تيل الفرامل بيقعد قد ايه

[bmya]

السلام عليكم
انا عربيتي ماشيه 73000 وبغير تيل ريمسا اسباني التيل يدوب 10 الاف والاقيه ابتدى يصفر روحت للميكانيكي بص عليه وقالي هو فيه ربع بس الربع الاخير ده بيكون نسبه الحديد فيه اكبر وعشان كده بيفر وكمان بيكون ناشف وهياكلك في الطنابير وغيره احسن
هو بيقولي عادي بس انا حاسس ان قليل اوي
انا التيل الاصلي مغيره على 45000 تقريبا مع العلم انا التيل الخلفي الفتره اللي فاتت كان منتهي والحمل كله كان على الامامي وكمان انا بسافر كل يوم وبمشي بسرعه وطريقي كله مطبات فهل ممكن ده يخلي التيل يقعد 10 الاف بس
دلقوتي انا غيرت التيل الخلفي بقاله تقريبا 500 كيلو او اكتر حاجه بسيطه ده هيفرق في استهلاك التيل الامامي ؟

[aymanshebl]

ممكن التيل يكون مضروب و مش اصلى

[MohssenRashed]

التيل الاصلي بيقعد معايا في التيريوس 25 - 30 الف كم عشان الزحمة و الاوتو.

[bmya]

هو فعلا تيل مش اصلي ده ريمسا اسباني ب 200 جننيه بس :)
استاذ محسن هو التيل فعليا لسه مخلصش يعني لسه فيه بس الجزء اللي في الاخر ده بيكون انشف ونسبه الحديد فيه بتكون اكتر فبيكون مش حلو على الطنابير
التيل الاصلي انا مغيره على 45 وكان لسه فيه بس طبعا انا قلت كفايه عليه كده من 2008 برده بيكون نشف ونفس الحوار
هو الريمسا حلو مش وحش على فكره وبينزل بودره سوده على طول وده دليل ان خامته طريه مش ناشفه

[ahmedteam]

تيل الفرامل من الاجزاء اللى بتعتمد على اسلوب السواقه زى طقم الدبرياج كده

[bmya]

صح كده هو تقريبا عشان انا بجري كتير وفي نفس الوقت الطرق كلها مطبات فدوس فرامل كتير
عموما انا غيرت التيل الخلفي وهغير التيل الامامي انهارده ان شاء الله وهغير طريقه سواقتي ونشوف برده

[أبو عبدالله]

يا شريف والله التيل الريمسا ده فلوس في الأرض وخسارة مع اقرب طنبورة
هههههه
يا حاج التيل ده بياكل الطنابير وبيبوظها والله بيخلي ادائها زفت ومش بيقعد وخسارة فيه الفلوس
التيل الأصلي بيقعد طبعا اكتر من كده بكتير وحسب الأستخدام

[bmya]

والله يبو عبد الله انا مش حاسس انه سئ كده !!
يعني الفرامل أدئها كويس وعلى طول بتنزل بودره معنى كده انه بيتاكل مش بياكل في الطنبوره !!

[askoda]

أنا بقول ألأصلي أحسن الأولاني قعد 37000
و التاني 35000 كم
و التالت ماشي علية 28000 كم و لسة فية شوية غالبا" لحد 35000 كم بردو

[bmya]

انا غيرته امبارح جبت ريمسا برده
الفرامل عليت وبقيت على الشعره عشان انا مغير التيل الخلفي كمان الفراامل بقيت جامده احسن من ايام الزيرو ههههههه

[mohamed_rhem]

انا ماشي 75 الف كم في 3 سنين مغيرتش لا اللي قدام ولا اللي ورا

بس يمكن علشان انا مانيوال ومبدوس فرامل كتير

[bmya]

ماشاء الله 75 الف كيلو بدون تغيير تيل فرامل عملتها ازاي دي :)
انا مغير تيل 3 مرات الاصلي وبعده مرتين وعامل 74000 في 5 سنين بس انا اتو وفراملي كتير

[mohamed_rhem]

التيل الامامي متابعه

الخلفي الرجلاش علي اخره هيحتاج يتغير قريب ان شاء الله مع الامامي ممكن عند ال 100 الف

[bmya]

انا مغير الخلفي قريب بقاله الف كيلو او اقل وكان لسه فيه بس صراحه قلت كفايه عليه كده عشان 5 سنين اكيد التيل نشف وفعلا كان نشف وغيرته وفرق كتيييييييير بعد التغير

[askoda]

انا مغير الخلفي قريب بقاله الف كيلو او اقل وكان لسه فيه بس صراحه قلت كفايه عليه كده عشان 5 سنين اكيد التيل نشف وفعلا كان نشف وغيرته وفرق كتيييييييير بعد التغير

الغريب بقى يا شريف اني لما روحت التوكيل وقولتلهم عايز أغير التيل الخلفي قالولي لسة بدري علية

صحيح انت عملت اية في الطنابير ؟