التيل الخلفي والتوكيل

[mohamed_rhem]

تكملة للجزء الاول من صحصحة القسم

قولت طالما محدش بيعمل موضوعات اعمل انا كام موضوع

كنت حاجز صيانة لتغيير التيل الخلفي وتزييت دواسة الدبرياج وتربيط وتشحيم العفشة

الميكانيكي رجلشهولي من كام شهر وقالي الرجلاش علي الاخر

المرة الجايه هنغير التيل

مكدبتش خبر

وانا بتابع العربية لاقيت الفني بص علي التيل والطنابير

ونده المهندس حطيت ايدي علي قلبي قولت يبقي تيل وطنابير

وشويه اداله العلبة اللي فيها التيل اللي كان مصرف لعربيتي

ورجلش اسبراي وربط عفشه وخلاص

وانا نازل احاسب

مهندس الاستقبال قالي مغيرناش التيل

مهندس الورشه والفني بيقولو لسه مليان ومش محتاج تغيير

عملنا رجلاش بس

والحمد لله العربية فرقت جامد في الفرامل

[alemam2005]

بصراحه اول مره اسمع اللجلاش جاب اخره اللي اعرفه التيل جاب اخر أه.

[mohamed_rhem]

بصراحه اول مره اسمع اللجلاش جاب اخره اللي اعرفه التيل جاب اخر أه.

التيل الخلفي عندنا قباقيب مش سكاكين

في رجلاش من فرامل اليد وفي رجلاش تاني عبارة عن تكات بتبقي سوسته في الحديد بتاع التيل الخلفي

هو وراني وقالي كده عالاخر

بس انا اخدت كلامه ثقه ومكدبتش خبر حجزت في التوكيل ميعاد لتغيير التيل

بس انا مش فاهم لحد دلوقت هما عملوا ايه وهو كان بيفرجني علي ايه !

[bmya]

انا غيرته على 75000 وبصراحه قلت كفايه عليه كده يعني 5 سنين زمانه جاب جازاصلا بس كان لسه فييه شويه بس انا قلت نضافه وحفاظا على الطنابير وفرق كتير فعلا في الفرامل
اما بقه بالنسبه لصحصحه القسم فربنا معاك هههههههههه

[aliabutaleb]

انا لسة مغيرتش تيل خلفي لغاية دلوقتي.
مخبيش عليكم، قافش من العالمية بتاع شارع دمشق من ساعة ما اشتريت التيل الأمامي اللي مفروض انه اصلي وبيصفر من بعد اقل من ٢٠٠٠ كم

[alemam2005]

الواضح ان التيل الخلفي في دايهاتسو من الحاجات المعمره اللي مش بتتغير بسرعه ذي العربيات التانيه.. حتي لو سئلت عليه خارج التوكيل معظم المحلات مش بتجيبه لانه مش ماشي