هام جدا - صوت ونه مع التكييف

[iahamza]

كل عام وانتم بخير امبارح روحت لبتاع التكييف خليته يكشف على التكييف قالى الفريون عاوز شحن وكمان السربنتينه الداخليه محتاجه تتنظف قولت شحن فريون ماشى لكن السربنتيه محتاجه نفك التابلوه قالى لا مش هنفك حاجه الموضوع ابسط من كده المهم قلت ماشى توكل على الله التكلفه اد ايه قالى فريون 150 و السربنتينه 50 بدانا بتنظيف السربنتينه فك درج التابلوه و الفبره ال تحته والفبره ال جنب العتب وراح فك اربع مسامير من تحت لقيته مطلع المروحه كانت شيله تراب كتير المهم طلعنا على المغلسله و غلسها بميه و نشفها بالهواء و دخل الهواء مكان المروحه فى التابلوه و بعدها الميه وبعدها الهواء تانى علشان يغسل السربنتيه وفعله الميه كانت نزله من الفايظ مطينه المهم رجعنا وركبا كل شىء تمام و شحنا فريون فرغ الفريون ال فيها وشحن جديد وقبل الشحن حط حوالى ربع كوبايه زيت بصراحه فرق كبير جدا اولا سرعه المروحه والهواء ال خارج احسن بكتير والتكييف فعلا تلاجه بس لاحظت صوت ونه لما التكييف يشتغل والمرحه على الاول الصوت تسمعه بس جوه العربيه وبيزيد مع البنزين لكن فى حوض العربيه مفيش صوت او مش بالوضوح الكافى زى داخل العربيه انا مش عارف ايه السبب ولا هو كان موجود اصلا وانا مخدتش بالى منه قبل كده بحكم اننا كنت دايما بشغل المروحه على الرابع فصوتها كان بيغطى على ايه حاجه تانيه شكيت فى المروحه شغلتها لوحدها من غير تكييف لقيتها زى الفل افيدونى الموضوع مسبب لى ازعاج كبير وخايف الكمبروسور يكون حصل فيه حاجه العربيه موديل 2010 بلاتينوم والتكييف متلمس قبل كده

[iahamza]

شباب الموضوع مهم ال معاه تيريوس يجرب المروحه على الاول ويشغل التكييف و يرد عليا وجزاكم الله خيرا

[Imhotep]

بص هو انا فعلا عندى زنة غبية كدة بتحصل بالذات عند سرعة 70 حاولت اتتبع مصدرها بحس انها جاية من كونسول التكييف بس انا التكييف تاتش فمش عارف اربطها بحاجة معينة وقت تشغيل التكييف. . . انا متعايش معاها و خلاص طالما التكييف شغال و خلاص

[ahmed452003]

عندي نفس المشكلة ومش عارف سببها ايه

[eng_maged]

انا كان عندي ونه مع التكييف في سيريون 2010 وكانت بتزيد لما تدوس بنزين اكتر. والتوكيل غيرلي الكمبروسسر في الضمان وقالي عيب صناعه. والفاتوره كانت طالع بحوالي 13 الف او حاجه كده