إعـــــــلان

Collapse

.

,
See more
See less

زياده عزل السيريون

Collapse
X
 
  • Filter
  • الوقت
  • Show
Clear All
new posts

  • زياده عزل السيريون

    السلام عليكم
    بقالي فتره عاوز اعمل الحوار ده ومتابع المواضيع لمعموله قبل كده في الاقسام الاخرى لغايه ما اخيرا عملته عندي
    ملحوظتين في السريع:
    السيريون عزلها كويس اصلا بس انا قلت ازوده فقط
    تاني حاجه دي تالت مره اعمل فيها الموضوع ده وهتبقى اخر مره عشان زهقت منه بصراحه اول مره عملته اتمسح من المنتدى غلط مع تاني مره عملته وقبل مااعمل اعتمد الموضوع اللاب هنج وعملت ريستارت ودي تالت مره وربنا يستر

    بسم الله
    اولا الخامات انا زنلزت لفيت لفه عند الناس المتخصصين في الجلود والعوازل واتسقريت على نوع من العزل اسمه صوف لباد هو عامل زي الصوف كده او زي بطاطين الجيش + فرخ بلاك لزق وده بتباع عن بتوع الحدايد واالبويات

    دي صوره اللباد


    ودي صوره البلاك اللزق



    بالاضافه لانبوبه سيلكون او علبه كوله للزق اللباد وتثبيته في فرق الباب
    الخطوات طبعا هنفك فرش الباب وهو سهل على فكره بس للاسف مصورتش خطوه الفك دي
    ودي صوره الفرش وهو مفكوك طبعا في طبقه عزل بس خفيفه اوي اللي هي البيضه دي


    تاني حاجه هنقطع اللباد 4 اجزاء على قد الاربع ابواب وبعدين هقطع كل جزء من الاربعه لجزئين وده عشان فرش الباب عباره عن جزئين منفصلين مش حته وحده والاسهل نعمل كل جزء لوحده ودي صوره اللباد وهو مقطوع


    بعد كده هناخد كل جزء من اللباد ونثبته على الجزء الخاص به من فرش الباب ونفتح مكان المسامير والكليبسات ونلزقه بالكوله او السيلكون ونقص الزوايد ودي صوره الفرش بعد تثبيت اللباد الجزء العلوي

    وده الجزء السفلي

    ودي صور للجزئين مع بعض


    وكمان دي



    كده خلصنا من اللباد هنجيب بقه البلاك اللازق وهنقص الفرخ لاربع اجزاء متساويه على قد ما نقدر
    ودي صورته بعد التقطيع


    بعد كده هناخد كل جزء من البلاك ده وهنلزقه من جوه الباب على الصاج نفسه من جوه وللاسف مصورتش لان المكان ده مزنوق

    وبالمره عزلت فرش الكابوت كمان بواقي اللباد اللي فاضل




    وكمان حوض الشنطه تحت الفرش بتاعها وتحت الاستبن وده هيمنع صوت التخبيط بتاع العده والكوريك اللي بيظهر احيانا مع المطبات والنقر


    وتمت بحمد الله وبشكر طبعا استاذ عصام غنايم قسم الدايو عشان انا استفدت منه كتير بصراحه في الموضوع ده

    وبالمره غيرت التيل الخلفي الاصلي ب 280 جنيه ودي صورته برده




    اخوكم شريف مصطفى
    سبحان الله وبحمده سبحان الله العظيم

  • #2
    تقرير ممتاز ... مبروك يا باشا
    بس مقولتلناش تقيمك للعزل والصوت اختفى بنسبه قد ايه ....وبالمره بقى الحاجه دي اتكلفت قد ايه

    Comment


    • #3
      الله يبارك فيك ياباشا
      بص السيريون عزرها اصلا كويس بس طبعا في فرق في اعزل يعني مثلا كنت و ماشي بسرعه نت بحس بهواء خفيف من عند زرارير الزجاج ده اختفى مثلا
      سبحان الله وبحمده سبحان الله العظيم

      Comment


      • #4
        صديقي المواطن
        بالتوفيق كنت أتمنى عليك تخلي حد محترف ينفذهالك وكمان العزل الصح جدا لا يتم بمادتين أقل واجب 5 مواد مختلفة المهم إنت مبسوط ودمتم للنضال

        Comment


        • #5
          صديقي صدام انا بحب اعمل اي حاجه بايدي طالما ينفع اعملها بنفسي ده غير ان العزل بتاع العربيه مش مضايقني في حاجه هي نازله اصلا بعزل كويس جدا للارضيه ووصدر العربيه وورا التابلوه الابواب بس اللي عزلها خفيف فانا زودته فقط لا غير مش محتاجه حد محترف شكرا لردك
          سبحان الله وبحمده سبحان الله العظيم

          Comment


          • #6
            المشاركة الأصلية كتبت بواسطة saddam مشاهدة المشاركة
            صديقي المواطن
            بالتوفيق كنت أتمنى عليك تخلي حد محترف ينفذهالك وكمان العزل الصح جدا لا يتم بمادتين أقل واجب 5 مواد مختلفة المهم إنت مبسوط ودمتم للنضال
            يعنى ايه حد محترف ؟
            هوه فى ورش متخصصه للعزل ؟
            ولو فى ممكن اسامى وعنوانين ؟
            وبالنسبه للمواد ايه هما ال 5 مواد شكرا

            Comment


            • #7
              الواحد لما بيشتغل بنفسه فعلا بيكون قلبه على الحاجه مش زى كثير من الصنايعيه الى مفيش عندهم ضمير

              Comment


              • #8
                ما شاء الله شغل جميل
                ربنا يبارك يا غالي

                Comment


                • #9
                  تسلم يا شريف استاذ ورشيس قسم
                  ليست مشكلتي إن لم يفهم البعض ما اعنيه ؟
                  و ليست مشكلتي ..إن لم تصل لفكره لأصحابها ؟ فهذه قناعاتي .. وهذه افكاري .. وهذه كتاباتي بين يديكم أكتب مااشعر به .. أقول ماأنا مؤمن به .....انقل هموم غيري بطرق مختلفة و ليش بالضرورة ما أكتبه يعكس حياتي ....... الشخصية هي في النهاية ...... مجرد رؤية لأفكاري .....

                  [url=http://www.postimage.org/image.php?v=gx1XIkV9][img]http://www.postimage.org/gx1XIkV9.jpg[/img][/url]

                  Comment


                  • #10
                    الله يكرمكم يا جماعه بالنسبه للتكلفه انا مش فاكرها بالظبط بس هي اقل من ال 100 جنيه
                    سبحان الله وبحمده سبحان الله العظيم

                    Comment


                    • #11
                      ركبت سنسور ركن واسبويلر
                      سبحان الله وبحمده سبحان الله العظيم

                      Comment


                      • #12
                        المشاركة الأصلية كتبت بواسطة bmya مشاهدة المشاركة
                        ركبت سنسور ركن واسبويلر
                        جبت الاسبويلر من فين؟ وبكام؟ وفين الصور؟

                        واخبار الثبات ايه ؟تفاصيل بقا!! من اللي اتعودنا عليها
                        ليست مشكلتي إن لم يفهم البعض ما اعنيه ؟
                        و ليست مشكلتي ..إن لم تصل لفكره لأصحابها ؟ فهذه قناعاتي .. وهذه افكاري .. وهذه كتاباتي بين يديكم أكتب مااشعر به .. أقول ماأنا مؤمن به .....انقل هموم غيري بطرق مختلفة و ليش بالضرورة ما أكتبه يعكس حياتي ....... الشخصية هي في النهاية ...... مجرد رؤية لأفكاري .....

                        [url=http://www.postimage.org/image.php?v=gx1XIkV9][img]http://www.postimage.org/gx1XIkV9.jpg[/img][/url]

                        Comment


                        • #13
                          مبدئيا شغل جميل
                          ومجهود مشكور
                          وتقبلة الله فى ميزان اعمالك علم ينتفع بة

                          نيجى بقى للشغل
                          بما انك بتحب تعمل حاجتك بايدك وبتجتهد وترفع مواضيع لنفع الناس فانا هقولك على كام نصيحة عشان شغلك فى الاخر يطلع 10/10 وزى الفل

                          وارجوا ان يتسع صدرك لانى بيصعب عليا ان واحد يبنى عمارة كبيرة ويسيبها من غير تشطيب فمجهودة مبيبانش

                          بص ياباشا

                          1- خلى كل الصور بمقاس 600 * 450 دة بيخلى تحميل الصفحة اسرع للناس اللى عندها النت بطى

                          2- بعد ما تخلص الموضوع كتابة ووضع روابط انسخة كلة وحطة فى ملف تكست واعملة حفظ عشان اى موقف طارى قبل ما تدوس على كلمة ( اعتمد الموضوع)

                          3 - حاول على قد ما تقدر تستعين فى التصوير بكاميرا موبايل نضيفة او كاميرا جيدة

                          4 - بعد ما تنزل الصور على الكمبيوتر حاول تحسنها باى برنامج وانا اخدت صورة من عندك وحسنتها ورفعت لك الاتنين عشان تشوف الفرق

                          صورتك قبل التحسين




                          نفس الصورة بعد التحسين




                          وفى النهاية ارجوا ان تتقبل كلامى بصدر رحب وروح رياضية

                          انا بس صعبان عليا ان مجهودك ميتعرضش بالشكل المناسب لية

                          وتقبلها الله فى ميزان حسناتك
                          [SIZE=2][SIZE=5][COLOR=Blue]zarif سابقا[/COLOR][/SIZE]
                          [rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade][/SIZE]

                          [SIZE="6"][COLOR="Blue"]zarif سابقا[/COLOR][/SIZE]

                          Comment


                          • #14
                            استاذ ظريف طبعا كلامك ونصايحك مقبوله طبعا بس الرد كله يتلخص في كلمه وحده
                            الوقت ياصديقي :) وشكرا لنصايخك الجميله ونورت الموضوع ياباشا
                            سبحان الله وبحمده سبحان الله العظيم

                            Comment

                            Working...
                            X