عايز أشتري تريوس

[Martin5555]

السلام عليكم
انا عايز اشتري تريوس 1 ؟
ممكن اهم مميزاتها وعيوبها ومتوسط سعرها ؟

[hugan]

اللي اعرفه ان العربيه دي كارثه في الثبات
وبتقلب اسهل مما تتخيل

[Martin5555]

يا نهار أبيض، انا سمعت انها بتقلب بس هل ممكن فعلاً تتقلب وانا سايقها ؟؟؟؟؟؟؟؟؟؟؟؟

[hugan]

يا نهار أبيض، انا سمعت انها بتقلب بس هل ممكن فعلاً تتقلب وانا سايقها ؟؟؟؟؟؟؟؟؟؟؟؟

هههههههه
اي عربيه ممكن تتقلب
كل حاجه وليها ظروفها
ربنا يستر طريقنا جميعا

[Martin5555]

ربنا يسترها يا رب ، انا عايز اسألك على شوية حاجات
انا بتعلم السواقة دلوقتي في اسكندرية في مدرسة لتعليم قيادة السيارات وبكره هاخد الحصة رقم 6
انا لسه بتعلم وعايز اجيب عربية تريحني ومتتعبنش ، انا هاقدر اجمع في حدود 40 أو 42 ألف ، طبعاً هاخد قرض من البنك حوال 15 ألف بضمان وظيفتي ، إيه رأيك اجيب ايه
اصحابي نصحوني بالدايو لانوس ، بس انا زي ما قلتلك انا عايز عربية تريحني ، ونا بحب اوي العربية العالية ، لأن لما بركب مشروع واقعد جنب السواق بتبقى السواقة ممتعة ، لكن لما بركب مع صاحبي اللانوس بتاعتها ، بيبقى الحال عادي جداً

رأي حضرتك إيه ؟؟

[hugan]

المشكله ان 40 او 42
ماتقدرش تجيب بيهم حاجه زي ماتتمني
الانوس فعلا هي الخيار المناسب
اما العربيات العاليه
اظن مفيش غير النيفا وطبعا دي صعبه قوي
عربيه متعبه كراكه يعني

ممكن تبتدي بالانوس
ربنا يكرم بعد كده وتغير وتجيب اللي بتتمناه

[Martin5555]

شكراً جداً لذوقك وجزاك الله خيراً
ربنا يسهل واقدر استقر على نوع العربية

[Mohab555]

نصيحة من اخ بلاش و ابعد عن التيريوس خالص حتى لو 2013 !! اقسم بالله خساره فيها الفلوس

[Martin5555]

والله انا محتار ، معظم الناس بتقولي بلاش تريوس، والواضح كده ان العربية ديه على كلام وحش كتير ،
خلاص هافكر في حاجة تانية ، وربنا يوفقني الاقي حاجة اكون مبسوط وانا راكبها

[doctors124]

نصيحة من اخ بلاش و ابعد عن التيريوس خالص حتى لو 2013 !! اقسم بالله خساره فيها الفلوس

انا كمان كنت بفكر اشتريها معلش ممكن توضح اكتر هي مش كويسه ليه؟