تكييف التريوس

[mido elsakkar]

السلام عليكم ورحمة الله وبركاته
انا بصراحة اتصدمت النهارده ياجماعه
قولت النهارده انزل اعمل صيانة للتكييف التريوس وخصوصا ان العربية 2009 ومتعملهاش تنظيف فى التكييف قبل كده
وقولت بقى اروح للراجل بتاع التكييفات ينضفلى التكييف ويظبطه ويغسل التلاجة ويعمل كل حاجة
قالى انه علشان يعمل الكلام ده كله لازم التابلوه بتاع العربية كله كله يتشال بره العربية والقطمة وكل حاجة علشان يشتغل وكمان هيفضى الفريون ويملاه تانى وكمان فى الوقت هياخد منه 5 او 6 ساعات شغل
طبعا ان تنحت بصرارحة للكلام اللى قاله ومبقتش مستوعب وقولتله انى مش عايز افضى فريون دا غسيل بس قالى لازم يتعمل كده
قولتله طيب التكلفة هتبقى كام قالى كله هيبقى ب700 جنيه
انا طبعا سمعت كل الكلام ده وقولتله شكرا ياكبير
وقعدت والله العظيم اضحك طول الطريق لغاية ما وصلت البيت وحسيت انى زى ما يكون كنت بحلم


انا عايز اعرف بقى هل كلام الراجل ده صح والتكلفة دى صح ولا ايه

[Rsarabia]

طبعا الرقم دا كبير جدا و لو رحت التوكيل مش هيطلب رقم زى دا
اللى هو قاله هو الصح عشان تنضف فعلا كل حاجة لازم تفك و هتنضف بالمرة التابلوو من جوة و الهوايات و الحاجات اللى صعب تنضيفها من الصالون

[hamaka]

متابع

[Ahmedhussein007]

ليه كل ده لو التكييف شغال معاك كويس خلاص لان الطابلوه لو اتحل انسى مش هيرجع زى الاول

[midofarh]

يا بيه حرام عليك نضيف الفلتر ...واكشف على الفريون لو محتاج تزويد وريح دمااااااااااااااااااااااااغك

[kokowasfy]

اشتغاااااااااااااااااااااااااالة وششششش الرقم كبببببببيييييييييير جدا انا نضفت فلاتر وشحنت فريون و كان فى خرم فى الرجاتير لحمتة و كل دا 150 جنية و اخدت حوالى ساعة ونص او سعتين بلكتييييييييير شوفلك واحد محترم و لو انت ساكن فى اكتوبر او زايد اقدر افيدك فى كذا مركز متخصص اعرفة

[hgaber]

طمنا عملت ايه في التكييف؟

[mido elsakkar]

ولا عملت اى حاجة الرقم بصراحة صدمنى خلانى مش عايز اعملها

[roland_yamaha]

لو عاوز واحد كويس جدا وفاهم وأمين قولي وانا ابعتك ليه هو في المعادي

[iahamza]

روحت توكيل الرزق النهارده علشان التكييف ضعيف
وكان الرد مفاجئه عاوز يتغير السربنتينه الداخليه ال فى التبلوه ولازم العربيه اسبها عندهم يومين
علشان طبعا زى م قال زميلنا العزيز لازم يفكوا التبلوه
قلت ماشى تمنها كام قالولى 4500 جندى - قلتلهم بعد م فوقت من الصدمه هى مش ممكن تتنظف قالولى ممكن بس زى عدمه هتبوظ تانى.
المهم معملتش حاجه ومشيت اكلم نفسى زى زميلنا العزيز

الخلاصه يا شباب الله يكرمكم نعمل ايه.....ز

[roland_yamaha]

مركز أحمد حنفي في المعادي بصراحة محدش راح هناك إلا ما دعا لصاحب المركز فاهم وأمين جدا وحنين في أسعاره

[fathysamaha]

اشتغاااااااااااااااااااااااااالة وششششش الرقم كبببببببيييييييييير جدا انا نضفت فلاتر وشحنت فريون و كان فى خرم فى الرجاتير لحمتة و كل دا 150 جنية و اخدت حوالى ساعة ونص او سعتين بلكتييييييييير شوفلك واحد محترم و لو انت ساكن فى اكتوبر او زايد اقدر افيدك فى كذا مركز متخصص اعرفة

انا فى اكتوبر ومعايا جراند تيريوس 2010 - ممكن حد يكون عمل تنظيف لثلاجة التيريوس قبل كدة -