ما الذى يحدث عند أعادة أدارة المارش والسيارة دايرة

[Hosaam]

حدث هذا الموقف معى سهوا يوم الجمعة الماضية حيث استدعانى البواب فجأة لتحريك السبارة لأنها قافلة على عربية أخرى واقفة أمامها فنزلت مسرعا لأجد صاحبة السيارة الأخرى مستعجلة جدا وقد أدارت موتور عربيتها استعدادا للحركة ، فقمت بأدارة موتور عربيتى ثم خرجت منها وذهبت لخلف العمارة لأتحرى عن مكان آخر يصلح للركنة ثم عدت للعربية فأعدت أدارة المارش ظنا منى أنها ليست دايرة حيث أن صوت العربية التى كانت امامى كان مرتفع لم أسمع معه صوت عربيتى ، عندما أعدت أدارة المارش سمعت صوت ضجيج مرتفع صادر من الموتور ففصلت على طول ثم أعدت أدارته ثانية فسمعت نفس صوت الضجيج المرتفع ففصلت ثم تذكرت أنى قد أدرت الموتور قبل الخروج من السيارة ، وما أود أن أعرفه ما هو السبب فى صدور هذا الضجيج من الموتور وهل حدث تلف ولو جزئى للمارش أو للموتور من عدمه أم لا ، علما بأنى قد أدرت العربية بعد ذلك فدارت كالمعتاد , ولكم جزيل الشكر

[buddha]

الموتور مش هيجرالة حاجة
وبعدين عادى بتحصل
بس ممكن ترس المارش يتكسر لانة الاضعف

[Abo Yasso]

[exact]

ترس المارش ممكن سنانه تتكسر... وده يا مكسور يا سليم... فما دام محصلش حاجة تبقى عدت على خير

[elpasha1]

تمام كدة

[MohammedAladel]

طيب يعنى لو دوسة واحدة على المفتاح ممكن تبوظ المارش انا كنت بعمل كدا فى موتسكل صينى كنت بسوقه مكنش بيحصل حاجة معقول مفيش حمايات ؟؟

أصل أنا عربيتى زرار ستوب ستارت ودى حماية للعربية بصرا حة

طيب فى العربيات الحديثة المفروض انه يفصل بعد الموتور ما يدور

[Hosaam]

شكر خاص لكل من اهتم بالموضوع وساهم بالرد

[bmya]

عادي ياباشا طالما مره وعديت خلاص بس حاول تركز على اللمبات اللي في التابلوه عشان تعرف العربيه دايره ولا لاءه انا بعمل كده يعني لو كل اللمبات طافيه ماعدا لبمه الهاند بريك يبقى كده العربيه دايره بس انت اكيد كنت مستعجل فمركزتش
وبرده مدورش العربيه مره وحده اصبر كام ثانيه على لمبه الحراره ما تطفي عشان تكون طرمبه البنزين جاهزه معاك او لو اذنك موسيقيه زي حالاتي هتسمع صوت الزنه بتاعتها انا بظبط نفسي عليها او ما الزنه تبطل بدور انا :)

[mohamed_rhem]

ترس التعشيق بيكون عرضة للتلف

والموضوع مش بيأثر من مرة

خلي بالك بعد كده

[MohammedAladel]

عادي ياباشا طالما مره وعديت خلاص بس حاول تركز على اللمبات اللي في التابلوه عشان تعرف العربيه دايره ولا لاءه انا بعمل كده يعني لو كل اللمبات طافيه ماعدا لبمه الهاند بريك يبقى كده العربيه دايره بس انت اكيد كنت مستعجل فمركزتش
وبرده مدورش العربيه مره وحده اصبر كام ثانيه على لمبه الحراره ما تطفي عشان تكون طرمبه البنزين جاهزه معاك او لو اذنك موسيقيه زي حالاتي هتسمع صوت الزنه بتاعتها انا بظبط نفسي عليها او ما الزنه تبطل بدور انا :)

هو اللى اعرفه ان لمبة الحرارة بتبقى ف العربيات الديزل عشان السخانات وكدا

انا معنديش لمبة الحرارة دى فى عربيتى وبدرو على طول

[mohamed_rhem]

احنا معندناش مؤشر حرارة

عندنا لمبة خضراء ولمبة حمراء

اللمبة الخضراء ده بتنور والعربية باردة

اما الحمراء ده لاقدر الله خطر يعني قف

قبل ما ندور بنسمع صوت الطلمبة

ولو في دوشة بنستني لحد اما اللمبات تطفي

[bmya]

تمام كده يا محمد باشا
انا قصدي بستنى على ما اللمبه الحمره تطفي عشان هي بتاخد نفس وقت الطلمبه بتاعه البنزين

[akarem]

وبرضه ممكن نعرف العربية دايرة والا لا من مؤشر عدد اللفات لو مش على الصفر تبقى العربية دايرة

[bmya]

تمام يا استاذ احمد

[Hosaam]

شكرا جزيلا على ردودكم القيمة ، وقد وجدت هذا الفيديو على موقع اليوتيوب على الرابط الآتى لكيفية عمل المارش وطريقة تعشيق التروس ، فبرجاء التكرم بالأطلاع عليه

3D Starter.avi - YouTube