تيل فرامل للجراند تيريوس ممتاز جدا وسعره رخيص

[ramyhekal]

السلام عليكم ورحمة الله وبركاته
كان عندى مشكله فى التيل الامامى للعربيه انه خلص بعد 11 الف كم ولما جيت اغيره فى التوكيل لاقيته ب 700 جنيه وطبعا سعره غالى جدا بالنسبه للمده البسيطه اللى استهلكها يعنى تقريبا مع غيار زيت 10 الاف كم اغير تيل قررت اشترى من بره لاقيت نوع تركى تمنه 95 جنيه ركبته وطلع سىء جدا بيصفر مع كل مسكه وحاسس انه مش بيمسك كويس زى الاصلى اخدت انطباع ان الاصلى مفيش زيه وحاولت اجيبه من السعوديه والامارات وعمان وبردو ما يعادل نفس السعر سالت فى المحلات لغاية ما اشتريت من شخص محترم تيل ممتاز جدا دلوقتى ماشى بيه حوالى 2000 كم او اكتر لا يفرق عن الاصلى شىء وسعره 70 جنيه فقط قولت لازم افيد اخوانى بالموضوع ده هو اندونيسى الصنع وبكره ان شاء الله هاصور العلبه بتاعته وبتاعة التركى اللى بيصفر علشان اللى يروح يشترى ياخد باله
لو حد استفاد من الموضوع يدعو لى بظهر الغيب

[mohamed_rhem]

تسلم يا باشا علي الموضوع

تابع الطنابير لو حصل فيها اي ريجة خفيفه

لازم تغير التيل علشان ميبوظلكش الطنابير

[WessamRaafat]

انا لسه مغير التيل في التوكيل فعلا ب 700 غالي بصراحة و السعر اللي انتا جبت بيه ممتاز
يا ريت المكان اللى اشتريت منه كمان

بالمناسبة حد يعرف سعر الطنابير في التريوس بكام ؟
عشان لو غالية قوي يبقى خلينا على الأصلي أحسن و بلاش مخاطرة

[bmya]

طيب ياترى في منه للسيريون؟

[flarevee]

بعد اذنك يا باشا اولينا جيبتو منين

[Gubnunda]

In my opinion, it is an interesting question, I will take part in discussion. Together we can come to a right answer. I am assured.