استفسار عن تنظيف فلتر تكييف التيريوس

[memo700]

بسم الله

ارجو منكم مساعدتى فى معرفه كيف يمكننى تنظيف فلتر التكييف لسياره دايهاتسو تيريوس 2012
حسث انى فكيت درج التابلوه ولكنى لم اجد طريقه لفتح العلبه الموضوع فيها الفلتر زى اى عربيه
شكرا مقدما

[Mohamed said]

حاولت قبل كده و منفعش. سألت فى التوكيل. قالى مش بيتفك عشان يتنضف !!!!!!

[bmya]

كويس انهم سابين الفلتر اصلا

[Imhotep]

كنت قرأت قبل كده فى موضوع اخر ان التريوس مفيهاش اصلا فلتر تكييف. . . ايه الصح

[memo700]

اكيد فى طريقه مستحيل يعملو تكييف بدون فلتر ازاى
طيب امال الاتربه بتروح فين

[bmya]

مفيش مستحيل ياباشا السيريون برده عندي مفهاش فلتر بس معرفش التيريوس فيها ولا لاءه

[memo700]

طيب اذا كان مفيش فلتر كده التكييف يتنضف ازاى
وكفاءته اكيد بتقل ساعتها ايه العمل

[mido elsakkar]

مافيش فعلا فلتر تكييف للتريوس
وكنت فى التوكيل وسألت وقالولى ان مافيش فلتر
وانه فى منقى هواء
وطبعا انا سمعت الكلمتين دول واستغربت زىكم بس اقتنعت لما انا بنفسى حاولت انى الاقى الفلتر فين فعلا مالقتش فلتر
ودى ميزة بصراحة انى ريحت دماغى من تغيير الفلتر كل شوية وتنظيفه

[MohssenRashed]

تيريوس 2007 مفيش فلتر تكيف.

[memo700]

طيب انا المشكله فى زجاج وقع من فتح التكييف من عند الهوايه تحت المساحات
اشيل الزجاج ده ازاى
والف شكر

[alemam2005]

انا سالت في التوكيل و نفس الرد مفيش فلتر تكيف و استغربت جدا


يا ريت حد يفيدنا التكيف بتاعها شغال كده اذاي

[ramyhekal]

تيريوس 2011 مفيش فلتر تكييف

[ADELELDESOQI]

تحياتي الخاصه للجميع اولا
وثانيا التيريوس ليس لها فلتر تكييف وانما لها الثلاجة وهيه خلف زراير التكيف بتتفك التلاجه دي وبتتغسل وهيه راكبه لانه مينفعش تطلع من مكانها الا ازا فكيت التابلوه واحسن طريقه لفكها وغسلها هوه انك ممكن تجيب موتور مساحات وتحط فيه خرطوم رفيع جدا بتاع المساحات وتمده داخل التلاجه وتغسلها بميه وصابون

[mhamed70]

السيد الفاضل memo700
تحية طيبة وبعد
بالنسبة لفلتر التكييف في التريوس فهو غير موجود في تصميم تكييف السيارة
ولكن في حل
التوكيل بيقوم بفتح وتركيب مكان الفلتر الموجود خلف درج التابلوه وبتكلفة 350 جنية تقريبآ ويشمل غيار الفلتر والتركيب - وبتحتاج تنظفه كل شهر على الأقل من لأتربة الناعمة المترسبة به في أي محطة بنزين بخرطوم الهواء زي فلتر هواء الموتور
السؤال الذي طرحه بعض الأعضاء بالمنتدى عن أين تذهب الأتربة المتراكمة فهى موجودة في درج المروحة المركزية ومسارات هوايات الخروج والتي تحتاج تنظيف بخرطوم الهواء - وينصح عمل ذلك مع أرتداء كمامة لأنك سوف ترى ضباب تراب ناعم يخرج من الهوايات يخنق النفس والمكان وصالون السيارة (عن تجربة بعد 5 سنين من أكتشاف المشكلة وتنفيذ حلها )

[ramyhekal]

السيد الفاضل memo700
تحية طيبة وبعد
بالنسبة لفلتر التكييف في التريوس فهو غير موجود في تصميم تكييف السيارة
ولكن في حل
التوكيل بيقوم بفتح وتركيب مكان الفلتر الموجود خلف درج التابلوه وبتكلفة 350 جنية تقريبآ ويشمل غيار الفلتر والتركيب - وبتحتاج تنظفه كل شهر على الأقل من لأتربة الناعمة المترسبة به في أي محطة بنزين بخرطوم الهواء زي فلتر هواء الموتور
السؤال الذي طرحه بعض الأعضاء بالمنتدى عن أين تذهب الأتربة المتراكمة فهى موجودة في درج المروحة المركزية ومسارات هوايات الخروج والتي تحتاج تنظيف بخرطوم الهواء - وينصح عمل ذلك مع أرتداء كمامة لأنك سوف ترى ضباب تراب ناعم يخرج من الهوايات يخنق النفس والمكان وصالون السيارة (عن تجربة بعد 5 سنين من أكتشاف المشكلة وتنفيذ حلها )

حضرتك تقصد ان مكان الفلتر موجود فى العربيه وجاهز على التركيب ؟؟؟ وكمان انا هاوجه خرطوم الهواء فين علشان التراب اللى حضرتك قولت عليه ؟