مشكلة فى الباور الكهرباء .. سيريون اوتوماتيك 1300

[Ahmed Hamdy]

سلام عليكم يا جماعة ..

معايا سيريون أوتوماتيك 1300 موديل 2008 .. شاريها مستعملة من سنة حالتها الحمد لله كويسة .. بعمل صيانة فى التوكيل .. عاملة دلوقتى حوالى 87000 كم ... آخر صيانة من شهرين كده المهندس قالى علبة الدركسيون فيها بوش شوية وقالى ححاول أغيرهالك فى الضمان .. فعلا بعدها بأسبوع كلمونى وقالولى تعالى غير علبة الدركسيون .. رحت غيرتها وتمام .. من كام يوم كده بدأت تظهرلى مشكلة فى الباور .. لاقيت لمبة الباور فى التابوه منورة والباور مش شغال .. طفيت العربية وشغلتها المشكلة راحت .. تانى يوم محصلتش الصبح وبعدين حصلت تانى وبقت تحصل ساعات وساعات .. حجزت صيانة ورحت التوكيل قالى حنكشف ونقولك .. فى الآخر قالى في مشكلة فى موتور الباور ومحتاج يتغير .. بس هو وقطمة الدركسيون حتة واحدة وبيتغيروا مع بعض وتكلفتهم 12000 .. طبعا أنا ذهلت من الرقم ... !!!!

فيا جماعة عايز أعرف مكان كويس بره التوكيل ممكن أشوف عنده المشكلة دى يمكن تكون حاجة ليها حل غير التغيير أو لو حتتغير ممكن تكون استيراد أو كده ....

[bmya]

12000 الف
يعني قصدهم اثنا عشر الف هههههههههههههههههههههههههههههههه
يخربيتك يا سيريون انا مش عارف ايه اللي خلاني ابيع اللانسر واجيبك هههههههههه ده حتى النيسان صني معايا حاجتها ارخص من السيريون برده
باشا جرب اسأل بره عليه طيب وممكن تسأل العالميه و اولاد جابر في شارع دمشق دول جديد وشوف كده في الحرفيين الاسعار ايه
طيب مش جايز فيشه مهزوزه و مثلا اصل ايه اللي يبوظه ؟

[Ahmed Hamdy]

والله يا ريس انا حاسس انها حاجة زى كده .. يعنى ممكن تكون فيشة محتاجة تتفك تتنضف وتتركب تانى أو حاجة زى كده لانه لو باظ المفروض ميشتغلش خالص لكن يشتغل ساعات وساعات إزاى .. إنما فى التوكيل شكلهم مكسلين يجربوا أو يحاولوا اكتشاف سبب المشكلة .. فيقولك غير وخلاص .. عشان كده بسأل لو حد يعرف مكان موثوق فيه بره التوكيل عشان خايف أروح لأى حد يعكها ..

[HaNo_ELBeh]

بص ياباشا انا كان عندى نفس المشكله بس كانت علبه الدركسيون مع العلم ان العربيه موديل 2010 وهما غيروها فى الضمان
بس من الاحسن خليك مع التوكيل عايز تسال بره التوكيل عليك وعلى الحرفيين
محل العالميه للسيارات
تحياتى..

[Ahmed Hamdy]

بص ياباشا انا كان عندى نفس المشكله بس كانت علبه الدركسيون مع العلم ان العربيه موديل 2010 وهما غيروها فى الضمان
بس من الاحسن خليك مع التوكيل عايز تسال بره التوكيل عليك وعلى الحرفيين
محل العالميه للسيارات
تحياتى..

يعنى ايه يا ريس كان عندك نفس المشكلة بس فى علبة الدركسيون ؟؟ ماهى دى مشكلة تانية غير علبة الدركسيون .. وزى ما قلت كانت عندى بس غيروها فى الضمان برضه ..

أنا بدور الأول على مكان للصيانة كويس بيفهم فى العربية يمكن يحل المشكلة من غير تغيير ..

[askoda]

متابع

[Ahmed Hamdy]

يا جماعة محدش خالص اتعامل مع مكان كويس بره التوكيل ؟؟؟

[bmya]

للاسف ياباشاانا مش من القاهره ده غيران العطل ده مش موجود اصلال او نااااااااااااااااااادر جدا في السيريون عشان كده محدش عارف يفيدك

[أبو عبدالله]

روح للمهندس سيد الفراش او مركز العاليمة في الحرفيين

[Wenien]

It is a pity, that now I can not express - it is very occupied. But I will be released - I will necessarily write that I think.

[svneleven]

سيد الفراش متخصص دايهاتسو . حراق شوية لكن بيفهم.

[proosy]

It is a pity, that now I can not express - I am late for a meeting. But I will return - I will necessarily write that I think on this question.