نصيحه للشراء

[tamer_a7]

بما ان المثل بيقول ادي العيش لخبازه علشان كده انا حبيت لما اسال اسال اصحاب الخبره هنا في منتدي دايهاتسو
نبدا كده باسم الله
انا حاليا بافكر اغير واجيب تيريوس موديل 99-2000 حاجه في الحته دي وتكون كامله اتوماتيك وتكون طبعا نظيفه
السؤال بقي اللي بيطرح نفسه
قطع الغيار اخبرها ايه علما باني معاي هيونداي كوري يعني مثلا تيل فرامل فلاتر كوبلن قطع غيار المكنه عموما
الحاجه التانيه مدي التوفر يعني انا مثلا من حلوان طبعا ما فيش حد في حلوان شغال فيها هيكون في المعادي مثلا ولا ايه
اخير بقي هل يوجد عيوب واضحه في الوديل دا (مثلا زي مقصات النوبيرا - مساعدين قدام في الاكسيل كده يعني)

[ahmedalaahosny]

بتهيألى التيريوس دي أول ما نزلت كانو بيقولو فى الأعلان "قاهرة أدغال المدينة !"
يعني تاخد بيها مطب ولا غطا بلاعة
لكن العربية عالية ومش عريضة وهتخنقك جدا فى الملفات ومش بتاعة جري
انا سمعت انها بسبب السرعة مع علو العربية وضيقها العربية ببتقلب و اسعار قطع غيار التيريوس لو يابانى غاليه ومش اى حد يشتغل فى العربيه
انت المفروض تحددة بناء على أكتر استخدام ليك بيكون فين
يعني معظم مشيك بيها هيكون سفر ولا وسط البلد فى اماكن مليانة مطبات عالية زيادة عن اللزوم ؟ بناء على كدة حدد
مانت ممكن تجيب لانوس ولا نوبيرا بتمنها واهى ع الاقل منتشرة وقطع غيارها رخيصة وثابته وواسعه من الخلف عن التيريوس وسهة البيع
عامة ده لينك فيه كل حاجة عنها بس اسعار قطع الغيار اللى فيه قديمة من قبل ارتفاع الدولار

http://www.nilemotors.net/Nile/180473-1997-2001-a.html