اللي معاه تيريوس يفيدني ارجوكم ولكم جزيل الشكر

[HAITHAM98]

السلام عليكم اولا
انا شاب مصري و اريد سيارة جميلة و شيك و محتار ومش قادر اخد قرار انا ممكن اجيب سيارة في حدود 110.000 بس في اكثر من حاجة قدامي و مش عارف اقرر وانا هأقولك انا سوقت عربيات كتيرة بتاعت صحابي و لقيت في كل عربية ميزة انا عاوزها فمثلا :
اللانسر 1600 الشكل بوما اوتوماتيك حلوة اوي و التسارغ بتاعها حاو اوي بس انا عاوز عربية عالية عن الارض فجربت الماتريكس جميلة اوي بس الاوتو بتاعها مش حلو خالص و خاصة مع التكييف و النيسان صني حلوه اوي بردو بس ضيقة من ورا اوي فا فكرت في تيريوس 2 بس مش عارف الموتور بتاعها ازاي 1500 على الحجم ده كله و الوزن ده كله و ايه اخبار التسارع بتاعها و لما احمل فيها شنط و عائلتي وزنها هيزيد ايه الوضع مع 1500 بتاعها و ايه الفرق بين 2*4 ، 4*4 هايفرق كتير في التسارع و اخبار الثبات ايه عاشان انا بحب السرعه
علشان كده عاجباني اللانسر 1600 ثبات و تسارع بس مش زي التيريوس في علوها
انا محتار اوي ارجو من اهل الخبرة افادتي و لكم جزيل الشكر و مع الاسف للاطالة علشان دي اول مرة اكتب فيها

[hussein]

التريوس الاوتوماتيك بتبدأمن 120 الف يعنى هتحتاج 10 كمان على فلوسك
العربيه ثباتها حلو بالنسبة للسرعات العاديه لكن لو انت من هواة السرعة ابعد عنها
بالنسبة للوزن العربية مش تقيلة حوالى 11150 كجم يعنى هتفرق عن العربيات السيدان 100 كجم بالكتير
الموتور فى المنيوال ال 4x4 كويس اوى و تسارعه جيد جدا
الاوتوماتيك معنديش فكرة بس العربية مش تقيلة فغالبا هيكون تسارعها كويس

[HAITHAM98]

شكرا يا باشا بس ما عندكش فكرة وزن اللانسر كام و هي العربية مش ثابتة خالص كده و الافضل في التيريوس الاوتو و لا المانيوال و 4*4ولا 2*4 في التسارع

هي ولا اللانسر

[م.محمد شافعي]

السلام عليكم ورحمة الله و بركاته
اخي العزيز بالنسبه للفتيس الاوتو ماتيك كويس بس طبعا المانيوال بشكل عام في اي سياره بالنسبه للتسارع افضل اما بالنسبه لثبات العربيه فمقارنة بسيارات دفع رباعي في نفس الفئه فهي ممتازه جدا ولا يجب ان تقارن بين اي سياره سيدان و سيارة دفع رباعي في موضوع السرعه والثبات ولكن انا جربت السياره علي سرعة 170 في مشوار طويل جدا لكن مع الاخذ في الاعتبار ان الطريق جيد و ايضا مع التحكم الجيد وتقليل السرعه في المنحنيات وكانت السياره بفضل الله يده جدا هناك موضوع في نفس هذا المنتدي بعنوان تيريوس والقاهره مرسي علم اذا اردت ان تطلع عليه.
ولمعلمات اكثر عن السياره يرجي زيارة هذا الموضوع

http://www.nilemotors.net/Nile/showthread.php?p=373677#post373677

[timo_crosswind]

اخي العزيز هيثم مرحب بيك معانا...
التريوس عربيه جميله جدا ومتوفر فيها شروط المفروض تكون في اي عربيه في مصر واهمها ارتفاع السياره عن الارض عشان المطبات الغريبه والاتساع الداخلي الملحوظ للصالون بالاضافه لوضعيه القياده المريحه واي حد فينا بيسوق في مصر بيحتاج المواصفات دي كاساسيات في العربيه...بالاضافه لذلك انها سياره يابانيه
لكن كالمعتاد محدش بياخد كل حاجه رغم كل المواصفات الجميله الا ان موتور العربيه 1500 سي سي بس هو مش سيئ بس لا اعتقد انه هيديك اداء قوي اقصد مش بتاع شد وجري والكلام ده....
شوف انت عاوز ايه من العربيه وحدد اهم اولوياتك ومن خلالها هتعرف تحدد عربيتك
بس نصيحه لو انت من هواه الجري والشد وهيفرق معاك الموضوع ده يبقي ابعد عن التريوس غير كدا العربيه فوق الممتازه ....
نصيحه التريوس ثباتها مش قوي علي السرعات العاليه نظرا لارتفاعها
بس عموما خدها نصيحه من اخوك لاتثق في ثبات اي سياره ......

اخوك تامر عابد

[Dr_Smart]

اعتقد ان كل المواصفات اللي انت عايزها هتلاقيها في

سوزوكي Sx4

حسب اللي سمعناه
عالية , واسعه , 1600 سي سي تسارعها حلو , ثابته , ياباني , كماليات , امان , شيك

يعني ممكن تحطها ضمن اختياراتك روح شوفها واسأل حد مجربها

[Adham]

الموضوع انت مش انت مكررة الاسبوع اللي فات بنفس النص وللا تشابة؟؟؟

[HAITHAM98]

شكرا يا أخي العزيز تــــــــــــــــــــــامر
انا بأثق في رأيك جدا و إن شاء الله لما اروح علشان اجيب اى عربية لازم تكون معايا إن شاء الله و اللي فيه خير هيقدمه ربنا إن شاء الله

أخوك الصغير حلاوة معلش اقصد هيثم ;-)

[timo_crosswind]

ماشي ياخ حلاوه اقصد هيثم ههههه
انا مش هتاخر عنك ابدا وهكون معاك في اي مشوار سواء كنت عاوز تشتري او حتي عاوز تجرب ....وعموما حتي لو استقريت علي اي سياره مينفعش تشتريها من غير من تجرب تقعد فيها علي الاقل وتشوف انت مرتاح فيها ولا لا بس طبعا الافضل انك تجرب سواقتها سواء من اي حد من اصحابك معاه العربيه او حتي لو عرفت تاجرها....
وربنا يوفقك في الاختيار المناسب اللي يخليك راضي عن العربيه تماما
وعقبال مانباركلك عليها إن شاء الله.....