محتاج مساعدة عاجلة فى تكييف التيريوس

[AHMED HAGGAG]

يا جماعة انا عندى مشكلة كبيرة و مش لاقيلها حل و قلت إن شاء الله هلاقى الحل عندكوا
عربيتي تيريوس 2007 و محتاجة كومبريسور تكييف و طبعا مش هغيره فى التوكيل , و وديتها لكذا مركز خدمة محترم فى الدقى و اكتوبر و كلهم اجمعوا على ان الاستيراد مش مضمون و لو جبتوا ممكن ميكنشى شغال و مش هيرجع عند اللى هنشتريه منوا و فيه اللى قال نغير قواعد و نجيب كومبريسور مختلف عن بتاعها و نركبوا بس هيبقى صوته عالي و فيه اللى قال بتاع السوزوكى يركب عليها و من الواضح ان محدش فاهم حاجة فى اي حاجة فبرجاء المساعددددددةةةةةةةةةةةةةةةةة
اعمل ايه و عند مين و يا ريت لو فى المهندسين او الهرم او الدقى او اكتوبر لاني ساكن فى اكتوبر و اللى فهمتوا ان العربي هتبات يومين
افيدونا افادكم الله
و لكم كل الشكر

[waleedrahmy]

طيب الكومبريسور الجديد بكام؟
و
الكومبريسور الاستيراد المستعمل بكام؟

[ramyhekal]

هاتو استيراد وان شاء الله يكون شغال كويس

[exact]

السوزوكي مش اللي هو... هل بتاع الفيرنا ما يركبش عندك؟؟

[saddam]

تروح مركز مقابل بنزينة توتال في شارع ترسة الهرم صاحب المركز إسمه حازم وهو حيركبلك كباس على مسؤوليته وتقعد أسبوعين تجرب على مسؤوليته ولا تدور ولا تروح تجيب ولا تلف ولا تشتري هو حيعمل كل حاجة ودمتم للنضال

[أبو عبدالله]

سؤال الأول
هو ايه اللي بايظ فيه ؟؟؟؟
ثانيا مفيش امامك غير استيراد وان شاء الله ميكونش فيه حاجه

[AHMED HAGGAG]

طيب الكومبريسور الجديد بكام؟
و
الكومبريسور الاستيراد المستعمل بكام؟

حسب الكلام اللى سمعتوا الجديد بحوالي 4000 جنيه و الاستيراد بحوالي 1000 جنيه

[AHMED HAGGAG]

السوزوكي مش اللي هو... هل بتاع الفيرنا ما يركبش عندك؟؟

انا مش متأكد حتى ان بتاع السوزوكي يركب , ده كلام الفنيين

[AHMED HAGGAG]

تروح مركز مقابل بنزينة توتال في شارع ترسة الهرم صاحب المركز إسمه حازم وهو حيركبلك كباس على مسؤوليته وتقعد أسبوعين تجرب على مسؤوليته ولا تدور ولا تروح تجيب ولا تلف ولا تشتري هو حيعمل كل حاجة ودمتم للنضال

الف شكر على الرد بس اللي هيركبه استيراد ولا جديد و هل تعرف رقم تليفون للمركز ؟

[AHMED HAGGAG]

سؤال الأول
هو ايه اللي بايظ فيه ؟؟؟؟
ثانيا مفيش امامك غير استيراد وان شاء الله ميكونش فيه حاجه

حسب كلامهم تن الكباس فوت و مبقاش يكبس الفريون بيقوم بالعافية لو متوصل خارجى و مبيسقعشى علشان مش قادر يكبس الفريون و بعدين يفصل على طوول و ميقومشي تاني

[saddam]

الف شكر على الرد بس اللي هيركبه استيراد ولا جديد و هل تعرف رقم تليفون للمركز ؟

نمرته مش معايه ﻷني بروحله كل فترة.قريبة.كل مبضيف عربية جديدة لمجموعتي وهو عنده جديد ومستعمل وكله بضمانه
بص روحله وبلاش كتر كلام قول له أنا لسه شاري العربية.من يومين وعايز تشغل لي التكييف وبلاش تحكيله قصتك معاه ودمتم للنضال على فكرة لازم.تروح الظهر ومش شرط يشتغل في عربيتك على طول ممكن يديك معاد وممكن يشتغل على طول بس هو الوحيد اللي بيشيل مسؤولية شغله

[Dr.A.Nabil]

انا في المرتين اللي رحت فيهم التوكيل لقيت اتنين بيشتكوا من التكييف والمهندس قالهم ان الكومبرسور عايز يتغير
واضح انها مشكله موجوده في عربيات كثير

[AHMED HAGGAG]

انا في المرتين اللي رحت فيهم التوكيل لقيت اتنين بيشتكوا من التكييف والمهندس قالهم ان الكومبرسور عايز يتغير
واضح انها مشكله موجوده في عربيات كثير

هو اللى انا اعرفه ان الكومبريسور صغير اوي و فى ناس كتير بتشتكي من قدرته انما مش انوا بيبوظ كتير علشان كده كنت بسأل ممكن يركب عليها كومبريسور بتاع عربية تانية ولا لأ و محدش رد على السؤال ده