إعـــــــلان

Collapse

.

,
See more
See less

تقرير عن تركيب عازل حرارى لدواسة جراند تيريوس

Collapse
X
 
  • Filter
  • الوقت
  • Show
Clear All
new posts

  • تقرير عن تركيب عازل حرارى لدواسة جراند تيريوس

    السلام عليكم ورحمة الله وبركاته
    صدرت لى بعض الشكاوى من الاسره ان العربيه من دواسة الكراسى الخلفيه بتكون سخنه بس مكنتش عارف السبب لغاية ما قررت افحص المشكله وعرفت ان العربيه من بعد الكراسى الاماميه مفيش عازل تحت الموكيت يعنى الموكيت وتحته الصاج مباشرة ودا طبعا عيب خطير والمفروض ما يبقاش موجود فى العربيه المهم اشتريت عازل او اسمه صوف حرارى من الناس اللى بتبيع مستلزمات الافران والبوتجازات وده عزله بيبقى 100 %
    ودى صورته



    وهاقولكم ركبته ازاى بالتفصيل بس من غير صور للأسف اول حاجه فكيت الكرسيين اللى ورا السواق كل كرسى فيه 4 مسامير وكل مسمارين ليهم فبرتين من الامام والخلف بيتفكو بسهوله بس تبقى شايف كويس علشان متكسرش حاجه بعد ما تفك كل كرسى تشيله بره العربيه وانصحك يبقى معاك حاجه بلاستيك تحط فيها المسامير والفبر علشان مفيش حاجه تضيع وبعد ما شيلت الكرسيين دخلت على الكنبه اللى ورا وبردو ممسوكه ب 4 مسامير وكل مسمارين عليهم فبر زى اللى قدام وبعد ما شيلت الكنبه شيلت الفبره اللى قدام باب الشنطه على طول اول ما تفتح بحيث انى اعرف اشيل الموكيت بسهوله وهى سهله فى الشيل لها 6 كليبسات والفبرتين اللى قدام الباب اليمين والشمال او ما تفتح الباب فوق العتبه من جوه وبعدين شيلت قطعة الموكيت اللى تحت الكنبه وهى منفصله بتطلع فى ايدك لوحدها اما اللى تحت الكرسيين اللى فى النص ماشيلتهاش كلها لانها مرتبطه باللى تحت الكراسى الاماميه ودول انا مفكيتهمش لانهم معزولين وكمان فى كنصول وحوارات المهم تنيت الموكيت لقدام لغاية اخر حاجه عرفت اتنيها وقطعت الصوف الحرارى على اد كل حته فى العربيه من اللى تحت الموكيت كله بحيث يبقى الصوف مغطى الصاج اللى قدامى وبعدين فردت الموكيته اللى قدام وبعدين فردت الموكيته اللى ورا وعملت فراغات لبياتات ومسامير الكراسي ودخلت الموكيت تحت الفبر زى ما كان وطبعا هايبقى عالى شويه بس عادى هايطبع بعد الكراسى وركبت الكرسيين اللى فى النص زى ما فكيتهم بالظبط وكذلك الكنبه بنفس الطريقه
    وجربت وحسيت بفرق ملحوظ جدا فى درجة حرارة العربيه الداخليه والسخونه بقت مش موجوده
    اتمنى يكون الموضوع افادكم ولا تنسونى من صالح الدعاء

    [rmade]http://www6.0zz0.com/2011/01/10/09/232862406.jpg[/rmade]

  • #2
    طبعاً موضوع ممتاز, جزاك الله خيراً عليه.
    وأكيد هيفيد كل واحد عنده الموكيت علي الصاج علي طول والعربية بتسخن في الجو الولعه دا سواء من درجة حرارة الموتور أو الجو دا.!
    LeitoSR سابقا

    Comment


    • #3
      الاهم من كل ده اشتريته من اين وبكام

      Comment


      • #4
        المشاركة الأصلية كتبت بواسطة mado83 مشاهدة المشاركة
        الاهم من كل ده اشتريته من اين وبكام
        ايوه
        هوا ده المهم
        ولو أن أهل القرى آمنوا واتقوا لفتحنا عليهم بركات من السماء والأرض ولكن كذبوا فأخذناهم بما كانوا يكسبون

        Comment


        • #5
          المشاركة الأصلية كتبت بواسطة mado83 مشاهدة المشاركة
          الاهم من كل ده اشتريته من اين وبكام
          اشتريته من واحد جارى بيبيع مستلزمات البوتاجازات والافران المتر ب 15 جنيه جيبت مترين وباقى منهم تقريبا نص متر
          [rmade]http://www6.0zz0.com/2011/01/10/09/232862406.jpg[/rmade]

          Comment


          • #6
            المشاركة الأصلية كتبت بواسطة ramyhekal مشاهدة المشاركة
            اشتريته من واحد جارى بيبيع مستلزمات البوتاجازات والافران المتر ب 15 جنيه جيبت مترين وباقى منهم تقريبا نص متر
            فين بالظبط الراجل ده
            لانى ماعرفش حد بيبيع حاجات البوتاجازات دى

            Comment


            • #7
              المشاركة الأصلية كتبت بواسطة mado83 مشاهدة المشاركة
              فين بالظبط الراجل ده
              لانى ماعرفش حد بيبيع حاجات البوتاجازات دى
              محل عندى هنا فى كفرالشيخ
              [rmade]http://www6.0zz0.com/2011/01/10/09/232862406.jpg[/rmade]

              Comment


              • #8
                تسلم علي التقرير فعلا معاك حق حتي الموكيت اللي راكب

                تحس انه خفيف جدا
                ليست مشكلتي إن لم يفهم البعض ما اعنيه ؟
                و ليست مشكلتي ..إن لم تصل لفكره لأصحابها ؟ فهذه قناعاتي .. وهذه افكاري .. وهذه كتاباتي بين يديكم أكتب مااشعر به .. أقول ماأنا مؤمن به .....انقل هموم غيري بطرق مختلفة و ليش بالضرورة ما أكتبه يعكس حياتي ....... الشخصية هي في النهاية ...... مجرد رؤية لأفكاري .....

                [url=http://www.postimage.org/image.php?v=gx1XIkV9][img]http://www.postimage.org/gx1XIkV9.jpg[/img][/url]

                Comment


                • #9
                  تسلم ايدك ياباشا احب انا النااس اللي بتشتغل بايدها :)
                  سبحان الله وبحمده سبحان الله العظيم

                  Comment


                  • #10
                    جزاكم الله خيرا وان شاء الله الكل يستفيد
                    لا تنسونى من صالح الدعاء
                    [rmade]http://www6.0zz0.com/2011/01/10/09/232862406.jpg[/rmade]

                    Comment


                    • #11
                      بارك الله فيك وفي سيارتك ورزقت برها وكفيت شرها
                      ليست مشكلتي إن لم يفهم البعض ما اعنيه ؟
                      و ليست مشكلتي ..إن لم تصل لفكره لأصحابها ؟ فهذه قناعاتي .. وهذه افكاري .. وهذه كتاباتي بين يديكم أكتب مااشعر به .. أقول ماأنا مؤمن به .....انقل هموم غيري بطرق مختلفة و ليش بالضرورة ما أكتبه يعكس حياتي ....... الشخصية هي في النهاية ...... مجرد رؤية لأفكاري .....

                      [url=http://www.postimage.org/image.php?v=gx1XIkV9][img]http://www.postimage.org/gx1XIkV9.jpg[/img][/url]

                      Comment


                      • #12
                        رائع
                        الف مبروك ..

                        Comment


                        • #13
                          In it something is. Thanks for the help in this question how I can thank you?

                          Comment


                          • #14
                            مبروك
                            بس خد بالك
                            الصوف الزجاجي لو ما تقفلش عليه كويس
                            ومنع اي ظهور ليه في صالون العربيه
                            لانه ممكن يسبب مشكله للجلد ويسبب حساسيه وهرش
                            وذرات الصوف الزجاجي بتتطاير في الهواء وخصوصا مع التكييف
                            [SIGPIC][/SIGPIC] ياتقول كلام في محله يا تقول حلو ياحلو
                            [url]/photos/a.879931698703941.1073741827.879900435373734/879931905370587/?type=1[/url]

                            Comment


                            • #15
                              You are not right. Let's discuss it. Write to me in PM, we will talk.

                              Comment

                              Working...
                              X