها و يخاف عليها و يهتم بيها و ناس بيعتبرها حتة حديد و مش فارقة معاه

و اللي بيحب عربيتة و مقتنع بيها بيبص عالعربيات اللي زيها في الشارع و يشوف اية الفروق و لو فية حد مركب اكسسوار معين و يقارن بينهم و يجيب لعربيتة اللي هوة اقتنع بية و شافه لايق عليها
زي بالضبط اللي بينزل يتفرج عالفتارين و يشوف ملابس لبنتة او أبنة هههههههههههه

[OlaOsman]

هو صحيح ايه فايدة الجنوط الاسبور و السبويلر؟.. عشان ابقى عارفة بس يعني

[Adham]

1- بتدي العربية الشكل الرياضي و المنظر الحلو
2- تزود الثبات عالسرعات العالية

[Adham]

اة نسيت الفايدة التالتة

3- بتوع الجنوط و الفايبر يبيعوا و ياكلوا عيش

ههههههههههههه

[bassemali]

إن شاء الله ياعلا ربنا يسهلك وتستلمي ( حبيبة قلبك ) ويباركلك فيها وعموما الواحد لما يكون بيشتري عربيه جديده غير المستعمله لأنه بيقدر يختار بنفسه إنما المستعمل بيكون على حسب السعر والحاله و ....إلخ فممكن ياخد حاجه مش عاجباه أوي لمجرد أنها حاله جيده أو بسعر مناسب إنما الجديد بيبقى له بهجه وطعم تاني غير المستعمل خالص وهتلاقي نفسك بتخافي عليها وتقعدي طول اليوم تدوري على ركنه قدام البيت عشان تقعدي في البلكونه تتفرجي عليها وحاجات من هذا القبيل يعني وسامحيني لأني أتأخرت في الرد عشان ماشوفتش الموضوع غير دلوقتي .
بس جامده من ( من هذا القبيل ) دي أنا ليا عبارات فعلا جميله هههههههههه

[omrsaad]

وانا كمان حبيت السيريون من اول ما شفتها انا رحت معرض المعادى وركبتها وهى فعلا

واسعة وشكلها شيك جدا وحجزت GL سودةاتوماتيك وفعلا ناس محترمين

والاستاذ /احمد عبد الرؤف